চিটাৰা ডেস্ক, 10 জুলাই: পাঠানৰ পিছত বলীউডৰ কিং খানক শীঘ্ৰেই দেখা যাব ‘জৱান’ত । চলচ্চিত্ৰ নিৰ্মাতা এটলীয়ে পৰিচালনা কৰা এই ছবিখনত কিং খানৰ সৈতে নয়নতাৰা আৰু বিজয় সেথুপট্টীকো দেখা যাব । বাদশ্বাহৰ এই ছবিখনৰ বাবে অনুৰাগীসকলে বহুদিনৰ পৰা অপেক্ষা কৰি আছিল । তাৰ মাজতে আজি মুক্তিলাভ কৰিলে জোৱানৰ ট্ৰেইলাৰ । এক্সনেৰে ভৰপূৰ এই ট্ৰেইলাৰত শ্বাহৰুখ খানক এক নতুন ৰূপত দেখিবলৈ পোৱা যাব ৷
জৱানে U/A চাৰ্টিফিকেট লাভ কৰিলে
চেণ্ট্ৰেল ব’ৰ্ড অৱ ফিল্ম চাৰ্টিফিকেশ্যন (চিবিএফচি)ৰ ৱেবছাইট অনুসৰি জৱানৰ ট্ৰেইলাৰৰ ৰানটাইম ২ মিনিট ১৫ ছেকেণ্ড । ইয়াৰ লগতে ছবিখনৰ ট্ৰেইলাৰেও U/A চাৰ্টিফিকেট লাভ কৰিছে ।
কিং খানক দ্বৈত চৰিত্ৰত দেখা যাব
উল্লেখ্য যে, শ্বাহৰুখ খানৰ পত্নী গৌৰী খানৰ ৰেড চিলিজ এণ্টাৰটেইনমেণ্টৰ বেনাৰত জোৱান নিৰ্মাণ কৰা হৈছে । আগন্তুক ৭ ছেপ্টেম্বৰত ছবিগৃহত মুক্তি লাভ কৰিব ছবিখন । ছবিখনত শ্বাহৰুখ খানক দ্বৈত চৰিত্ৰত অভিনয় কৰা দেখা যাব । একে সময়তে নয়নতাৰা, বিজয় সেথুপট্টী, প্ৰিয়মণি, সন্যা মালহোত্ৰা, সুনীল গ্ৰ’ভাৰ, যোগী বাবু, ৰিদ্ধি ডোগ্ৰাক মুখ্য চৰিত্ৰত অভিনয় কৰা দেখা যাব লগতে বিশেষ চৰিত্ৰত অভিনয় কৰিব অভিনেত্ৰী দীপিকা পাডুকণে ৷
আপোনালোকৰ নিশ্চয় শ্বাহৰুখ খানৰ ডুপ্লিকেট ছবিখনৰ কথা মনত আছে ৷ কিদৰে এটি হিৰো’ আৰু ভিলেনৰ ৰূপত দ্বৈত চৰিত্ৰত অভিনয় কৰিছিল শ্বাহৰুখে ৷ সমান্তাৰলকৈ শ্বাহৰুখৰ জৱানতো ঠিক তেনেই হোৱা দেখা যাব বুলি ট্ৰেইলাৰৰ জৰিয়তে অনুমান লগাব পাৰি ৷
- " class="align-text-top noRightClick twitterSection" data="">
ইফালে, জৱানৰ ট্ৰেইলাৰ মুক্তিৰ পিছতে ছ’চিয়েল মিডিয়াত এক ধুমুহাৰ সৃষ্টি হৈছিল ৷ বহু ইউজাৰে লিখিছে যে আপোনালোকে বলীউডক আওকাণ কৰিব পাৰিব কিন্তু SRKক কেতিয়াও আওকাণ কৰিব নোৱাৰিব❤ ৷ ছ’চিয়েল মিডিয়াত ইউজাৰে ইতিমধ্যে জৱানৰ প্ৰশংসাৰে উপচাই পেলাইছে ৷
এতিয়া প্ৰশ্ন হয় যে, পাঠানে যিদৰে বলীউডত এক আধিপত্য স্থাপন কৰি 2023 বৰ্ষৰ ছুপাহিট চিনেমা হিচাপে পৰিগণতি হৈছিল ঠিক তেনেদৰে জৱানেও সেই একেই সফলতা লাভ কৰিব পাৰিব নে নাই সেয়া ছবিখনৰ মুক্তিলাভৰ পিছতহে জানিব পৰা যাব ৷
উল্লেখ্য যে, এই ছবিখন ২০২৩ চনৰ ৭ ছেপ্টেম্বৰত বিশ্বজুৰি হিন্দী, তামিল আৰু তেলেগু ভাষাত মুক্তিলাভ কৰিব ।
লগতে পঢ়ক: Jawan Clash: হলীউডৰ এইখন ছবিৰ সৈতে মুখামুখী সংঘৰ্ষ কৰি শ্বাহৰুখ খানৰ জৱানে, ইয়াৰ ফলাফল কি হ’ব ?
