চিটাৰা ডেস্ক, 16 আগষ্ট: হঠাৎ অসুস্থ হ’ল অভিনেত্ৰী জৰীণ খান ৷ বৰ্তমান চিকিৎসালয়ত ভৰ্তি হৈ আছে অভিনেত্ৰীগৰাকী ৷ আচলতে অভিনেত্ৰীগৰাকী ডেংগু ৰোগত আক্ৰান্ত হোৱাৰ লগতে উচ্চ জ্বৰৰ লগতে শৰীৰৰ বিষত ভুগি আছে। অভিনেত্ৰীগৰাকীয়ে নিজেই এই তথ্য ছ’চিয়েল মিডিয়াৰ জৰিয়তে অনুৰাগীৰ সৈতে শ্বেয়াৰ কৰিছে ৷
ইয়াৰ পূৰ্বে জৰীণ খানে নিজৰ ইনষ্টাগ্ৰামত এটা ষ্ট’ৰী শ্বেয়াৰ কৰিছিল য’ত তেওঁৰ হাতত এটা ড্ৰিপ দেখা গৈছিল । অৱশ্যে পিচত অভিনেত্ৰীগৰাকীয়ে সেই ষ্ট’ৰীটো ডিলিট কৰি দিয়ে । ইয়াৰ পিচত অভিনেত্ৰীগৰাকীয়ে আন এটা ষ্ট’ৰী শ্বেয়াৰ কৰে য’ত এগিলাচ জুইচ দেখা পোৱা যায় । ফটোখনেৰে লিখিছে- 'Recovery mode'।
অভিনেত্ৰীয়ে বহু ছবিত অভিনয় কৰিছে
জৰীণ খানে বহু ছবিত মুখ্য চৰিত্ৰত অভিনয় কৰিছে । বীৰ, হেট ষ্ট’ৰী ৩, ৱাজাহ তুম হো আদি বহু ছবিত অভিনয় কৰিছে । তেওঁ পাঞ্জাবী, তামিল আৰু তেলেগু ছবিতো কাম কৰিছিল । অভিনেত্ৰীগৰাকীক কেটৰিণা কাইফৰ কপি বুলি কোৱা হয় ৷
অনুৰাগীক অভিনেত্ৰীগৰাকীৰ আবেদন
ইনষ্টাগ্ৰাম ষ্ট’ৰীৰ জৰিয়তে জৰীণে ডেংগু প্ৰতিৰোধৰ বাবে সাৱধানতা অৱলম্বন কৰিবলৈ অনুৰাগীক আহ্বান জনাইছে । লগতে পৰিষ্কাৰ আৰু মহমুক্ত পৰিৱেশ বজাই ৰাখিবলৈ আৰু কীটনাশক ব্যৱহাৰ কৰিবলৈও অনুৰোধ জনাইছে ।
ডেংগু কি ?
বৰ্তমান দেশত অব্যাহত আছে ডেংগুৰ আতংক । প্ৰতিদিনে বৃদ্ধি পাইছে ডেংগু ৰোগীৰ সংখ্যা । ডেংগু জ্বৰ হৈছে মহৰ দ্বাৰা সংক্ৰমিত ভাইৰাছ যি অতি সোনকালে বিয়পি পৰে । দিনত মাইকী মহে কামোৰাৰ ফলত হয় । এই মহটো বিশুদ্ধ পানীত জন্ম হয় ।
লগতে পঢ়ক:Dareen Kent Died: মাত্ৰ ৩৬ বছৰ বয়সত মৃত্যু গেমছ অৱ থ্ৰ’নছৰ এইগৰাকী অভিনেতাৰ
