2019 চনত আমেৰিকাৰ ৰাষ্ট্ৰপতি ডনাল্ড ট্ৰামে ভাৰতৰ সাহৰ্যৰে নিৰ্মিত আফগানিস্থানৰ সংসদ ভৱনটোক এটা পুথিভৰালত লগত তুলনা কৰি তাচ্ছিল্য কৰিছিল ৷ ৰাষ্ট্ৰপতি ট্ৰাম্পে আফগানিস্তানৰ পৰা সৈন্য ঘূৰাই লৈ যোৱা সম্পৰ্কে এখন সংবাদমেল সম্বধণ কৰি কৈছিল যে, " সেয়া এক পুথিভড়াল স্থাপন কৰাৰ লেখিয়া কথা ৷"
"মই নাযনো কোনে সেই পুথিভড়ালটো ব্যৱহাৰ কৰি আছে ৷"- ট্ৰাম্পে তাচ্ছিল্য কৰি কৈছিল ৷ ট্ৰাম্পৰ মন্তব্যই স্বাভাৱিকতে নতুন দিল্লীক যথেষ্ঠ ব্যথিত কৰিছিল ৷ সেয়া যি কি নহওঁক, প্ৰধনমন্ত্ৰী মোডীয়ে 2015 চনত তিনি নিযুত ডলাৰ ব্যয়ৰে নিৰ্মিত আফগানিস্তানৰ সংসদ ভৱন নিৰ্মানটো যুদ্ধ বিধ্বস্ত আফাগানিস্তানৰ পুনৰ নিৰ্মাণৰ বাবে ভাৰতৰ দ্বায়িত্ববোধ হিচাপে অভিহিত কৰিছিল ৷
ৰাষ্ট্ৰপতি ট্ৰাম্পে যোৱাকালি গুজৰাটত থকা পৃথিৱীৰ সৰ্ববৃহৎ ষ্টেডিয়ামখনত "নমস্তে ট্ৰাম্প" শীৰ্ষক অনুষ্ঠানত বক্তৃতা দি সন্ত্ৰাসবাদৰ বিৰুদ্ধে নিজৰ স্থিতি স্পষ্ট কৰে যদিও তেওঁক পাকিস্তানৰ প্ৰতি যথেষ্ট নৰম মন্তব্য দিয়াটো পৰিলক্ষিত হয় ৷ "আমেৰিকা আৰু ভাৰত সন্ত্ৰাসবাদ বন্ধ কৰা আৰু সন্ত্ৰাসবাদী আদৰ্শ বিৰুদ্ধে কাম কৰাৰ বাবে দায়বদ্ধ ৷ এইকাৰনেই মই দ্বায়িত্ব লোৱাৰ পাছৰ পৰা আমি পাকিস্তানৰ সৈতে যথেষ্ট ধনাত্মক নীতিৰে কাম কৰি আছোঁ যাতে দেশখনৰ পৰা সন্ত্ৰাসবাদ আৰু সন্ত্ৰাসবাদীসকলৰ ঘাটি উৎখাত কৰিব পাৰো ৷"
ট্ৰম্পৰ কথাৰ পৰা এয়া নিশ্চিত যে, তেওঁ পাকিস্তানে আশ্বাস দিয়া আমেৰিকা-তালিবান শান্তিৰ চুক্তিৰ দ্বাৰা পৰিচালিত হৈ আছে ৷ "পাকিস্তানৰ লগত আমাৰ সম্পৰ্ক যথেষ্ট ভাল আৰু আমাৰ কিছু পদক্ষেপৰ কাৰণে দেশখনৰ লগত শেহতীয়াভাৱে আমাৰ সম্পৰ্কৰ উন্নতি ঘটিছে ৷ আমি ভাৱো ই গোটেই দক্ষিণ এছিয়াত শান্তি প্ৰতিষ্ঠা আৰু সুস্থিৰতাৰ সৃষ্টি কৰিব ৷"
"ডনাল্ড ট্ৰাম্পে আফগানিস্তানৰ লগত হ'বলগীয়া শান্তি চুক্তিৰ বাবে আশাবাদী ৷ এয়া তেওঁৰ পুনঃ নিৰ্বাচনৰ বাবেও জৰুৰী ৷ 2020চনৰ নৱেম্বৰ মাহত হ'বলগীয়া নিৰ্বাচনৰ আগে-আগে আফগানিস্তাৰ পৰা মৰ্কিন সৈন্য ঘূৰাই অনা আৰু আন প্ৰতিশ্ৰুতি সমূহ পূৰ্ণকৰাটো ট্ৰম্পৰ বাবে যথেষ্ট জৰুৰী" RAWৰ প্ৰাক্তন বিশেষ সচিব আনন্দ শূৰীয়ে কয় ৷
"বিগত এবাছৰৰ পৰা আফগানিস্তাৰ সম্পৰ্কত আমেৰিকাই পাকিস্তানৰ পৰা সহায় বিচাৰি আছে আৰু ইছলামাবাদেও যঠেষ্ট গুৰুত্বপূৰ্ণ ভূমিকা লোৱা দেখা গৈছে ৷ গতিকে ট্ৰাম্পে গুজৰাটত কোৱা কথাখিনি আচৰিত হ'বলগীয়া একো নাই ৷ যেতিয়ালৈকে আমেৰিকা আফগানিস্তান বিষয়ত পাকিস্তানৰ ওপৰত নিৰ্ভৰশীল তেতিয়ালৈ দেশখনৰ বিৰুদ্ধে কঠিন স্থিতি লোৱা সম্ভৱ নহয় ৷
আমেৰিকা আৰু তালিবানৰ মাজত হ'বলগীয়া শান্তিচুক্তি আৰু যুদ্ধবিধ্বস্ত দেশখনৰ পৰা মাৰ্কিন সৈন্য ঘূৰাই লৈ যোৱাটো ভাৰতৰ কাৰণে যথেষ্ট আশংকাৰ কাৰণ ৷ ভাৰতে আশংকা কৰে যে, লস্কৰ-ই-তৈবা আৰু আন সন্ত্ৰাসবাদী সংগঠনসূহে তেওঁলোকৰ শিবিৰসমূহ আফগান সীমান্তলৈ স্থানান্তৰ কৰিব পাৰে আৰু ই কাশ্মীৰক অনিশ্চয়তাৰ দিশে ঠেলি দিব পাৰে ৷ ভাৰতে এই সকলোবোৰ আশংকা ট্ৰাম্পৰ লগত হ'বলগীয়া আলোচনাত উত্থাপন কৰাৰ সম্ভাৱনা আছে ৷ ভাৰতে আৰু লক্ষ্য ৰাখিব লাগে যাতে ট্ৰাম্পে ইছলামাবাদক সন্তুষ্ট কৰিবলৈ কাশ্মীৰ সম্পৰ্কত মধ্যস্থতা কৰিবলৈ আগবাঢ়ি নাহে, যিটো ভাৰতবৰ্ষই বাৰে-বাৰে নাকচ কৰি আহিছে ৷
স্মিতা শৰ্মা,নতুন দিল্লী
