নাইজেৰিয়ান ৰাষ্ট্ৰপতিৰ ভাষণত স্থান নাপালে গুলীবৰ্ষণৰ ঘটনাই

নাইজেৰিয়ান ৰাষ্ট্ৰপতি মহম্মদু বুহাৰীয়ে ৰাজ্যখনত সংঘটিত শেহতীয়া অশান্তি সন্দৰ্ভত দেশৰ জনসাধাৰণক উদ্দেশ্যি এক বক্তৃতা প্ৰদান কৰে ৷ কিন্তু মঙলবাৰে লেক্কী ট্ৰল প্লাজাত শান্তিপূৰ্ণ প্ৰতিবাদীৰ ওপৰত সংঘটিত হোৱা গুলীবৰ্ষণ সন্দৰ্ভত বুহাৰীয়ে বক্তৃতাত কোনো উল্লেখ নকৰে ৷

ইন্টাৰনেশ্যনেল ডেস্ক, 23 অক্টোবৰ : নাইজেৰিয়ান ৰাষ্ট্ৰপতি মহম্মদু বুহাৰীয়ে ৰাজ্যখনত সংঘটিত শেহতীয়া অশান্তি সন্দৰ্ভত দেশৰ জনসাধাৰণক উদ্দেশ্যি এক বক্তৃতা প্ৰদান কৰে ৷ কিন্তু মঙলবাৰে লেক্কী ট্ৰল প্লাজাত শান্তিপূৰ্ণ প্ৰতিবাকাৰীৰ ওপৰত সংঘটিত হোৱা গুলীবৰ্ষণ সন্দৰ্ভত বুহাৰীয়ে বক্তৃতাত কোনো উল্লেখ নকৰে ৷ উল্লেখ্য যে, শান্তিপূৰ্ণ প্ৰতিবাদকাৰীৰ ওপৰত চলা গুলীবৰ্ষণৰ ফলত আন্তৰাষ্ট্ৰীয় পৰ্যায়ত ক্ষোভৰ উদগীৰণ হৈছিল ৷

এমনেষ্টী ইন্টাৰনেশ্যনেলৰ মতে, মঙলবাৰে নিশা শান্তিপূৰ্ণ প্ৰতিবাদ সাব্যস্ত কৰা হাজাৰ হাজাৰ লোকৰ ওপৰত মিলিটাৰীয়ে গুলীবৰ্ষণ কৰাৰ ফলত 12 জন লোকৰ মৃত্যু হৈছিল ৷ বুহাৰীয়ে নিজৰ বক্তৃতাত গুলীবৰ্ষণৰ ঘটনাৰ কথা উল্লেখ কৰাৰ পৰিৱৰ্তে প্ৰতিবাদ ভংগ কৰিবলৈহে সকলোকে আহ্বান জনায় ৷

বুহাৰীয়ে কয়, "মই প্ৰতিবাদকাৰী সকলক আহ্বান জনাব বিচাৰিছো যে, তেওঁলোকে চৰকাৰৰ দ্বাৰা প্ৰদান কৰা বিভিন্ন পদক্ষেপৰ সুবিধা গ্ৰহণ কৰি নিজৰ জীৱন ধাৰণৰ মানদণ্ড উন্নত কৰা উচিত আৰু গণতন্ত্ৰক ক্ষতিগ্ৰস্ত কৰা যিকোনো ক্ষতিপূৰ্ণ শক্তিক বাধা প্ৰদান কৰা উচিত ৷"

উল্লেখ্যে যে, নাইজেৰিয়া চৰকাৰে গঠন কৰা ডকাইত বিৰোধী বিশেষ স্কোৱাড (SARS) বন্ধ কৰাৰ দাবীত চলিত মাহৰ প্ৰথম ভাগৰ পৰা আৰম্ভ হৈছিল প্ৰতিবাদ ৷ অমনেষ্টী ইন্টাৰনেশ্যনেলৰ মতে, অপৰাধ মষিমূৰ কৰিবৰ বাবে এই স্কোৱাড গঠন কৰা হৈছিল যদিও ই সাধাৰণ জনগণক হত্যা আৰু অত্য়াচাৰ কৰি আহিছে ৷

এই প্ৰতিবাদ সমগ্ৰ দেশতে বিয়পি পৰাৰ পাচত বুহাৰী চৰকাৰে SARS নিষিদ্ধ কৰি দিয়াৰ কথা ঘোষণা কৰিছিল ৷ কিন্তু, মঙলবাৰে নিশা প্ৰতিৰক্ষা বাহিনীৰ লোকে নাইজেৰিয়াৰ ৰাষ্ট্ৰীয় সংগীত পৰিৱেশন কৰি থকা অৱস্থাত প্ৰতিবাদকাৰীলৈ গুলীবৰ্ষণ কৰে আৰু 12 জনকৈ লোকে প্ৰাণ হেৰুৱায় ৷ কিন্তু নাইজেৰিয়া মিলিটাৰীয়ে এই গুলীবৰ্ষণৰ ঘটনা অস্বীকাৰ কৰিছে ৷

লগতে পঢ়ক : কৃষি সম্পৰ্কিত বিষয় আলোচনা কৰিবলৈ তেলেংগনাৰ মুখ্যমন্ত্ৰীৰ বৈঠক আহ্বান