নিয়ন্ত্ৰণলৈ আহিল পেৰিচৰ নট্ৰে ড্ৰমৰ বিধ্বংসী জুই

পাঁচশতকৈ অধিক অধিক অগ্নিনিৰ্বাপক বাহিনীৰ লোকৰ তৎপৰতাত নিয়ন্ত্ৰণলৈ আহে জুই ৷ অৱশ্যে অগ্নিকাণ্ডৰ কাৰণ এতিয়ালৈকে জানিব পৰা হোৱা নাই

পেৰিচ,16 এপ্ৰিলঃ ফ্ৰান্সৰ ৰাজধানী পেৰিছৰ ঐতিহাসিক নোট্ৰেডম গীৰ্জাঘৰত সোমবাৰে সংঘটিত হয় বিধ্বংসী অগ্নিকাণ্ড ৷ অগ্নিকাণ্ডৰ ফলত সম্পূৰ্ণ ৰূপে ভস্মীভূত হয় 850 বছৰীয়া প্ৰধান গীৰ্জাঘৰটোৰ মূধচৰ অংশ ৷ অৱশ্যে এতিয়ালৈকে ক্ষতিগ্ৰস্ত হোৱা সা-সম্পত্তিৰ পৰিমাণৰ বিষয়ে জানিব পৰা হোৱা নাই ৷

স্থানীয় সময় অনুসৰি সন্ধিয়া 6.30 বজাত সূত্ৰপাত হোৱা অগ্নিকাণ্ড নিয়ন্ত্ৰণৰ বাবে অগ্নিনিৰ্বাপক বাহিনীৰ বাহনৰ লগতে হেলিকপ্টাৰো ব্যৱহাৰ কৰা হয় ৷ 500ৰো অধিক অগ্নিনিৰ্বাপক বাহিনীৰ লোকৰ 4 ঘণ্টাজোৰা প্ৰচেষ্টাৰ অন্তত নিয়ন্ত্ৰলৈ আহে জুই ৷ অৱশ্যে অগ্নিকাণ্ডৰ কাৰণ এতিয়ালৈকে জানিব পৰা হোৱা নাই ৷

উল্লেখযোগ্য 1160 চনতে নিৰ্মাণ আৰম্ভ হোৱা ঐতিহাসিক স্মাৰক নোটে ড্ৰমত নেপোলিয়ন বোনাপাৰ্টৰ ৰাজ অভিষেক কৰা হৈছিল ৷ প্ৰতিবছৰে এই স্থানলৈ 1.2 কোটি পৰ্যটকৰ আগমণ ঘটে ৷