নেশ্যনেল ডেস্ক, ১৩ জুন: লক ডাউনৰ সময়ত আবদ্ধ বিভিন্ন জিলাৰ পৰা উত্তৰ প্ৰদেশৰ নিজ গৃহ জিলালৈ উভতি অহা ১০ লাখ শ্ৰমিকক মুখ্যমন্ত্ৰী যোগী আদিত্যনাথে শনিবাৰে প্ৰত্যকৰে বেংক একাউণ্টত আৰ্থিক সাহাৰ্য প্ৰদান কৰে । মুখ্যমন্ত্ৰীয়ে মুঠ ১০৪.৮২ কোটি টকাৰ সাহাৰ্য প্ৰদান কৰে শ্ৰমিকসকলক ।
লক ডাউনৰ ফলত আৰ্থিক সংকটত ভোগা উত্তৰ প্ৰদেশৰ শ্ৰমিকসকলক পুনঃসংস্থাপনৰ বাবে চৰকাৰে এই সাহাৰ্য প্ৰদান কৰে । ইয়াৰ লগতে ১৫ দিনৰ খাদ্য সামগ্ৰী, আটা আৰু চাউল ১০ কিলো,আলু ৫ কিলো,দাইল ২ কিলো,বুট আৰু নিমখ ৫০০ গ্ৰাম প্ৰদান কৰা বুলি মুখ্যমন্ত্ৰী যোগীয়ে জানিবলৈ দিয়ে ।
লগতে তেওঁ সদৰী কৰে যে,শ্ৰমিকসকলক অতি শীঘ্ৰেই কৌশল বিকাশ যোজনাৰ অধীনত প্ৰশিক্ষণ দিয়া হ'ব,ঋণ প্ৰদান কৰা হ'ব আৰু ৰোজগাৰ দিয়া হ'ব । শ্ৰমিকসকলক সহায় কৰিবলৈ চৰকাৰী বিষয়াসকলক দল গঠন কৰি দিয়া হৈছে আৰু তেওঁলোকে প্ৰত্যেককে শ্ৰমিকক ৰেচন কাৰ্ড প্ৰদান কৰিব ।
লগতে পঢ়ক: অ'এনজিচিৰ অসম সম্পদে বিপদ মাতিছে শিৱসাগৰলৈ
