ইন্টাৰনেশ্বনেল ডেস্ক, 10 ফেব্ৰুৱাৰী : ইউৰোপ আৰু নাছাৰ যুটীয়া সহযোগিতাত সূৰ্যপৃষ্ঠৰ ফটো সংগ্ৰহৰ বাবে দেওবাৰে মহাকাশলৈ প্ৰেৰণ কৰা হয় চোলাৰ অৰ্বিটাৰ ৷ 1.5 বিলিয়ন ডলাৰ মূল্যৰ মহাকাশযানখনে নাছাৰ পাৰ্কাৰ চোলাৰ প্ৰোবৰ সৈতে সংযোজিত হ'ব যাক আজিৰ পৰা ডেৰবছৰ পূৰ্বেই মহাকাশলৈ প্ৰেৰণ কৰা হৈছিল ৷ পাৰ্কাৰৰ দৰেই চোলাৰ অৰ্বিটাৰখনেও সূৰ্যৰ বহিঃপৃষ্ঠৰ অটম'স্ফেয়াৰত প্ৰৱেশ কৰিবলৈ সক্ষম হোৱা নাই যদিও, পূৰ্বে কেতিয়াও সক্ষম নোহোৱা সূৰ্যৰ দুয়োটা মেৰুৰ চাৰিওফালে এপাক ঘুৰি ফটো সংগ্ৰহৰ লগতে নিজেই বিস্ফোৰিত হৈ যাব ৷ দুয়োখন যানেই একেলগে অৰ্কেষ্ট্ৰাৰ দৰে কাম কৰিব বুলি জনাইছে, ইউৰোপিয়া মহাকাশ সংস্থাৰ বিজ্ঞানী তথা নিৰ্দেশক গান্থাৰ হাচিংগাৰে ৷
ইউৰোপত নটাকৈ বিজ্ঞান প্ৰযুক্তিৰ সংমিশ্ৰনত চোলাৰ অৰ্বিটাৰখন বনোৱা হৈছিল আৰু ইয়াৰ দহসংখ্যক প্ৰযুক্তিটো নাছাই প্ৰদান কৰাৰ লগতে দেওবাৰে নিশাৰ ভাগত কেপ কানাভেৰেলৰ পৰা ইয়াৰ মহাকাশলৈ প্ৰেৰণ কৰা হয় ৷ আমেৰিকা আৰু ইউৰোপৰ প্ৰায় 1,000 বিজ্ঞানীৰ সমাৱেশত এটলাভ ফাইভ ৰকেটৰ সহায়ত ইয়াক মহাকাশলৈ প্ৰেৰণ কৰা হয় ৷ মহাকাশলৈ প্ৰেৰণৰ এঘন্টা পিচতেই ৰকেটৰ পৰা কৃত্ৰিম উপগ্ৰহটো পৃথক হোৱাৰ লগতে মহাকাশলৈ নিজে নিজে উৰণ সম্পন্ন কৰে ৷
পকাই পকাই লগোৱা বুম আৰু এন্টেনাৰে সজ্জিত চোলাৰ অৰ্বিটাৰ হৈছে এখন মহাকাশযান যাৰ ওজন প্ৰায় 1,800 কিলোগ্ৰাম ৷ চলিত বৰ্ষৰ ডিচেম্বৰ মাহত ই শুক্ৰগ্ৰহ অতিক্ৰম কৰাৰ লগতে পৰৱৰ্তী বৰ্ষত পৃথিৱীৰ মধ্যাকৰ্ষণ শক্তিক ব্যৱহাৰ কৰি ইয়াক অতিক্ৰম কৰিব ৷ যানখনৰ সম্পূৰ্ণ অভিযান 2021 চনত আৰম্ভ হৈ 2022 চনত প্ৰথমবাৰৰ বাবে সূৰ্যপৃষ্ঠৰ কাষ চাপিব আৰু ইয়াৰ পৰৱৰ্তী ছমাহকৈ সময়ত সূৰ্যপৃষ্ঠৰ অধিক কাষ চাপি যাব ৷ বুধগ্ৰহৰ কক্ষপথৰ সমান্তৰালকৈ যানখনে সূৰ্যপৃষ্ঠৰ প্ৰায় 42 মিলিয়ন কিলোমিটাৰ কাষ চাপি যাব ৷ উল্লেখ্য যে, পাৰ্কাৰ চোলাৰ প্ৰোবে ইতিমধ্যেই সূৰ্যৰ 11.6 মিলিয়ন কিলোমিটাৰ কাষ চাপিবলৈ সক্ষম হৈছে যিটো একপ্ৰকাৰৰ অভিলেখ, আৰু 2025 চনৰ ভিতৰত 6 মিলিয়ন কিলোমিটাৰৰ দুৰত্ব পৰিভ্ৰমণ কৰি দৃশ্যাংশ সংগ্ৰহ কৰিব ৷ কিন্তু ই সূৰ্যপৃষ্ঠৰ একেবাৰে কাষলৈ যাবলৈ সক্ষম হোৱা নাই, সেয়ে তাত চোলাৰ অৰ্বিটাৰে উজ্বলি উঠিবলৈ সক্ষম হ'ব ৷ সূৰ্যৰ ধ্ৰুৱপৃষ্ঠসমূহ ক'লা খণ্ডৰে আবৃত আৰু শীঘ্ৰেই কোৰোনেল পৃষ্ঠ সলনি কৰি থাকে ৷ এইসমূহ হৈছে সূৰ্যৰ চুম্বকীয় পৃষ্ঠৰ মুল, যিয়ে 11 বছৰত পোলাৰিটি সলনি কৰি থাকে ৷ চোলাৰ অৰ্বিটাৰ যানখনে, আমাৰ পৃথিৱীৰ পৰা 150 মিলিয়ন কিলোমিটাৰ দুৰত্বত অৱস্থান কৰি সূৰ্যৰ সঠিক 3D দৃশ্য সংগ্ৰহ কৰিব ৷
