চিটাৰা ডেস্ক, 26 মাৰ্চ: শেহতীয়াকৈ বলিউডৰ লগত টেলিভিজন জগতৰ বহু অভিনেতা-অভিনেত্ৰীয়ে আত্মহত্যা কৰাৰ খবৰ পোৱা গৈছিল (Bhojpuri actress Akanksha Dubey committed suicide) ৷ এইবাৰ পুনৰ তেনে এক অনাকাংক্ষিত খবৰ পোহৰলৈ আহিছে ছবিজগতৰ পৰা ৷ কিন্তু এইবাৰ বলীউড কিম্বা টেলিভিজন জগতৰ পৰা নহয়, এইবাৰ তেনে এক অনাকাংক্ষিত ঘটনা সংঘটিত হৈছে ভোজপুৰী ছবি জগতত ৷
- " class="align-text-top noRightClick twitterSection" data="
">
উত্তৰ প্ৰদেশৰ বাৰাণসীৰ এটা হোটেলৰ কোঠাত দেওবাৰে আত্মহত্যা কৰে ভোজপুৰী অভিনেত্ৰী আকাংক্ষা ডুবেই । সাৰনাথ অঞ্চলৰ হোটেলৰ কোঠাত চিপ লৈ থকা অৱস্থাত উদ্ধাৰ হয় অভিনেত্ৰীগৰাকীৰ মৃতদেহ । জানিব পৰা মতে এখন ছবিৰ শ্বুটিংৰ বাবে বাৰাণসীত গৈছিল অভিনেত্ৰীগৰাকী । ঘটনা সন্দৰ্ভত আৰক্ষীয়ে অভিনেত্ৰীগৰাকীৰ পৰিয়ালবৰ্গক অৱগত কৰিছে । অৱশ্যে বৰ্তমানলৈকে জানিব পৰা হোৱা নাই অভিনেত্ৰীগৰাকীৰ মৃত্যুৰ কাৰণ ৷ সম্প্ৰতি আৰক্ষীয়ে ঘটনা সন্দৰ্ভত অব্যাহত ৰাখিছে তদন্ত (Bhojpuri actress Akanksha Dubey) ৷
উল্লেখ্য যে, ১৯৯৭ চনৰ ২১ অক্টোবৰত উত্তৰ প্ৰদেশৰ মিৰ্জাপুৰত জন্মগ্ৰহণ কৰিছিল আকাংক্ষাই । সৰুৰে পৰাই নৃত্য আৰু অভিনয়ৰ প্ৰতি আকৰ্ষিত আছিল আকাংক্ষা ৷ সেয়েহে টিকটক আৰু ইনষ্টাগ্ৰামত চুটি নৃত্য আৰু অভিনয়ৰ ভিডিঅ’ শ্বেয়াৰ কৰি অভিনয় জীৱন আৰম্ভ কৰিছিল অভিনেত্ৰীগৰাকীয়ে । আনকি শনিবাৰে নিশাও অভিনেত্ৰীগৰাকীয়ে নিজৰ ইনষ্টাগ্ৰাম একাউণ্টত এটা ভিডিঅ’ শ্বেয়াৰ কৰিছিল (Bhojpuri Actress Akanksha Dubey Dies)।
- " class="align-text-top noRightClick twitterSection" data="
">
প্ৰায় এমাহ পূৰ্বে ভেলেণ্টাইন ডে’ত নিজৰ সম্পৰ্ক ইনষ্টাগ্ৰামত আনুষ্ঠানিকভাৱে প্ৰকাশ কৰিছিল আকাংক্ষাই ৷ ইয়াৰ পিচতে বাতৰিৰ শিৰোনাম দখল কৰিছিল অভিনেত্ৰীগৰাকীয়ে (Akanksha Dubey dies by suicide in Varanasi hotel) ৷ সহঅভিনেতা সমৰ সিঙৰ সৈতে ফটো শ্বেয়াৰ কৰি লিখিছিল, ‘ভেলেন্টাইন ডে’ৰ শুভেচ্ছা ।’
- " class="align-text-top noRightClick twitterSection" data="
">
ৱৰ্ক ফ্ৰণ্টত অলপতে আকাংক্ষাই ভোজপুৰী কণ্ঠশিল্পী-অভিনেতা যশ কুমাৰৰ সৈতে ‘মিট্টি’ৰ শ্বুটিং সম্পূৰ্ণ কৰিছে । ছবিখনত সুৰক্ষা গুপ্তাইও এক গুৰুত্বপূৰ্ণ চৰিত্ৰত অভিনয় কৰিছে । ‘মিট্টি’ৰ পৰিচালনা কৰিছে চন্দন উপাধ্যায় আৰু প্ৰযোজক অৰবিন্দ প্ৰসাদ আৰু প্ৰেম শংকৰে (Akanksha Dubey commits suicide in hotel)।
লগতে পঢ়ক: Sameer Khakhar passes away : বলীউডৰ প্ৰবীণ অভিনেতা সমীৰ খাখৰৰ দেহাৱসান
