ইন্টাৰনেশ্যনেল ডেস্ক,২৪ ফেব্ৰুৱাৰীঃ বিশ্ববাসীৰ দৃষ্টি নিবদ্ধ ৰাছিয়া আৰু ইউক্ৰেইনৰ ওপৰত। ইউক্ৰেইনৰ ওপৰত ৰাছিয়াৰ আক্ৰমণৰ(Russia's attack on Ukraine) প্ৰসংগক লৈ বিশ্বজুৰি প্ৰতিক্ৰিয়া প্ৰকাশ কৰিছে বিভিন্নজনে। ইয়াৰ মাজতে হোৱাইত হাউছৰ বিবৃতিত জ' বাইডেনৰ প্ৰতিক্ৰিয়া প্ৰকাশ। বিশ্বৰ ওচৰত জবাব দিব লাগিব বুলি বিবৃতিত উল্লেখ বাইডেনৰ। হোৱাইট হাউছে প্ৰকাশ কৰা এক বিবৃতিত বাইডেনে কয় "ৰাষ্ট্ৰপতি পুটিনে এক পূৰ্বপৰিকল্পিত যুদ্ধ বাছনি কৰিছে যিয়ে এক প্ৰলয়ংকৰী পৰিৱেশ অগনন লোকৰ প্ৰাণহানি আৰু মানুহৰ জীৱনলৈ অলেখ দুখ-কষ্ট কঢ়িয়াই আনিব ।"
বাইডেনে উল্লেখ কৰে যে এই আক্ৰমণৰ পৰা হ'ব মৃত্যু আৰু ধ্বংসৰ বাবে দায়ী হ'ব কেৱল ৰাছিয়া। ইয়াৰ বাবে ৰাছিয়াক বিশ্বই জবাবদিহি কৰিব (World will hold Russia accountable) । ৰাছিয়াৰ "ইউক্ৰেইনৰ ওপৰত অপ্ৰৰোচিত আৰু অযৌক্তিক আক্ৰমণ"ক গৰিহণা দি আমেৰিকা যুক্তৰাষ্ট্ৰৰ ৰাষ্ট্ৰপতি জো বিডেনে কয় যে পূৰ্বপৰিকল্পিত যুদ্ধই প্ৰাণ আৰু মানুহৰ বাবে এক প্ৰলয়ংকৰী ক্ষতি আনিব। "ৰাছিয়াৰ সামৰিক বাহিনীৰ দ্বাৰা অপ্ৰৰোচিত আৰু অযৌক্তিক আক্ৰমণৰ সন্মুখীন হোৱাৰ বাবে সমগ্ৰ বিশ্বৰ প্ৰাৰ্থনা আজি ৰাতি ইউক্ৰেইনৰ জনসাধাৰণৰ সৈতে আছে ।
ৰাষ্ট্ৰপতি পুটিনে এক পূৰ্বপৰিকল্পিত যুদ্ধ বাছনি কৰিছে যিয়ে এক প্ৰলয়ংকৰী প্ৰাণহানি আৰু মানুহৰ দুখ-কষ্ট কঢ়িয়াই আনিব," হোৱাইট হাউছে প্ৰকাশ কৰা এক বিবৃতিত স্পষ্টৰূপে প্ৰকাশ কৰে এই কথা ।
আমেৰিকা যুক্তৰাষ্ট্ৰ আৰু ইয়াৰ মিত্ৰশক্তি আৰু অংশীদাৰসকলে ঐক্যবদ্ধ আৰু নিৰ্ণায়ক প্ৰকাৰে সঁহাৰি দিব বুলি দাবী কৰি বিডেনে কয় যে, এই আক্ৰমণে আনিব লগীয়া মৃত্যু আৰু ধ্বংসৰ বাবে কেৱল ৰাছিয়াহে দায়ী । আমেৰিকা যুক্তৰাষ্ট্ৰৰ ৰাষ্ট্ৰপতিগৰাকীয়ে লগতে আৰু কয় যে তেওঁ এতিয়ালৈকে হোৱাইট হাউচৰ পৰা পৰিস্থিতি নিৰীক্ষণ কৰিব আৰু পুৱাৰ ভাগত তেওঁৰ জি-৭(G-7) সতীৰ্থসকলৰ সৈতে সাক্ষাৎ কৰিব ৷
