ইণ্টাৰনেশ্যনেল ডেস্ক, ২অক্টোবৰ: নিৰ্ধাৰিত সময়ৰ ২ মিনিট ৪০ছেকেণ্ড পূৰ্বে বাতিল কৰা হ'ল আন্ত:ৰাষ্ট্ৰীয় মহাকাশ ষ্টেচনলৈ ৰকেট প্ৰক্ষেপণ। বৃহস্পতিবাৰে নিশা ভাৰ্জিনিয়াৰ পৰা ৰকেট প্ৰক্ষেপণ কৰাৰ পৰিকল্পনা কৰিছিল NASAই। মহাকাশচাৰী কল্পনা চাওলাৰ নামেৰে নামাকৰণ কৰা ছাইগ্ৰাছ মহাকাশ যানেৰে আন্ত:ৰাষ্ট্ৰীয় মহাকাশ ষ্টেচনলৈ ৮হাজাৰ পাউণ্ডৰ সামগ্ৰী কঢ়িয়াই নিয়াৰ কথা আছিল। কিন্তু অজ্ঞাত কাৰণত এই যাত্ৰা নিৰ্ধাৰিত সময়ৰ ২ মিনিট ৪০ছেকেণ্ড পূৰ্বে বাতিল কৰা হয়। অভিযন্তাসকলে বিসংগতিসমূহ দূৰ কৰিব পাৰিলে শুক্ৰবাৰে নিশা পুনৰ আন্ত:ৰাষ্ট্ৰীয় মহাকাশ ষ্টেচনলৈ ৰকেটটো প্ৰক্ষেপণ কৰাৰ সম্ভাৱনা আছে বুলি মন্তব্য কৰিছে নৰ্থৰ'প গ্ৰুম্মানে। আন্ত:ৰাষ্ট্ৰীয় মহাকাশ ষ্টেচনলৈ নিবলগীয়া ৮হাজাৰ পাউণ্ডৰ সামগ্ৰীৰ ভিতৰত আছে এয়াৰ টেংক, মূলাৰ বীজ আৰু চিনেমেটিক ৩৬০ ডিগ্ৰী ভি আৰ কেমেৰা।
লগতে পঢ়ক: ৰাহুল গান্ধীক গ্ৰেপ্তাৰৰ বিৰুদ্ধে ৰাজ্যৰ ঠায়ে ঠায়ে কংগ্ৰেছৰ প্ৰতিবাদ
