ইন্টাৰনেশ্যনেল ডেস্ক, 13 ছেপ্তেম্বৰ : আমেৰিকাৰ ৰাষ্ট্ৰপতি ড'নান্ড ট্ৰাম্পৰ অনুৰোধৰ পাচতো ইৰানে মৃত্যুদণ্ড দিলে এজন মল্লযুঁজাৰুক ৷ এজন লোকক হত্যা কৰাৰ অপৰাধত দোষী সাব্য়স্ত কৰি 27 বৰ্ষীয় মল্লযুঁজাৰু গৰাকীক মৃত্যুদণ্ড দিয়া হয় ৷
ফাৰ্চৰ মুখ্য ন্যায়াধীশ কাজেম মৌচাভীয়ে শনিবাৰে জানিবলৈ দিয়ে যে, হাছান তুৰ্কমানক হত্যাৰ অপৰাধত নভিদ আফকাৰীক ছিৰাজৰ আদেলাবাদ জেলত মৃত্যুদণ্ড দিয়া হয় ৷
উল্লেখযোগ্য যে, নভিদে দুই বছৰ পূৰ্বে চৰকাৰ বিৰোধী আন্দোলনত অংশগ্ৰহণ কৰিছিল আৰু তেতিয়াৰ পৰাই তেওঁ চৰকাৰৰ লক্ষ্য হৈ পৰিছিল ৷
এই সম্পৰ্কত ট্ৰাম্পে মন্তব্য কৰিছিল, "মই ইৰানৰ নেতাসকলক ধন্যবাদ জনাম যদি তেওঁলোকে নবিদক ক্ষমা কৰি দিয়ে আৰু ফাঁচীৰ সিদ্ধান্ত সলনি কৰে ৷"
নবিদক সুৰক্ষাকৰ্মীৰ মৃত্যুৰ জগৰীয়া কৰি ফাঁচী দিয়া হয় ৷ নবিদৰ উপৰি তেওঁৰ ভাতৃ ৱাহিদ আৰু হাবিবকো জেললৈ প্ৰেৰণ কৰা হয় ৷
ট্ৰাম্পে মন্তব্য কৰিছিল যে, নবিদৰ একমাত্ৰ দোষ এয়াই যে তেওঁ চৰকাৰৰ বিৰোধিতা কৰিছিল ৷ নবিদৰ উপৰি হাজাৰোধিক এথলীটৰ মৃত্যুদণ্ড প্ৰত্যাহাৰ কৰাৰ অনুৰোধ জনাইছিল আমেৰিকাৰ ৰাষ্ট্ৰপতি ট্ৰাম্পে ৷
