ইণ্টাৰনেশ্যনেল ডেস্ক, ৯ মে' : দ্বিতীয় বিশ্বযুদ্ধত নাজী জাৰ্মানীৰ পৰাজয় উপলক্ষে মঙলবাৰৰ বাৰ্ষিক অনুষ্ঠানৰ পূৰ্বে ৰাছিয়াৰ গুৰুত্বপূৰ্ণ সিদ্ধান্ত । নিৰাপত্তাজনিত বিশেষ সিদ্ধান্ত ল'লে ৰাছিয়াই । দেশখনৰ বৃহৎ চহৰসমূহত ড্ৰোণ আৰু ৰাইড-শ্বেয়াৰিং সেৱাৰ ব্যৱহাৰ নিষিদ্ধ কৰিলে ৰাছিয়াই (Drones and ride sharing services banned)। বিশ্বজুৰি চৰ্চিত ছেইণ্ট পিটাৰ্ছবাৰ্গৰ জেট স্কিও নিষিদ্ধ কৰিলে ৰাছিয়াই (Jet skis banned in Russia)।
ৰাছিয়াৰ সংবাদ মাধ্যমে উল্লেখ কৰা মতে, ৰাছিয়াৰ কমেও ২১ খন চহৰে ৯ মে'ত ৰাছিয়াত প্ৰথমবাৰৰ বাবে অনুষ্ঠিত হ'বলগীয়া বিজয় দিৱস উদযাপনৰ মুখ্য অংশ সামৰিক কুচকাৱাজ বাতিল কৰিছে (21 Russian cities cancelled May 9 military parades)। অৱশ্যে আঞ্চলিক বিষয়াসকলে অনিৰ্দিষ্ট নিৰাপত্তাৰ উদ্বেগক দোষাৰোপ কৰিছে । কিন্তু এইটো স্পষ্ট হোৱা নাই যে এই সিদ্ধান্ত ক্ৰেমলিনৰ সৈতে সমন্বয় ৰক্ষা কৰি লোৱা হৈছিল নে নাই ।
যোৱা সপ্তাহত, ৰাছিয়াৰ এক অস্পষ্ট চৰকাৰী প্ৰতিবেদন অনুসৰি দুখন ইউক্ৰেইনৰ ড্ৰোণ মস্কোৰ মাজভাগত প্ৰত্যক্ষ কৰা গৈছিল আৰু গুলীবৰ্ষণ কৰাৰ পূৰ্বে ড্ৰোণ দুখন ক্ৰেমলিনত উপস্থিত হৈছিল । সংবাদ মাধ্যম আৰু স্থানীয় বিষয়াসকলে অৱশ্যে ইয়াক ড্ৰোণ আক্ৰমণ বুলি অভিহিত কৰিছে ।
বিশেষকৈ দুয়োখন দেশৰ সীমান্তৰ ওচৰৰ তেল ভাণ্ডাৰসমূহক লক্ষ্য কৰি ইউক্ৰেইনৰ সামৰিক বাহিনীৰ ওপৰত ড্ৰোণৰ আক্ৰমণ হোৱা বুলি সন্দেহ কৰা হৈছে । অৱশ্যে কিভৰ বিষয়াসকলে এই সন্দৰ্ভত মন্তব্য দিয়া নাছিল । ইউক্ৰেইনৰ সম্ভাব্য আক্ৰমণৰ আশংকা বাস্তৱিক যেন লাগিছে যদিও ৰাছিয়াৰ সৰ্ববৃহৎ চহৰ মস্কো আৰু ছেইণ্ট পিটাৰ্ছবাৰ্গত পেৰেড অনুষ্ঠিত হ'ব । কিন্তু বিজয় দিৱসৰ পূৰ্বে দুয়োখন চহৰতে ড্ৰোণৰ ব্যৱহাৰ নিষিদ্ধ কৰা হৈছে ।
ৰাছিয়াৰ ৰাজধানীত পৰম্পৰাগত ৰেড স্কোৱেৰ পেৰেডৰ প্ৰস্তুতিৰ মাজতে চহৰৰ কেন্দ্ৰৰ চালকসকলে তাত যাত্ৰা কৰিব নোৱাৰি কোৱা হৈছে । এই বছৰৰ মস্কো পেৰেডত কেৱল এগৰাকী বিদেশী নেতা উপস্থিত থাকিব বুলি আশা কৰা হৈছিল (Victory Day celebrations in Russia)। যিগৰাকী হৈছে কিৰগিজৰ ৰাষ্ট্ৰপতি সাদিৰ ঝাপাৰোভ । তেওঁ সোমবাৰে দেশখনত উপস্থিত হৈছে আৰু পুটিনক সাক্ষাৎ কৰিছে ।
অৱশ্যে সোমবাৰে বিষয়াসকলে ঘোষণা কৰে যে উজবেক ৰাষ্ট্ৰপতি শৱকত মিৰ্জিয়োয়েভ, তাজিকৰ ৰাষ্ট্ৰপতি ইমোমালি ৰাখমন, আৰ্মেনিয়াৰ প্ৰধানমন্ত্ৰী নিকল পাছিনিয়ান আৰু কাজাখস্তানৰ নেতা কাচিম-জোমাৰ্ট টোকায়েভ এই উৎসৱত উপস্থিত থাকিব । সোমবাৰে বেলাৰুছৰ সংবাদ মাধ্যমে কোৱা মতে, দেশখনৰ ৰাষ্ট্ৰপতি আলেকজেণ্ডাৰ লুকাচেংকো পেৰেডত অংশগ্ৰহণ কৰিবলৈ মস্কোত উপস্থিত হৈছে ।
লগতে পঢ়ক : Bridge demolished: ১৫০ কিলোগ্ৰাম বিস্ফোৰকেৰে নিমিষতে ধ্বংস কৰা হ’ল এখন ঐতিহাসিক দলং
