নিউয়ৰ্ক, 12 এপ্ৰিল : নিউয়ৰ্কৰ ব্ৰুকলিনৰ এটা চাবৱে ষ্টেচনত মঙলবাৰে ৰাতিপুৱা পাঁচজন লোকক গুলীয়াই হত্যা কৰা হৈছে (5 shot at NYC train station) । নিউয়ৰ্ক চিটিৰ অগ্নি নিৰ্বাপক বাহিনীৰ (New York City Fire Department ) এজন মুখপাত্ৰই কয় যে, চানছেট পাৰ্কৰ ৩৬ নং ষ্টেচনৰ পৰা ওলোৱা ধোঁৱাৰ বাবে উপস্থিত হোৱা অগ্নি নিৰ্বাপক বাহিনীয়ে তাত একাধিক গুলীবিদ্ধ লোক তথা সজীৱ গুলী উদ্ধাৰ কৰে ।
অগ্নি নিৰ্বাপক বাহিনীয়ে সদৰি কৰে যে, এই ঘটনাত 13 জন লোক আহত হৈছে । একাধিক বিভাগীয় সূত্ৰই তদন্তৰ পিছত অৱগত কৰা অনুসৰি, এজন সন্দেহযুক্ত ব্যক্তি সেই স্থানৰ পৰা কনষ্টাকচনৰ কাম কৰা সাজ আৰু গেছ মাস্ক পিন্ধি পলাই গৈছিল । ঘটনাস্থলীৰ পৰা অহা এখন ফটোত বহু মানুহে ষ্টেচনৰ মজিয়াত গুলীবিদ্ধ অৱস্থাত পৰি থকা লোকসকলৰ যত্ন লোৱা দেখা গৈছে ৷
নিউয়ৰ্ক মহানগৰৰ মেয়ৰ এৰিক এডামছৰ কাৰ্যালয়ৰ পৰা তাৎক্ষণিকভাৱে এই ঘটনাৰ অধিক বিৱৰণ লাভ কৰা হোৱা নাই । এজন মুখপাত্ৰৰ মতে, এডামছ মঙলবাৰে ৰাতিপুৱা নিজৰ বাসগৃহত আছিল আৰু তাতেই তেওঁক ঘটনা সন্দৰ্ভত অৱগত কৰা হৈছিল ।
লগতে পঢ়ক : পঞ্জাৱৰ তিনিবাৰৰ মুখ্যমন্ত্ৰী হ’লগৈ পাকিস্তানৰ প্ৰধানমন্ত্ৰী
