নিউজ ডেস্ক, ২৪ এপ্ৰিলঃ শ্ৰীলংকাৰ নেভিত কৰ্মৰত ২৯ গৰাকী নৌ-সেনা বিষয়া আক্ৰান্ত মহামাৰী COVID-19ত । শুকুৰবাৰে এই কথা সদৰী কৰে নেভিৰ বিষয়ববীয়াই । বৰ্তমান পৰ্যন্ত দেশখনত COVID-19ত আক্ৰান্তৰ সংখ্যা মুঠ ৩৪৮ জন বুলি সদৰী কৰে ।
COVID-19 ত আক্ৰান্ত ৰোগীসকলক চিনাক্তকৰণত নৌ সেনা বাহিনীৰ সেনাসকল নিয়োজিত হৈ থকা বাবেইCOVID-19 আক্ৰান্ত হয় বুলি নৌ সেনাৰ বিষয়াই জানিবলৈ দিয়ে ।
আনহাতে,বেলিছাৰা নৌসেনা শিবিৰৰ সকলো নৌ সেনা বিষয়াক ইতিমধ্যে কোৱাৰেন্টাইন কৰি ৰখা হয় বুলি সদৰী কৰে সেনা বাহিনীৰ বিষয়ববীয়াই । ইয়াৰোপৰি, সকলো নৌ সেনাক কোৱাৰেন্টাইন কৰাৰ পাচত কিছুদিনৰ বাবে ছুটি লোৱাৰ উপৰিও COVID-19ৰ পৰীক্ষা কৰিবলৈ আহ্বান জনাই । আনহাতে, শুকুৰবাৰে COVID-19 ত আক্ৰান্ত হৈ শ্ৰীলংকাত মৃত্যু হয় ৭ জন লোকৰ ।
