নিউজ ডেস্ক, 16 ছেপ্তেম্বৰ : যোশিহিদে ছুগাই জাপানৰ প্ৰধানমন্ত্ৰী হিচাপে শপতগ্ৰহণ কৰাৰ পূৰ্বেই ছিনজো আবেৰ কেবিনেটে পদত্যাগ কৰিছে ৷ জাপানৰ লিবাৰেল ডেম'ক্ৰেটিক পাৰ্টীৰ নেতাগৰাকীয়ে বুধবাৰে শপতগ্ৰহণ কৰে ৷ সৰ্বমুঠ 377টা ভোট লাভ কৰি প্ৰধানমন্ত্ৰীৰ আসনত অধিস্থিত হয় ছুগা ৷ ইয়াৰ বিপৰীতে দেশখনৰ প্ৰাক্তন বৈদেশিক মন্ত্ৰী ফুমিঅ কিশিদাই 89টা আৰু প্ৰাক্তন প্ৰতিৰক্ষা মন্ত্ৰী শিগেৰু ইছিবাই 68টা ভোট লাভ কৰে ৷
উল্লেখ্য যে, বিগত 28 আগষ্টত আবে নিজৰ শাৰিৰীক অসুস্থতাৰ বিষয়ে উল্লেখ কৰি প্ৰধানমন্ত্ৰীৰ পদৰ পৰা অব্যাহতি লৈছিল ৷ এনে অৱস্থাত কোভিড-19 মহামাৰীৰ সৈতে যুঁজিবলৈ দেশখনৰ শাসনভাৰ নিজৰ হাতলৈ নিয়ে যোশিহিদে ছুগাই ৷
লগতে পঢ়ক : চীনেই সৃষ্টি কৰিছিল ক'ৰণা ভাইৰাছঃ চীনা বিজ্ঞানীৰ দাবী
