পুনৰ আন্তৰাষ্ট্ৰীয় পৰ্যায়ত মুখ থেকেছা পাকিস্তানৰ

আমেৰিকা আৰু ৰাছিয়াৰ পাছতে ফ্ৰান্সেও নিৰাশ কৰিলে পাকিস্তানক ৷ এয়া দুয়ো দেশৰ মাজৰ বিষয় বুলি মন্তব্য কৰিলে ফ্ৰান্সে ৷

ইন্টাৰনেশ্বনেল ডেস্ক, 21 আগষ্ট : ৰাষ্ট্ৰসংঘৰ নিৰাপত্তা পৰিষদৰ পাছতে বহুকেইখন দেশৰ পৰা সমৰ্থন নোপোৱাৰ পাছতে ফ্ৰান্সেও অপমানিত কৰিলে পাকিস্তানক ৷ জম্মু - কাশ্মীৰ বিষয়ক আন্তৰাষ্ট্ৰীয় পৰ্যায়লৈ ঠেলি নিবলৈ চেষ্টা কৰা পাকিস্তানক সহায়ৰ হাত আগবঢ়াবলৈ অস্বীকাৰ কৰিলে ফ্ৰান্সে ৷

পুনৰ আন্তৰাষ্ট্ৰীয় পৰ্যায়ত মুখ ঠেকেছা পাকিস্তানৰ

ফ্ৰান্সৰ বৈদেশিক মন্ত্ৰী জিন ড্ৰিয়ানে মঙলবাৰে পাকিস্তানৰ বৈদেশিক মন্ত্ৰী শ্বাহ মহম্মদ কুৰেশ্বীৰ সৈতে টেলিফোনেৰে বাৰ্তালাপ কৰি মন্তব্য কৰে যে, এয়া দুয়ো দেশৰ (ভাৰত আৰু পাকিস্তান) মাজৰ বিষয় ৷ দুয়ো দেশৰ দ্বিপাক্ষিক সম্পৰ্কৰ ওপৰত নিৰ্ভৰ কৰি এই বিষয়ৰ সমাধান কৰাৰ লগতে শান্তি ঘূৰাই আনিবলৈ চেষ্টা কৰা উচিত বুলি মন্তব্য কৰে ড্ৰিয়ানে ৷

এই মন্তব্য পাকিস্তানৰ বাবে অন্য এক উদ্বিগ্নতাৰ বিষয় হিচাপে থিয় দিছে কাৰণ নিৰাপত্তা পৰিষদৰ লগতে আমেৰিকা যুক্তৰাষ্ট্ৰ আৰু ৰাছিয়াইও সহায়ৰ হাত আগবঢ়াবলৈ অস্বীকাৰ কৰিছিল পাকিস্তানক ৷