চিটাৰা ডেস্ক, 15 নৱেম্বৰ: শেহতীয়াকৈ টিভি অভিনেত্ৰী দিশা পৰমাৰ আৰু গায়ক ৰাহুল বৈদ্য এগৰাকী মৰমলগা কন্যাৰ পিতৃ-মাতৃ হৈছে । বৰ্তমান দুয়ো স্বামী-স্ত্ৰীয়ে নিজৰ কণমানিটিৰ সৈতে সময় উপভোগ কৰি আছে । কন্যাৰ সৈতে কটোৱা মুহূৰ্তবোৰ প্ৰায়ে এই দম্পতীয়ে ছ’চিয়েল মিডিয়াত শ্বেয়াৰ কৰা দেখা যায় । এতিয়া দিশা আৰু ৰাহুলে শেহতীয়াকৈ প্ৰকাশ কৰিছে কন্যাৰ নাম ।
মঙলবাৰে দিশা পৰমাৰ আৰু ৰাহুল বৈদ্যই তেওঁলোকৰ কন্যাৰ নামকৰণ অনুষ্ঠানৰ আয়োজন কৰিছিল । এই অনুষ্ঠানত কেৱল ঘনিষ্ঠ বন্ধু আৰু পৰিয়ালৰ সদস্যকহে আমন্ত্ৰণ জনোৱা হৈছিল ৷ এই অনুষ্ঠানৰ বহু ছবি আমন্ত্ৰিত অতিথিসকলে তেওঁলোকৰ ইনষ্টাগ্ৰাম ষ্ট’ৰীত শ্বেয়াৰ কৰিছে ।
দিশাই নিজৰ ইনষ্টাগ্ৰাম ষ্ট’ৰীত নামকৰণ অনুষ্ঠানৰ এখন ফটো শ্বেয়াৰ কৰিছে । এই ফটোখনত এখন বৰ্ড দেখা গৈছে য’ত লিখা আছে - 'বেবী বৈদ্যৰ নামকৰণ অনুষ্ঠানলৈ আপোনাক স্বাগতম'। অৱশেষত এই দম্পতীয়ে প্ৰকাশ কৰে কন্যাৰ নাম । ৰাহুল আৰু দিশাই নিজৰ কন্যাৰ নাম ৰাখিছে নব্য বৈদ্য ।
লুকৰ কথা ক’বলৈ গ’লে এই অনুষ্ঠানত দিশাই গোলাপী ৰঙৰ শাৰী পৰিধান কৰিছিল, যাৰ ব’ৰ্ডাৰ হালধীয়া আছিল । এই শাৰীৰ লগত সোণৰ গহনা যোৰ কৰিছিল অভিনেত্ৰীগৰাকীয়ে । এই লুকটোত অভিনেত্ৰীগৰাকীক অতি ধুনীয়া দেখা গৈছিল । ইফালে অনুষ্ঠানৰ বাবে নেভি ব্লু কুৰ্তা পৰিধান কৰিছিল ৰাহুলে ।
২০ ছেপ্টেম্বৰত কন্যা সন্তান জন্ম দিছিল দিশাই
উল্লেখ্য যে, দিশা পৰমাৰে চলিত বৰ্ষৰ ২০ ছেপ্টেম্বৰত কন্যা সন্তান জন্ম দিছিল । অৱশ্যে কন্যাৰ মুখখন এতিয়াও প্ৰকাশ কৰা নাই এই দম্পতীয়ে । এতিয়া অনুৰাগীয়ে নব্যৰ মুখখন চাবলৈ আগ্ৰহেৰে অপেক্ষা কৰি আছে ।
