চিটাৰা ডেস্ক, 15 আগষ্ট: হৃতিক ৰোশন আৰু দীপিকা পাডুকনৰ অভিনীত ছবি ‘ফাইটাৰ’ৰ প্ৰথমখন ম’চন পোষ্টাৰ মুকলি । স্বাধীনতা দিৱস উপলক্ষে মুকলি কৰা এই ম’চন পোষ্টাৰত হৃতিক ৰোশনক শক্তিশালী যুঁজাৰু বিমানৰ পাইলটৰ ৰূপত দেখা গৈছে, আনহাতে দীপিকাক যুঁজাৰু পাইলটৰ সাজ-পোছাক পৰিধান কৰা দেখা গৈছে । ছবিখনৰ পৰা অনিল কাপুৰৰ লুকো ম’চন পোষ্টাৰৰ সৈতে শ্বেয়াৰ কৰা হৈছে ।
ছবিখনৰ পৰিচালক সিদ্ধাৰ্থ আনন্দে ১৫ আগষ্টত ফাইটাৰৰ প্ৰথমখন ম’চন পোষ্টাৰ মুকলি কৰিছে ৷ ছবিখনৰ ম’চন পোষ্টাৰত দীপিকা পাডুকন, হৃতিক ৰোশন আৰু অনিল কাপুৰৰ শক্তিশালী লুক অনুৰাগীৰ সৈতে শ্বেয়াৰ কৰা হৈছে । দেশপ্ৰেমেৰে ভৰা এখন পোষ্টাৰ শ্বেয়াৰ কৰি ছবিখনৰ মুক্তিৰ তাৰিখো ঘোষণা কৰিছে ।
ফাইটাৰৰ ম’চন পোষ্টাৰ মুকলি
অহা বছৰ গণৰাজ্য দিৱসত মুক্তি পাব দীপিকা পাডুকন আৰু হৃতিক ৰোশনৰ এই ছবিখনে । ২০২৪ চনৰ ২৫ জানুৱাৰীত ছবিগৃহত মুক্তি পাব ফাইটাৰ । দেশপ্ৰেমৰ মনোভাৱেৰে নিৰ্মাণ কৰা প্ৰায় ছবিয়ে বক্স অফিচত হিট বুলি প্ৰমাণিত হয় ৷ সেইবাবে মেকাৰে ফাইটাৰৰ বাবে ২৫ জানুৱাৰীৰ তাৰিখ বিশেষভাৱে বাছি লৈছে ।
দীপিকা-হৃতিকক শক্তিশালী ভূমিকাত দেখা যাব ছবিখনত
‘ফাইটাৰ’ত আই এ এছ বিষয়াৰ চৰিত্ৰত অভিনয় কৰা দেখা যাব দীপিকা পাডুকনক । একে সময়তে হৃতিক ৰোশন এয়াৰফৰ্চৰ পাইলটৰ ৰূপত দেখা যাব । দীৰ্ঘদিন ধৰি বিভিন্ন স্থানত ছবিখনৰ দৃশ্যগ্ৰহণ চলি আছিল । ‘ফাইটাৰ’ত হৃতিক আৰু দীপিকাৰ উপৰিও অনিল কাপুৰে মুখ্য চৰিত্ৰত অভিনয় কৰিছে।
দীপিকা আৰু হৃতিকৰ আগন্তুক ছবি
দীপিকা পাডুকনৰ কথা ক’বলৈ, অভিনেত্ৰীগৰাকীক আগন্তুক সময়ত বহুকেইখন ছবিত দেখা পোৱা যাব ৷ ‘পাঠান’ ছবিখনত শক্তিশালী অভিনয়ৰ পিচত দীপিকা পাডুকনক এতিয়া শ্বাহৰুখ খানৰ ‘জৱান’ ছবিখনতো দেখা যাব । আনহাতে প্ৰভাসৰ প্ৰজেক্ট কে ছবিখনতো দীপিকাৰ শক্তিশালী ভূমিকা দেখিবলৈ পোৱা যাব । ইয়াৰ উপৰিও দীপিকাক দেখা পোৱা যাব ‘ব্ৰহ্মাস্ত্ৰ ২’ আৰু ‘সিংঘম ৩’ত । আনহাতে হৃতিক ৰোশনক দেখা যাব ‘War 2’ ছবিখনত ।
লগতে পঢ়ক: Jawan Song Chaleya Teaser: জৱানৰ নতুন গীতৰ টিজাৰ মুকলি; নয়ন্তৰাৰ সৈতে ৰোমাঞ্চ কৰা দেখা গ’ল কিং খানক
