চিটাৰা ডেস্ক, 27 এপ্ৰিল: ৰহস্যজনকভাৱে আত্মহত্যা কৰা এনে বহু বলীউডৰ অভিনেতা-অভিনেত্ৰী আছে, যাৰ মৃত্যুৰ ৰহস্য আজি পৰ্যন্ত ৰহস্য হৈয়ে আছে ৷ ইয়াৰ ভিতৰত এগৰাকী হৈছে বলীউডৰ অভিনেত্ৰী জিয়া খান ৷ 2013 চনৰ ৩ জুনত উদ্ধাৰ হৈছিল জিয়া খানৰ মৃতেদহ (Jiah Khan Suicide Case) ৷ জিয়া খানৰ মৃত্যুৰ প্ৰকৃত কাৰণ আজি পৰ্যন্ত জানিব পৰা হোৱা নাই যদিও জিয়া খানে এৰি থৈ যোৱা চিঠিখনৰ পৰা বহু তথ্য ফাদিল হৈছিল ৷
চিঠিখন জিয়া খানে প্ৰেমিক সূৰজ পাঞ্চোলিৰ বাবে লিখিছিল (Jiah Khan Suicide) ৷ চিঠিখন পোহৰলৈ অহাৰ পিচতে জিয়া খানক আত্মহত্যাৰ বাবে উচটনি দিয়াৰ অভিযোগত প্ৰেমিক সূৰজ পাঞ্চোলিৰ বিৰুদ্ধে ভাৰতীয় দণ্ডবিধিৰ ৩০৬ ধাৰাত দাখিল হৈছিল গোচৰ ৷ সেই গোচৰৰ শুনানি বৰ্তমান পৰ্যন্ত চলি আছে (Jiah Khan letter) ৷
উল্লেখ্য যে, জিয়া খানৰ আত্মহত্যাৰ গোচৰৰ ১০ বছৰ পাৰ হ’ল ৷ চিবিআই বিশেষ আদালতে এই গোচৰৰ তদন্ত কৰি আছে আৰু কাইলৈ পুৱা ১০:৩০ বজাত আদালতে এই গোচৰৰ চূড়ান্ত ৰায়দান কৰিব। এই গোচৰত নাম উল্লেখ কৰা অভিযুক্ত সুৰজ পাঞ্চোলিৰ বাবে কাইলৈ অৰ্থাৎ ২৮ এপ্ৰিল গুৰুত্বপূৰ্ণ দিন হ’ব । এতিয়া সকলোৰে দৃষ্টি নিবদ্ধ হৈ আছে ১০ বছৰ ধৰি চলি থকা এই গোচৰত সূৰজৰ কি হ’ব ( Judgement in Jiah Khan suicide case)।
আনহাতে সংবাদ মাধ্যমৰ অনুসৰি ৰায় ঘোষণাৰ পূৰ্বে সংবাদ মাধ্যমৰ সন্মুখত দুয়োটা পক্ষৰ আত্মীয়ক মৌন হৈ থাকিবলৈ আদালতে নিৰ্দেশ দিছে । এনে পৰিস্থিতিত কাইলৈ সূৰজ আৰু জিয়াৰ পৰিয়ালৰ সদস্যৰ বাবে সিদ্ধান্তৰ সময় (Judgment in Jiah Khan case likely on April 28) ।
যোৱা দহ বছৰে চলি থকা গোচৰৰ বাবে সূৰজ পাঞ্চোলিৰ বলীউড কেৰিয়াৰো বিপদত পৰিছে । এইখিনিতে উল্লেখ কৰিব লাগিব যে অভিনেতা আদিত্য পাঞ্চোলিৰ পুত্ৰ সূৰজ । অৱশেষত অন্তিন শুনানিৰ দিন ওচৰ চাপি অহাৰ লগে লগে হৃদস্পন্দন বাঢ়িছে অভিনেতাগৰাকীৰ (Jiah khan relationships) । অৱশ্যে কি ৰায়দান দিব আদালতে সেয়া হ’ব লক্ষ্যনীয় বিষয় ৷
গোটেই ঘটনাটো কি আছিল ?
উল্লেখ্য যে, ২০১৩ চনত নিজা বাসগৃহত চিপ লৈ থকা অৱস্থাত উদ্ধাৰ হৈছিল জিয়া খানৰ মৃতদেহ (Jiah khan death date) ৷ মৃত্যুৰ পূৰ্বে সুৰজ আৰু জিয়াই ডেট কৰিছিল । আত্মহত্যাৰ পূৰ্বে জিয়া খানে কেইবাবাৰো মাতৃৰ লগত নিজৰ সমস্যাৰ কথা আলোচনা কৰিছিল । জিয়া খানৰ মাতৃয়েও জানিছিল যে তেওঁৰ কন্যা অভিনেতা সূৰজ পাঞ্চোলিৰ সৈতে সম্পৰ্কত আছে ।
এনে পৰিস্থিতিত জিয়া খানে আত্মহত্যা কৰাত মাতৃৰ সম্পূৰ্ণ সন্দেহ ওপজে সূৰজ পাঞ্চোলিৰ ওপৰত আৰু জিয়াৰ মৃত্যুৰ বাবে সূৰজক জগৰীয়া কৰি জীয়েকৰ সম্পৰ্কৰ সকলো সবিশেষ আৰক্ষীৰ আগত কোৱাৰ পিচত গোচৰ তৰিছিল ।
লগতে পঢ়ক: Saint Von Colucci Dies: প্লাষ্টিক চাৰ্জাৰীয়েই কাল হ’ল এইজন অভিনেতাৰ !