নাছাৰ হেলিঅফিজিক্স বিভাগৰ নিৰ্দেশক নিকোলা ফক্সে এই সম্পৰ্কে কয় যে, "চোলাৰ অৰ্বিটাৰে এইসমূহ খণ্ডত পোনপটীয়াকৈ লক্ষ্য নিৰ্ধাৰণ কৰিব তাৰ বাবে আমি এইসমূহ বৃহৎ কোৰোনেল হোলসমূহৰ গঠন নিৰীক্ষণ কৰিবলৈ সক্ষম হ'ম ৷ ইয়াৰ পৰাই সূৰ্যপৃষ্ঠৰ চোলাৰ বতাহ আহে, সঁচাকৈ ইয়াক দেখিবলৈ পৃথক লাগিব ৷" সূৰ্যপৃষ্ঠৰ প্ৰচণ্ড গৰম সহ্য কৰিবৰ বাবে চোলাৰ অৰ্বিটাৰৰ বহিঃপৃষ্ঠত জ্বলিত বোন চাৰ্কলৰ দ্বাৰা গঠিত গাঢ় ক'লা ৰঙৰ এটা তৰপ আৰি দিয়া হৈছে ৷ তৰপটোত 10 ফুট আৰু 8 ফুটৰ প্ৰায় 15 ইঞ্চিৰ টাইটানাম ফইলৰ এখন হিট শ্বীল্ড থাকিব, যিয়ে, 1000 ডিগ্ৰী ফাৰেনহাইট অৰ্থাৎ 530 ডিগ্ৰী চেলচিয়াছ সহিব পাৰিব ৷ এই হিট শ্বীল্ডত পাঁচটা ফুটা থাকিব যিয়ে, এক্স-ৰে, অতি বেঙুনীয়া ৰশ্মিকে ধৰি অন্যান্য ৱেভ কম্পনাংকৰ জোখ মাখ সংগ্ৰহ কৰিব ৷ সৌৰজগতত জীৱৰ বসতি সংস্থাপনৰ বাবে এই নিৰীক্ষণ অন্যান্য নক্ষত্ৰৰ ওপৰতো একেদৰেই কৰা হ'ব ৷ ইয়াৰ উপৰিও এই অধ্যয়নত যোগাযোগ ব্যৱস্থাত ব্যাঘাত জন্মোৱা অন্যান্য দিশসমূহ লক্ষ্য কৰা হ'ব যাতে মহাকাশৰ বতৰবিজ্ঞানৰ ওপৰত অধিক নিশ্চিতি প্ৰদান কৰিব পৰা যায় ৷ ইয়াৰ উপৰিও ফক্সে কয় যে, "এয়া আমাৰ বাবে এক সোনালী যুগ, কিন্তু এতিয়াও বহুটো বিজ্ঞান বাকী আছে ৷ এগৰাকী হেলিঅ'ফিজিষ্ট হিচাপে এয়া আমাৰ বাবে গৌৰৱৰ বিষয় ৷" "আমাৰ বাবে সূৰ্যই কিদৰে পৃথিৱী আৰু বুধ তথা চন্দ্ৰৰ পৰিৱেশত কাম কৰে তাক জনাটো খুবেই প্ৰয়োজনীয় ৷ আমি ইয়াক লৈ ভৱিষ্যবানী কৰিব পাৰিব লাগিব ৷ ইয়াৰ বাবে এতিয়াৰে পৰা অপেক্ষাৰ অন্ত পৰিব ৷" এইদৰে কয় চোলাৰ অৰ্বিটাৰ নিৰ্মাণৰ সৈতে জড়িত এয়াৰবাছ ডিফেন্স আৰু স্পেছৰ প্ৰকল্প সঞ্চালক ইয়ান ৱাল্টাৰে ৷
আমেৰিকান ইউৰোপিয়ান ইউলিছিচ মহাকাশযান যাক, 1990 চনত প্ৰক্ষেপন কৰা হৈছিল, ইতিমধ্যে সূৰ্যপৃষ্ঠৰ কাষত উৰি আছে, কিন্তু প্ৰায় দশকধৰি নিশ্চুপ হৈ আছে আৰু ইয়াত কোনোধৰণৰ কেমেৰা সংযোজিত হৈ নাছিল ৷ ইউৰোপ আৰু নাছাৰ চোহো মহাকাশযান যাক, 1995 চনত প্ৰক্ষেপন কৰা হৈছিল, এতিয়াও বহুটো গুৰুত্বপূৰ্ণ সৌৰ তথ্য প্ৰদান কৰি আছে ৷ ইয়াৰ উপৰিও প্ৰায় ডজনসংখ্যক মহাকাশযানে বিগত 30 বছৰ ধৰি সূৰ্যক কেন্দ্ৰ কৰি মহাকাশত ঘুৰি আছে ৷ পাৰ্কাৰ আৰু চোলাৰ অৰ্বিটাৰৰ দৰে প্ৰযুক্তিৰ উন্নয়ন হোৱাত নজ্বলাকৈ সূৰ্যৰ কাষ চপাত অধিক সক্ষম হ'ব পৰা যাব ৷
