চিটাৰা ডেস্ক, ৩১ ডিচেম্বৰ: বিগ বছ ১৭ৰ শেহতীয়া ‘উইকেণ্ড কা ৱাৰ’ত কান্দি কান্দি অজ্ঞান হৈ পৰে আয়েশা খান ৷ ইফালে আয়েশাৰ এনে অৱস্থা দেখি স্তম্ভিত হৈ পৰে বিগ বছৰ আন প্ৰতিযোগীসকল ৷ ইয়াৰ পিচত প্ৰতিযোগীসকলৰ লগত কথা পাতিবলৈ বি বি হাউচত প্ৰৱেশ কৰে ছলমান খান । ছলমান খান আৰু প্ৰতিযোগীসকলৰ মাজত হোৱা আকৰ্ষণীয় কথা-বতৰাৰ বাবে বিগ বছ ১৭ ৰ শেহতীয়া উইকেণ্ড কা ৱাৰ খণ্ডই এতিয়া ব্যাপক চৰ্চা লাভ কৰিছে ।
উইকেণ্ড কা ৱাৰত আয়েশাক কি কৈছিল ছলমান খানে ?
শনিবাৰৰ খণ্ডটোত আয়েশাক লৈ খঙত অগ্নিশৰ্মা হৈ পৰে ছলমান খান । ছলমানৰ এনে ৰূপ দেখি যথেষ্ট ভয় খাইছিল আয়েশা খান । উইকেণ্ড কা ৱাৰ খণ্ডত ছলমান খানে কেৱল আয়েশাকে নহয়, মুনাৱাৰ ফাৰুকীকো কটাক্ষ কৰিছিল । ছলমানে তেওঁলোকৰ সম্পৰ্কক লৈ প্ৰশ্ন উত্থাপন কৰি আয়েশাক মুনাৱাৰৰ ভাবমূৰ্তি নষ্ট কৰাৰ বাবে ধমক দিয়ে ।
কান্দি কান্দি অজ্ঞান হৈ পৰে আয়েশা খান
ছলমানে আয়েশাক শ্ব’টোলৈ অহাৰ প্ৰকৃত উদ্দেশ্য কি বুলি প্ৰশ্ন কৰে ৷ ইয়াৰ পিচত ছলমানৰ এই প্ৰশ্নত আয়েশাই কয় যে মুনাৱাৰৰ পৰা ক্ষমা বিচাৰি আহিছিলো ৷ ইয়াৰ পিচত ছলমানে কয় যে আয়েশাই মুনাৱৰক ব্যৱহাৰ কৰিবলৈ বিগ বছলৈ আহিছে । ইয়াৰ পিচত বিবি হাউচৰ অধিকাংশ সদস্যই ছলমানৰ কথাত সন্মতি দিয়ে ৷ এই কথা শুনি হঠাৎ আয়েশাই কান্দিবলৈ ধৰে ।
নিজৰ বিৰুদ্ধে উত্থাপিত সকলো অভিযোগ শুনি আয়েশাৰ চকুপানী বৈ আহে । মুনাৱাৰৰ ওপৰতো আয়েশাৰ খং উঠিছিল । আয়েশা কান্দি থাকোঁতে অংকিতা লোখাণ্ডে আয়েশাক সহানুভূতি দিয়ে । সেই সময়ত আয়েশাই মুনাৱাৰক ক’লে যে পিচত যেতিয়া সকলো ঠিক লাগিব, তেতিয়া তেওঁ মুনাৱাৰৰ লগত কথা পাতিব ।
ইয়াৰ পিচত আয়েশাই আৰু বেছিকৈ কান্দিবলৈ ধৰিলে । আয়েশাই কান্দি কান্দি ক’লে, ‘মম্মা, প্লিজ মোক ক্ষমা কৰিব’। ইয়াৰ পিচত আয়েশা কোঠাটোৰ পৰা ওলাই আহি মজিয়াত অচেতন হৈ পৰে । আয়েশা পৰি যোৱাৰ লগে লগে পৰিয়ালৰ সকলো সদস্যই চিঞৰিবলৈ ধৰে । ইয়াৰ পিচত আয়েশাক চিকিৎসকৰ ওচৰলৈ লৈ যোৱা হয় ।
ইফালে আয়েশাৰ অৱস্থা দেখি মুনাৱাৰেও কান্দিবলৈ ধৰে আৰু আয়েশাৰ অৱস্থাৰ বাবে নিজকে দোষী সাৱ্যস্ত কৰে । ইফালে চিকিৎসকে আয়েশাক চিকিৎসা কৰি থকাৰ সময়ত চিকিৎসা কক্ষত উপস্থিত হয় ছলমান । ছলমানে চিকিৎসকক আয়েশাৰ স্বাস্থ্যৰ অৱস্থাৰ বিষয়ে সোধ-পোচ কৰে ।
চিকিৎসকে ছলমানক কয় যে আয়েশা খানক চিকিৎসালয়ত ভৰ্তি কৰাব লাগিব । এনে অৱস্থাত একাংশ লোকৰ সহায়ত আয়েশাক বিগ বছৰ ঘৰৰ পৰা উলিয়াই চিকিৎসালয়লৈ লৈ যোৱা হয় । আয়েশাৰ অৱস্থা দেখি সকলো প্ৰতিযোগী অত্যন্ত স্তম্ভিত হৈ পৰিছিল।
উল্লেখ্য যে, আয়েশাৰ চেতনা ঘূৰি অহাৰ পিচত আকৌ কান্দিবলৈ ধৰে । ইয়াৰ পিচত ছলমানে আয়েশাৰ সৈতে কথা পাতিবলৈ চেষ্টা কৰে, কিন্তু আয়েশাই উত্তৰ দিব নোৱাৰিলে । ইয়াৰ পিচত ছলমান খানে আয়েশাৰ পৰিয়ালবৰ্গক বুজাই ক’লে যে এই শ্ব’টো মানসিকভাৱে শক্তিশালী লোকৰ বাবে ।
লগতে পঢ়ক: লাইভত মুনাৱাৰ ফাৰুকীৰ বিৰুদ্ধে বিস্ফোৰক অভিযোগ প্ৰাক্তন প্ৰেমিকা নাজিলাৰ
