ইন্টাৰনেশ্যনেল ডেস্ক, 17 এপ্ৰিল : বৃহস্পতিবাৰে 20 আফগান আৰক্ষী জোৱান আৰু অন্যান্য সশস্ত্ৰ বলৰ সৈন্যক মুক্তি প্ৰদান কৰাৰ কথা প্ৰকাশ কৰে তালিবানী সংগঠনৰ মুখপাত্ৰ জাবিহুল্লাহ মুজাহিদে ৷ পূৱ লাঘমান অঞ্চলত এই বন্দীসকলক কেন্দ্ৰীয় চৰকাৰৰ হাতত মুক্তি দিয়াৰ কথা শুকুৰবাৰে প্ৰকাশ কৰে মুজাহিদে ৷
মুজাহিদে কয়, "আৰক্ষী জোৱান আৰু সশস্ত্ৰ বলৰ সৈন্যসকলক ৰাজধানী লাঘমানৰ মিতাৰলাম অঞ্চলৰ ছুলতান ঘাজী বাবা প্ৰৱেশদ্বাৰত মুক্তি দিয়া হয় ৷"
উল্লেখ্য যে, 12 এপ্ৰিলত তালিবানে আৰু 20 জন বন্দীক মুক্তি প্ৰদান কৰিছিল ৷ আনহাতে, আফগান চৰকাৰেও প্ৰায় 661 জন তালিবানীক বৰ্তমানলৈকে মুক্তি প্ৰদান কৰিছে ৷ আমেৰিকা-তালিবান শান্তি চুক্তিৰ অধীনত আফগান চৰকাৰে প্ৰায় 5000 জন তালিবানী বন্দীক মুক্তি প্ৰদান কৰিব ৷