বিডেনে কয় যে আমেৰিকা যুক্তৰাষ্ট্ৰই নাটো (NATO) মিত্ৰশক্তিৰ সৈতে এক শক্তিশালী, ঐক্যবদ্ধ সঁহাৰি নিশ্চিত কৰিবলৈ সমন্বয় কৰিব যি মিত্ৰজোঁটৰ বিৰুদ্ধে যিকোনো আক্ৰমণ প্ৰতিহত কৰে। তেওঁ লগতে কয়, "আজি ৰাতি জিল (First Lady Jill Biden) আৰু মই ইউক্ৰেইনৰ সাহসী আৰু গৌৰৱান্বিত লোকসকলৰ বাবে প্ৰাৰ্থনা কৰিছো ।"
বৃহস্পতিবাৰে সংবাদ মাধ্যমৰ প্ৰতিবেদনঅনুসৰি ৰাছিয়াৰ ৰাষ্ট্ৰপতি ভ্লাদিমিৰ পুটিনে (Vladimir Putin) পূৱ ইউক্ৰেইনৰ বিচ্ছিন্নতাবাদী অধিকৃত অঞ্চল ডনবাছক সুৰক্ষা দিবলৈ এক বিশেষ "সামৰিক অভিযান" ঘোষণা কৰাৰ সময়তে বিডেনৰ এই মন্তব্য আহিছে। জৰুৰীকালীন ভাষণ প্ৰদান কৰি পুটিনে কয় যে ইউক্ৰেইনক অসামৰিককৰণৰ বাবে অভিযান আৰম্ভ কৰা হৈছে আৰু লগতে আন দেশসমূহক সতৰ্ক কৰি দিছে যে ৰাছিয়াৰ কাৰ্যকলাপত হস্তক্ষেপ কৰাৰ যিকোনো প্ৰচেষ্টাৰ ফলত "পৰিণাম" (consequences) হ'ব ।
লক্ষণীয়ভাৱে, পুটিনে ইউক্ৰেইনৰ বিচ্ছিন্ন অঞ্চল ডনেটস্ক আৰু লুহানস্কৰ স্বাধীনতাক স্বীকৃতি দিছিল যাৰ পিছত বিডেনে ৰাছিয়াৰ ওপৰত নিষেধাজ্ঞা আৰোপ কৰিছিল আৰু ইউক্ৰেইনলৈ আমেৰিকাৰ সমৰ্থন নিশ্চিত কৰিছিল। পুটিনে তেওঁৰ ঘোষণাৰ পিছত ইউক্ৰেইনৰ বিচ্ছিন্ন অঞ্চললৈ ৰাছিয়াৰ সশস্ত্ৰ বাহিনী প্ৰেৰণৰ নিৰ্দেশ দিছিল। ইয়াৰ পিছতে ইউক্ৰেইনৰ সংসদ ভেৰখভনা ৰাদাই বুধবাৰে দেশখনৰ সীমাত বৰ্ধিত পৰিস্থিতিৰ মাজত ডনেটস্ক আৰু লুহানস্ক অঞ্চলৰ বাহিৰে সমগ্ৰ দেশতে জৰুৰীকালীন অৱস্থা ঘোষণা কৰিবলৈ অনুমোদন জনাইছে।
লগতে পঢ়কঃ তৃতীয় বিশ্ব যুদ্ধৰ উক-মুকনি : ইউৰোপত সৰ্ববৃহৎ যুদ্ধখনৰ পৰিকল্পনা কৰিছে নেকি ৰাছিয়াই ?
