চিটাৰা ডেস্ক, ৫ এপ্ৰিল : ৰাষ্ট্ৰপতি ভৱনত বুধবাৰে অনুষ্ঠিত হয় এক সোণালী অনুষ্ঠান (President Draupadi Murmu) ৷ এই অনুষ্ঠানত ৰাষ্ট্ৰপতি দ্ৰৌপদী মুৰ্মুৱে বলীউডৰ মোহময়ী অভিনেত্ৰী ৰবীনা টেণ্ডনক চতুৰ্থ সৰ্বোচ্চ অসামৰিক পদ্মশ্ৰী বঁটা প্ৰদান কৰে (Raveena Tandon receives Padma Shri) । এই অনুষ্ঠানটোত প্ৰধানমন্ত্ৰী নৰেন্দ্ৰ মোডী আৰু কেন্দ্ৰীয় গৃহমন্ত্ৰী অমিত শ্বাহ উপস্থিত থাকে (Raveena receives fourth highest civilian award) ।
শীৰ্ষ সন্মানৰ বাবে নিৰ্বাচিত হোৱাৰ বাবে কৃতজ্ঞতা জ্ঞাপন কৰি অভিনেত্ৰীগৰাকীয়ে ভাষণ প্ৰসংগত কয়, "সন্মানিত আৰু কৃতজ্ঞ । ভাৰত চৰকাৰ, সকলোকে বহুত বহুত ধন্যবাদ ৷ মোৰ অৱদান, মোৰ জীৱন, মোৰ আবেগ আৰু উদ্দেশ্য-ছবি আৰু কলা ৷ যিয়ে মোক কেৱল চলচ্চিত্ৰ উদ্যোগলৈই নহয়, কিন্তু তাৰ বাহিৰেও অৱদান আগবঢ়াবলৈ অনুমতি দিছিল, সেয়া স্বীকাৰ কৰাৰ বাবে ভাৰত চৰকাৰক বহুত বহুত ধন্যবাদ । মই সেই সকলোলোকক ধন্যবাদ জনাইছো যিসকলে মোক আৰ্ট এণ্ড ক্ৰাফ্ট অফ ছবিৰ এই যাত্ৰাৰ মাজেৰে পথ প্ৰদৰ্শন কৰিছিল- যিসকলে ইয়াৰ মাজেৰে মোৰ হাত ধৰিছিল আৰু যিসকলে মোক ওপৰৰ স্থানৰ পৰা চাইছিল । মই মোৰ দেউতাৰ ওচৰত ঋণী।"
'মোহৰা', 'মে খিলাড়ি তু অনাৰি', 'সত্তা', 'শ্বুল' আৰু বহুতো ব্লকবাষ্টাৰ ছবিৰে বলীউডত এ লিষ্টাৰ হিচাপে আত্মপ্ৰকাশ কৰিছিল ৰবীনা টেণ্ডনে । ব্লকবাষ্টাৰ ছবি ‘কে জি এফ ২’ ত অভিনয়ৰ বাবে যথেষ্ট প্ৰশংসা লাভ কৰিছিল অভিনেত্ৰীগৰাকীয়ে । ৱৰ্ক ফ্ৰণ্টত ৰবীনাক পৰৱৰ্তী সময়ত সঞ্জয় দত্ত, পাৰ্থ সন্থান আৰু খুছালী কুমাৰৰ সৈতে আগন্তুক ৰোমান্টিক-কমেডী ছবি ‘ঘুডচাদী’ত দেখা পোৱা যাব ।
ইয়াৰ পূৰ্বে জানুৱাৰী মাহত কেন্দ্ৰীয় চৰকাৰৰ শিতানত মুঠ ১০৬ টা পদ্ম বঁটা ঘোষণা কৰিছিল । শিতানসমূহৰ ভিতৰত আছিল কলা, সমাজসেৱা, জনসংযোগ, বিজ্ঞান আৰু অভিযান্ত্ৰিক, বাণিজ্য আৰু উদ্যোগ, চিকিৎসা, সাহিত্য আৰু শিক্ষা, ক্ৰীড়া আৰু অসামৰিক সেৱা আদি। (ANI)
লগতে পঢ়ক: State film award 2023 Nahid Afrin controversy: এয়া অনাকাংক্ষিত ভুল, ক্ষমা খুজিলে জুৰী ব’ৰ্ডে
