ইন্টাৰনেচনেল ডেস্ক, ২৬ ফেব্ৰুৱাৰী : বাতিল হ’ল ফৰ্মুলা ১ ৰেচিং টুৰ্নামেন্ট (Russian Grand Prix cancelled) । বিশ্বৰ আগশাৰীৰ এই ৰেচিং টুৰ্নামেন্টৰ আয়োজক, ফেডেৰেচন ইণ্টাৰনেচনেল ডি ল'অটোমোবাইল (FIA) য়ে ইউক্ৰেইনৰ সংকটৰ বাবে হ’বলগীয়া ৰাছিয়ান ফৰ্মুলা ১ গ্ৰেণ্ড প্ৰিক্স বাতিল কৰা বুলি ঘোষণা কৰে (Formula one cancels Russian Grand Prix ) ।
সোমবাৰে, ৰাছিয়াৰ ৰাষ্ট্ৰপতি ভ্লাদিমিৰ পুটিনে ইউক্ৰেইনৰ দুটাকৈ অঞ্চল, ডনেটস্ক আৰু লুহানস্কক স্বতন্ত্ৰ হিচাপে ঘোষণা কৰে আৰু তাৰ পাছতেই ডনবাছ অঞ্চলত এক বিশেষ সামৰিক অভিযানৰ নিৰ্দেশ দিয়ে ।
ৰাছিয়াৰ এই সামৰিক অভিযানৰ পাচতেই ইউকে, আমেৰিকা, কানাডা আৰু ইউৰোপীয় ইউনিয়নৰ কেইবাখনো দেশে ৰাছিয়াক এই সামৰিক অভিযানৰ বাবে গৰিহণা দিয়ে ৷ ইতিমধ্য়ে মস্কোৰ ওপৰত বহু নিষেধাজ্ঞা আৰোপ কৰা দেখা গৈছে ।
"F1 এ এই বিশ্ব চেম্পিয়নশ্বিপৰ জৰিয়তে পৃথিৱীৰ সকলো লোকক একত্ৰিত কৰাৰ বাবে এক ইতিবাচক দৃষ্টিভংগীৰে সমগ্ৰ দেশবোৰ ভ্ৰমণ কৰে । এই ৰেচিংৰ উদ্দেশ্য হল ৰাষ্ট্ৰসমূহক একত্ৰিত কৰা । আমি যথেষ্ট দুখ আৰু হতবাক হৈ ইউক্ৰেইনৰ ঘটনাৱলী চাই আছো আৰু বৰ্তমান পৰিস্থিতিৰ দ্ৰুত আৰু শান্তিপূৰ্ণ সমাধানৰ আশাৰে বাট চাই আছো," এইদৰে F1 এ এক বিবৃতিত কয় (Russian Grand Prix amid Ukraine crisis ) ।
"বৃহস্পতিবাৰে সন্ধিয়া ফৰ্মুলা 1 (F1), FIA আৰু প্ৰতিযেগী দলসমুহে এক আলোচনাত মিলিত হয় আৰু বৰ্তমান পৰিস্থিতিত ৰাছিয়ান গ্ৰেণ্ড প্ৰিক্স অনুষ্ঠিত কৰাটো অসম্ভৱ বুলি সিদ্ধান্ত গ্ৰহণ কৰে," F1 এ এক বিবৃতিযোগে জনায় ।
আয়েজক সকলে জনায় যে, জাৰ্মান ৰেচিং ড্ৰাইভাৰ চেবাষ্টিয়ান ভেটেলে ইউক্ৰেইনত ৰাছিয়াৰ চলিত সামৰিক অভিযানৰ মাজত এই বছৰ ফৰ্মুলা ৱানৰ ৰাছিয়ান গ্ৰেণ্ড প্ৰিক্সত প্ৰতিদ্বন্দিতা নকৰাৰ সিদ্ধান্ত গ্ৰহণ কৰিছে । এতএব এইবাৰৰ এফ ১ কে সম্ভৱত পাছত আন এটা সময়ত এই ৰেচিং আয়োজন কৰাৰ চেষ্টা কৰিব ।
লগতে পঢ়ক: Russia Ukraine war: আমিন আৱাদক ইউক্ৰেইনৰ বাবে ৰাষ্ট্ৰসংঘৰ সংকট সমন্বয়ক হিচাপে নিযুক্তি
