নিউজ ডেস্ক, 13 জুলাইঃ চীন দেশত উদ্ভৱ হোৱা কৰ'ণা মহামাৰীৰ সম্প্ৰসাৰণে সমগ্ৰ দেশৰে আৰ্থ-সামাজিক পটভূমিলৈ কঢ়িয়াই আনিছে মন্দাৱস্থা । এই মহামাৰীৰ ফলত নিম্নগামী হৈছে পৃথিৱীৰ প্ৰায় সকলো দেশৰে অৰ্থনৈতিক অৱস্থা । নিবনুৱা হৈছে ভিন ভিন কৰ্মত নিয়োজিত হৈ থকা লক্ষ লক্ষ লোক । বিগত বৰ্ষৰ ডিচেম্বৰ মাহত চীন দেশত সম্প্ৰসাৰণ হোৱা এই মহামাৰীৰ সংখ্যাই সম্প্ৰতি সমগ্ৰ পৃথিৱীতে অতিক্ৰম কৰিলে 1,30,27,844 লৈ ।
আনহাতে এই মহামাৰীত আক্ৰান্ত হৈ 13 জুলাইলৈ মৃত্যুক সাৱটি লৈছে মুঠ 5,71,076 গৰাকী লোকে । সোমবাৰৰ দিনটোত সমগ্ৰ বিশ্বতে মুঠ 3,502 গৰাকী লোকে সাৱটি লৈছে মৃত্যুক । এই পৰ্যন্ত কৰ'ণা মহামাৰীৰ সংক্ৰমণৰ হাৰ আটাইতকৈ অধিক পোৱা গৈছে আমেৰিকাত । তাৰ পিচতেই এই মহামাৰী সংক্ৰমণৰ ক্ষেত্ৰত দ্বিতীয় আৰু তৃতীয় স্থানত আছে ক্ৰমে ব্ৰাজিল আৰু ভাৰত । সমান্তৰালকৈ পেৰু, ৰাছিয়া আদি দেশতো বৃদ্ধি পাবলৈ ধৰিছে কৰ'ণা মহামাৰীৰ সংক্ৰমণ ।
লগতে পঢ়কঃ ৰাজ্যত পুনৰ 735গৰাকীৰ দেহত ধৰা পৰিল কোভিড-19
