চিটাৰা ডেস্ক, 2 নৱেম্বৰ: বলীউডৰ কিং খান আৰু তেওঁৰ অনুৰাগীৰ বাবে আজি এক অতি বিশেষ দিন । ছ’চিয়েল মিডিয়াত নিশাৰে পৰা ট্ৰেণ্ড কৰি আছে কিং খান ৷ সৰ্বত্ৰে এতিয়া চলিছে কিং খানৰ জন্মদিনৰ চৰ্চা ৷ কিয়নো আজি অভিনেতাগৰাকীৰ ৫৮ সংখ্যক জন্মদিন । ইফালে শেহতীয়াকৈ এটা খবৰ আহিছিল যে অভিনেতাগৰাকীয়ে তেওঁৰ জন্মদিনত বছৰটোৰ তেওঁৰ তৃতীয়খন ছবি ‘ডাংকি’ৰ টিজাৰ মুকলি কৰিব ৷ ইয়াৰ পাচতে ছবিখনৰ টিজাৰৰ বাবে অপেক্ষা কৰি আছিল অনুৰাগী ৷ কিন্তু এতিয়া অনুৰাগীৰ অপেক্ষাৰ অন্ত পৰিব ৷ কিয়নো অৱশেষত আহিল ৰাজকুমাৰ হিৰানীৰ চিনেমাখনৰ টিজাৰ । ‘পাঠান’ আৰু ‘জৱান’ৰ পিচত পুনৰ এবাৰ বক্স অফিচত বিস্ফোৰণ ঘটাবলৈ সাজু হৈছে শ্বাহৰুখ খান ।
তথ্য অনুসৰি শ্বাহৰুখ খানৰ ‘ডাংকি’ এখন কমেডী নাটক ছবি । ‘ডাংকি ফ্লাইট’ নামৰ অবৈধ অনুপ্ৰৱেশকাৰীৰ আধাৰত নিৰ্মাণ কৰা হৈছে ছবিখন । অভিজাত যোশী আৰু কণিকা ধিলোনৰ সৈতে চিত্ৰনাট্য ৰচনা কৰা ৰাজকুমাৰ হিৰাণীয়ে পৰিচালনা কৰিছে এই ছবিখন ।
চাওক ডাংকিৰ টিজাৰ
- " class="align-text-top noRightClick twitterSection" data="">
ডাংকিৰ ষ্টাৰ কাষ্ট
শ্বাহৰুখৰ উপৰিও ৰেড চিলিজ এণ্টাৰটেইনমেণ্ট আৰু জিঅ’ ষ্টুডিঅ’ৰ বেনাৰত প্ৰযোজনা কৰা ডাংকিত অভিনয় কৰিছে তাপসী পান্নু, দিয়া মিৰ্জা আৰু বোমান ইৰাণীয়ে । ইয়াৰ উপৰিও ধৰ্মেন্দ্ৰ, সতীশ শ্বাহ, পৰীক্ষিত সাহনিও আছে ছবিখনত । ইফালে ছবিখন অভিনেতা বিকি কৌশলৰ বিশেষ কেমিঅ’ আছে আৰু টিজাৰ ভিডিঅ’টোত দেখা গৈছে বিকিৰ আভাস ৷ বিকিৰ উপৰিও ছবিখত কাজলৰ বিশেষ কেমিঅ’ থাকিব বুলি কোৱা হৈছে ৷ অৱশ্যে এই কথা কিমান সঁচা সেয়া ছবিখনৰ মুক্তিৰ পিচত হে গম পোৱা যাব ।
কেতিয়া মুক্তি পাব ডাংকি ?
ডাংকিৰ শ্বুটিং হৈছিল মুম্বাই, কাশ্মীৰ, লণ্ডন বুডাপেষ্ট, জেদ্দা আৰু নেওমত । চাউণ্ডট্ৰেক ৰচনা কৰিছে প্ৰীতমে । এই ছবিখন বিদেশত ২১ ডিচেম্বৰত আৰু ভাৰতত ২২ ডিচেম্বৰ ২০২৩ত মুক্তি পাব ।
লগতে পঢ়ক: Jawan Release On OTT: শ্বাহৰুখে জন্মদিনত অনুৰাগীক দিলে এক ডাঙৰ উপহাৰ
