ফ্ৰান্সত গিৰ্জা আক্ৰমণঃ আটক আন এজন লোক

ইব্ৰাহিম ইচাউই আৰক্ষীয়ে দিয়া প্ৰত্যুৎত্তৰত গুৰুতৰভাৱে আঘাতপ্ৰাপ্ত হৈ সংকটজনক অৱস্থাত চিকিৎসালয়ত ভৰ্তি কৰোৱা হয়। ইতিমধ্যে বিষয়টো ফ্ৰান্স আৰু টিউনিছিয়াত সন্ত্ৰাসবাদ নিৰোধক শাখাই তদন্ত কৰি আছে ।

নিউজ ডেস্ক, 30 অক্টোবৰ : এজন টানিশ্বিয়ান লোকে ফ্ৰান্সৰ এখন গিৰ্জাঘৰত তিনিজন লোকক হত্যা কৰাৰ ঘটনাৰ পাছত উক্ত ঘটনাৰে জড়িত থকাৰ সন্দেহত শুকুৰবাৰে আৰক্ষীয়ে আন এজন লোকক আটক কৰিছে ৷ ফ্ৰান্সত ইছলাম ধৰ্মৰ পয়গম্বৰৰ বিকৃত কাৰ্টুন প্ৰচাৰক কেন্দ্ৰ কৰি চলি থকা হিংসাত্মক ঘটনাই বিগত কিছুদিন ধৰি ফ্ৰান্সত উত্তেজনাৰ সৃষ্টি কৰাৰ লগতে সমগ্ৰ বিশ্বতে এই ঘটনা চৰ্চাৰ বিষয় হৈ পৰিছে ৷ ইতিমধ্যে ঘটনাটো একপ্ৰকাৰে ফ্ৰান্সত ৰাজনৈতিক বিষয় হৈ পৰিছে ৷

নাম প্ৰকাশৰ পৰা বিৰত থকা এজন ন্যায়িক বিষয়াই জনোৱা মতে,সন্দেহকাৰীজন এজন ৪৭ বছৰীয়া ব্যক্তি যিজনে ৰিভেইৰা চহৰ নিচৰ কেথিড্ৰালত গিৰ্জাঘৰত আক্ৰমণ কৰাৰ আগতে নিশা আক্ৰমণকাৰীৰ সৈতে যোগাযোগ কৰিছিল । ইব্ৰাহিম ইচাউই আৰক্ষীয়ে দিয়া প্ৰত্যুৎত্তৰত গুৰুতৰভাৱে আঘাতপ্ৰাপ্ত হৈ সংকটজনক অৱস্থাত চিকিৎসালয়ত ভৰ্তি কৰোৱা হয়। ইতিমধ্যে বিষয়টো ফ্ৰান্স আৰু টিউনিছিয়াত সন্ত্ৰাসবাদ নিৰোধক শাখাই তদন্ত কৰি আছে ।

চৌদিৰ মালিকানাধীন আল-আৰবিয়া টিভিৰ সৈতে শুক্ৰবাৰে সম্প্ৰচাৰিত এক সাক্ষাৎকাৰত ইচাউইৰ মাতৃয়ে কৈছিল যে, ঘটনাবোৰত তেওঁ হতভম্ব হৈছে।তেওঁৰ ভাতৃয়ে আল-আৰাবিয়াক কৈছিল যে, ইছাউইয়ে পৰিয়ালক জনাইছিল যে, তেওঁ গিৰ্জাঘৰৰ সন্মুখত শুব, আৰু তেওঁ কেথিড্ৰালৰ পৰা এখন ফটো প্ৰেৰণ কৰিছিল য'ত আক্ৰমণটো সংঘটিত হৈছিল।

লগতে পঢ়ক: আমেৰিকাৰ ৰাষ্ট্ৰপতি নিৰ্বাচনঃ কাৰ পক্ষত সমীক্ষাসমূহ ?