চিটাৰা ডেস্ক, 12 জুন: শেহতীয়াকৈ নিজৰ এটা পোষ্টৰ বাবে বাতৰিৰ শিৰোনাম দখল কৰিছিল বলীউডৰ অভিনেত্ৰী কাজলে ৷ জীৱনত কঠিন পৰীক্ষাৰ সন্মুখীন হ’বলৈ ওলাইছে বুলি এটা পোষ্ট শ্বেয়াৰ কৰিছিল অভিনেত্ৰীগৰাকীয়ে ৷ ইয়াৰ পিচতে লাইমলাইটলৈ আহিছিল অভিনেত্ৰীগৰাকী ৷ অৱশ্যে এয়া আছিল পাব্লিচিটি ষ্টাণ্টহে মাথো ৷ অভিনেত্ৰীগৰাকীৰ আগন্তুক ৱেব ছিৰিজৰ প্ৰমোচনৰ বাবে এনে কৰিছিল অভিনেত্ৰীগৰাকীয়ে ৷
সম্প্ৰতি অভিনেত্ৰীগৰাকীৰ নতুন ৱেব চিৰিজ ‘দ্য ট্ৰায়েল’ৰ ট্ৰেইলাৰ মুকলি কৰা হৈছে। যোৱা কিছু সময়ৰ পৰা অভিনেত্ৰীগৰাকীক আকৰ্ষণীয় চৰিত্ৰত দেখা পোৱা গৈছে আৰু তেওঁৰ এই চৰিত্ৰটোও একেধৰণৰ । ইয়াত কাজলক এগৰাকী অধিবক্তাৰ ভূমিকাত দেখা পোৱা গৈছে । অভিনেত্ৰীগৰাকীয়ে নিজেই ৱেব ছিৰিজৰ ট্ৰেইলাৰ অনুৰাগীৰ সৈতে শ্বেয়াৰ কৰিছে ছ’চিয়েল মিডিয়াত।
কাজলে ইনষ্টাগ্ৰামত মুকলি কৰিছে দ্য ট্ৰায়েলৰ ট্ৰেইলাৰ, য’ত তেওঁৰ উৎকৃষ্টি অভিনয়েৰে অনুৰাগীক আপ্লুত কৰা দেখা গৈছে । এইবাৰ অভিনেত্ৰীগৰাকীয়ে এই ছবিৰ জৰিয়তে সত্যক সমৰ্থন কৰিব আৰু নিজৰ যুক্তিৰ বলত বিৰোধীক আক্ৰমণ কৰা দেখা যাব। ছবিখনৰ কাহিনীভাগ ট্ৰেইলাৰত প্ৰকাশ পাইছে। ইতিমধ্যেই ছবিখনৰ মুক্তিৰ তাৰিখো ঘোষণা কৰা হৈছে।
- " class="align-text-top noRightClick twitterSection" data="">
ইয়াত দেখা গৈছে যে কাজলৰ প্ৰেমিকজনে কেনেকৈ তেওঁক প্ৰতাৰণা কৰে আৰু দুয়োৰে মাজত দূৰত্ব আহি পৰে । কিন্তু সময়ৰ চকা ঘূৰি যায় আৰু কাজলৰ পুৰণি প্ৰেমিকক এটা গোচৰৰ বাবে কাজলৰ সহায়ৰ প্ৰয়োজন হয় । এনে পৰিস্থিতিত কাজলে তেওঁক সহায় কৰে নে নকৰে সেয়া লক্ষণীয় হ’ব ৷ ট্ৰেইলাৰত অভিনেত্ৰীগৰাকীয়ে দিয়া এটা এটা সংলাপে আপ্লুত কৰিছে অনুৰাগীক ।
কেতিয়া মুক্তি পাব ?
ইনষ্টাগ্ৰামত ট্ৰেইলাৰ শ্বেয়াৰ কৰাৰ লগতে কাজলে কেপচনত লিখিছে – বিচাৰ কেৱল আদালতৰ কক্ষতে নহয়, জীৱনতো হয় । চাওক নয়নিকা সেন গুপ্তাৰ জীৱনৰ আটাইতকৈ কঠিন বিচাৰ । দ্য ট্ৰায়ল - প্য়াৰ খুন ধোকা । ১৪ জুলাইৰ পৰা ডিজনী প্লাছ হটষ্টাৰত ষ্ট্ৰীম হ’ব এই ৱেব চিৰিজ।
লাষ্ট ষ্ট’ৰীজৰ কাহিনীৰ অংশ
উল্লেখ্য যে এই মুহূৰ্তত অভিনেত্ৰীগৰাকীৰ সন্মুখত আছে আন এটা ডাঙৰ প্ৰজেক্ট । কিছুদিনৰ আগতে তেওঁৰ ছবি লাষ্ট ষ্ট’ৰীজৰ টিজাৰো মুক্তি পাইছে । ইয়াত কাজলৰ ভূমিকা কেনেকুৱা হ’ব সেই সম্পৰ্কে অনুৰাগীৰ মাজত কৌতুহল দেখা গৈছে ।
লগতে পঢ়ক: Yash As Ravana: ৰামায়ণত ৰাৱণৰ চৰিত্ৰত অভিনয় কৰাৰ প্ৰস্তাৱ নাকচ কৰিলে যশে, ক’লে নাকচ কৰাৰ কাৰণ
