চিটাৰা ডেস্ক, 3 জুন : বলীউডৰ 'বাদশ্বাহ' শ্বাহৰুখ খান আকৌ এবাৰ চলচ্চিত্ৰ উদ্যোগত সক্ৰিয় হৈ পৰিছে । 2018 চনত 'জিৰো' ফ্লপ হোৱাৰ পিছত বহু সময় ধৰি শ্বাহৰুখ ৰূপালী পৰ্দাৰ পৰা আঁতৰি আছিল ৷ 2022 চনত শ্বাহৰুখ খানে 'পাঠান' আৰু 'ডাঙ্কি' চলচ্চিত্ৰৰ কথা ঘোষণা কৰে ৷ তাৰ লগে লগেই শ্বাহৰুখ অনুৰাগীসকল আনন্দত আত্মহাৰা হৈ পৰে ।
এতিয়া শ্বাহৰুখে পুনৰ এখন ছবিৰ কথা ঘোষণা কৰিছে । দক্ষিণ ছবিজগতৰ পৰিচালক এটলীয়ে নিৰ্মাণ কৰা ছবিত অভিনয় কৰিব বলীউডৰ বাদশ্বাহে ৷ তেওঁৰ ঘোষণা কৰা তৃতীয়খন ছবিৰ নাম হৈছে 'জোৱান' ।
'জোৱান' ৰ পৰা শ্বাহৰুখৰ প্ৰথম লুক ভাইৰেল হৈ পৰিছে ৷ 3 জুনত ঘোষণা কৰা এই ছবিখনৰ টিজাৰো মুকলি হ’ল ৷ ছবিখনৰ টিজাৰত, শ্বাহৰুখ খানৰ এটা ভয়ংকৰ চেহেৰা দেখা গৈছে (Shah rukh Khan new film) । চলচ্চিত্ৰখন আগন্তুক বৰ্ষৰ ২ জুনত মুক্তি পাব । প্ৰথমবাৰৰ বাবে শ্বাহৰুখ আৰু দক্ষিণৰ পৰিচালক এটলীয়ে এই ছবিখনৰ জৰিয়তে একেলগে কাম কৰিছে । 'জোৱান' বোলছবিখন হিন্দীৰ উপৰিও তামিল, তেলেগু, মালায়ালম আৰু কানাড়া ভাষাত মুক্তি পাব ।
- " class="align-text-top noRightClick twitterSection" data="
">
শ্বাহৰুখ খানৰ হাতত ইতিমধ্যে 'পাঠান' আৰু 'ডাঙ্কি'ৰ দৰে বিগবাজেটৰ ছবি আছে । 'পাঠান' ছবিখন 2023 ৰ ২৫ জানুৱাৰীত মুক্তি লাভ কৰিব । ছবিখনত শ্বাহৰুখ খান, জন আব্ৰাহাম আৰু দীপিকা পাডুকনে গুৰুত্বপূৰ্ণ চৰিত্ৰত অভিনয় কৰিছে । ছবিখনত ছলমান খানক কেমিঅ' চৰিত্ৰত দেখা পোৱা যাব বুলি সূত্ৰত প্ৰকাশ । ছবিখন পৰিচালনা কৰিছে সিদ্ধাৰ্থ আনন্দে ।
- " class="align-text-top noRightClick twitterSection" data="
">
শ্বাহৰুখ খানে বিখ্যাত চলচ্চিত্ৰ নিৰ্মাতা তথা পৰিচালক ৰাজকুমাৰ হিৰাণীৰ সৈতে 'ডাঙ্কি' বোলছবিখন স্বাক্ষৰ কৰিছে (Shah rukh Khan film with Rajkumar Hirani) । এইখন এখন সামাজিক কমেডি ছবি য'ত শ্বাহৰুখ খানক এজন চৰ্দাৰৰ চৰিত্ৰত দেখা যাব (Shah rukh Khan upcoming movie) । এই ছবিখনৰ ঘোষণা শ্বাহৰুখ খানে ৰাজকুমাৰ হিৰাণীৰ সৈতে এটা ভিডিঅ' শ্বেয়াৰ কৰি কৰিছিল ।
