গুজৰাটৰ উপকূলত পাকিস্তানী নাৱৰ পৰা 500 কোটি টকাৰ ড্ৰাগছ উদ্ধাৰ

মঙলবাৰে পুৱা গুজৰাটৰ উপকূলত ভাৰতীয় উপকূলৰক্ষী বাহিনীয়ে প্ৰায় 500 কোটি টকাৰ ড্ৰাগছ উদ্ধাৰ কৰে ৷ এই অভিযানকালত 6 জন লোকসহ মুঠ 194 পেকেট হেৰ'ইন জব্দ কৰা হয় ৷

নিউজডেস্ক,22মে': মঙলবাৰে পশ্চিম উপকূলত 'আল মদিনা' নামৰ এখন পাকিস্তানী মাছমৰীয়া জাহাজৰ পৰা ভাৰতীয় উপকূলৰক্ষী বাহিনীয়ে বৃহৎ পৰিমাণৰ ড্ৰাগছ জব্দ কৰে ৷ গুজৰাটৰ উপকূলত চলোৱা এই অভিযানকালত 6 জন লোকসহ মুঠ 194 পেকেট হেৰ'ইন জব্দ কৰা হয় ৷ যাৰ বজাৰ মূল্য প্ৰায় 500 কোটি বুলি জানিব পৰা গৈছে ৷ উল্লেখ্য যে চোৰাংচোৱাৰ এক তথ্যৰ পম খেদি ভাৰতীয় উপকূলৰক্ষী বাহিনীয়ে পাকিস্তানী মাছমৰীয়া জাহাজখন মাজসাগৰত জব্দ কৰে ৷