চিটাৰা ডেস্ক, 9 আগষ্ট: চলচ্চিত্ৰ জগতৰ প্ৰবীণ প্ৰযোজক তথা পৰিচালক সুভাষ ঘাইয়ে বহুতো হিট ছবি নিৰ্মাণ কৰিছে। আজি দিনটোতে ৩৭ বছৰ পূৰ্বে তেওঁৰ পৰিচালনাত নিৰ্মিত ‘কৰ্মা’ ছবিখন মুক্তি লাভ কৰিছিল । ছবিখনৰ এটা ভক্তিমূলক গীত আছি ‘এ ৱতনতেৰে লিয়ে’। দেশৰ প্ৰতি অমৰ প্ৰেম আৰু ভক্তিৰ অনুভূতি গীতটোত স্পষ্টকৈ দেখা যায় ।
উল্লেখ্য যে এই ভক্তিমূলক গীতটি পুনৰ নতুন অৱতাৰত উপস্থাপন কৰা হ’ব । স্বাধীনতা দিৱস উপলক্ষে ‘কৰ্মা’ ছবিখনৰ এই বিশেষ গীতটো সংস্কৃত ভাষাত মুক্তি দিয়া হ’ব ।
সংস্কৃত ভাষাত শুনিব পাৰিব গীতটিৰ কথা
বুধবাৰে সুভাষ ঘাইয়ে টুইট কৰি এই তথ্য শ্বেয়াৰ কৰিছে । তেওঁ কয় যে ‘কৰ্মা’ ছবিৰ এই আইকনিক গীতটো সংস্কৃত ভাষাত মুক্তি পাব । তেওঁৰ টুইট অনুসৰি ৯ আগষ্টৰ সন্ধিয়া মহাৰাষ্ট্ৰৰ সাংস্কৃতিক মন্ত্ৰী সুধিৰ মুংগান্টিৱাৰে মুক্তি দিব এই গীতটো । স্বাধীনতা দিৱসৰ ৭৬ বছৰীয়া জয়ন্তী উপলক্ষে সন্ধিয়া ৭ বজাত সংস্কৃত ভাষাত মুক্তি পাব ‘এ ৱতন তেৰে লিয়ে’ গীতটি।
ছবিখনৰ প্ৰযোজক-পৰিচালক আছিল সুভাষ ঘাই
‘কৰ্মা’ক সুভাষ ঘাই পৰিচালনা আৰু প্ৰযোজনা কৰা অন্যতম শ্ৰেষ্ঠ ছবি বুলি গণ্য কৰা হয় । প্ৰযোজক হিচাপে এইখন তেওঁৰ দ্বিতীয়খন আৰু পৰিচালক হিচাপে নৱমখন চিনেমা । কোৱা হয় যে ছবিখনত ইমানবোৰ গীত একত্ৰিত কৰাটো সহজ নাছিল।
কিয় ৰাখিছিল ‘কৰ্মা’ নাম ?
এই ছবিখনৰ নাম ‘কৰ্মা’ৰ আঁৰত আছে এক অনন্য কাহিনী । সুভাষ ঘাই এবাৰ কৈছিল যে এই ছবিখনত কৰ্মৰ কথা কোৱা হৈছে । এজন চলচ্চিত্ৰ নিৰ্মাতাই বিচাৰে যে সৰ্বাধিক সংখ্যক লোকৰ কাষ চাপিবলৈ নিজৰ শিল্পকলাক ভৱিষ্যদ্বাণীমূলক আৰু দৰ্শনীয়ভাৱে উপস্থাপন কৰাটো তেওঁৰ দায়িত্ব ৷ এই কাৰণেই ছবিখনৰ নাম ‘কৰ্মা’ ৰখা হৈছিল ।
লগতে পঢ়ক: Abhijeet Sawant: পুনৰ লাইমলাইটত ইণ্ডিয়ান আইডলৰ প্ৰথম বিজয়ী অভিজিত সাৱন্ত, কিন্তু কিয় ?
লগতে পঢ়ক: Kushi trailer out: সামান্থা ৰুথ প্ৰভু আৰু বিজয় দেৱৰকোণ্ডাৰ ছবি খুশিৰ ট্ৰেইলাৰ মুকলি
