চিটাৰা ডেস্ক, 11 নৱেম্বৰ : অভিনেতা সিদ্ধান্ত বীৰ সূৰ্যবংশীৰ শুকুৰবাৰে 46 বছৰ বয়সত মৃত্যু হয় (Siddhaanth Vir Surryavanshi dies at 46)। এটা জিমত ৱৰ্কআউট কৰি থকাৰ সময়তে অভিনেতাজন মৃত্যুমুখত পৰে বুলি জানিব পৰা গৈছে । তেখেতৰ মৃত্যুৰ খবৰ নিশ্চিত কৰিছে টেলিভিছনৰ অভিনেতা তথা আয়োজক জয় ভানুশালীয়ে ।
অভিনেতা গৰাকীৰ মৃত্যুত শোক প্ৰকাশ কৰি ইনষ্টাগ্ৰামত জয় ভানুশালীয়ে সিদ্ধান্তৰ এখন ফটো পোষ্ট কৰি লিখে “বহুত সোনকালে গুচি গ’লা”। indianexpress.com ৰ সৈতে হোৱা কথা-বতৰাত জয়ে শ্বেয়াৰ কৰে যে তেওঁক এই মৃত্যুৰ বিষয়ে দুয়োৰে চিনাকি বন্ধুয়ে জনাইছিল । তেওঁ এইটোও নিশ্চিত কৰে যে সিদ্ধান্তে জিমত বাগৰি পৰাৰ পিছত মৃত্যু বৰণ কৰে (Siddhaanth Vir Surryavanshi passed away) ।
মডেলিঙৰ পৰা সিদ্ধান্ত বীৰ সূৰ্যবংশীয়ে কুছুমৰ সৈতে টেলিভিছন জগতত অভিষেক ঘটায় । শেষবাৰৰ বাবে তেওঁক আৰক্ষী ভিত্তিক নাটক কন্ট্ৰল ৰুমত ডিচিপি শান্তনু ব্যাসৰ চৰিত্ৰত অভিনয় কৰা দেখা গৈছিল । বহু শ্ব’ত মুখ্য চৰিত্ৰতো অভিনয় কৰিছে তেওঁ । Kasautii Zindagii Kay, Krishna Arjun, Kya Dill Mein Hai আদি অনুষ্ঠানত তেওঁক গুৰুত্বপূৰ্ণ চৰিত্ৰত অভিনয় কৰা দেখা গৈছিল । টিভি শ্ব’কে ধৰি তেওঁৰ শেষৰ প্ৰজেক্টসমূহৰ ভিতৰত আছে Kyun Rishton Mein Katti Batti আৰু Ziddi Dil ।
মৃত্যুৰ সময়ত তেওঁ পত্নী তথা চুপাৰ মডেল আলেছিয়া ৰাউত আৰু তেওঁলোকৰ দুই সন্তানক এৰি থৈ যায় ।
লগতে পঢ়ক : KL Rahul Athiya Shetty: আথিয়া শেট্টীক কে এল ৰাহুলৰ বেড লাক আখ্যা নেটিজেনৰ
