চিটাৰা ডেস্ক, 3 ছেপ্টম্বৰ : বালাজী টেলিফিল্মছ আৰু ৰিলায়েন্স এণ্টাৰটেইনমেণ্টৰ ছবি ‘গুডবাই’ ত দেখা পোৱা যাব অমিতাভ বচ্চন আৰু দক্ষিণৰ ছবিজগতৰ চুপাৰহিট অভিনেত্ৰী ৰশ্মিকা মান্দনাক ৷ ৰশ্মিকা মান্দনাৰ প্ৰথমখন হিন্দী ছবি এইখন ৷ এতিয়া এই ছবিখনৰ মুক্তিৰ তাৰিখ ঘোষণা কৰা হৈছে । ছ’চিয়েল মিডিয়াত এটি পোষ্টৰ জৰিয়তে অভিনেত্ৰী ৰশ্মিকা মান্দনাই ছবিখনৰ মুক্তিৰ তাৰিখ অনুৰাগীক জনাইছে । এই ছবিখনৰ পৰিচালনা বিকাশ বাহলৰ । চলিত বৰ্ষৰ এপ্ৰিল মাহৰ পৰা আৰম্ভ হৈছিল এই ছবিখনৰ শ্বুটিং ।
ৰশ্মিকা মান্দনাই ইনষ্টাগ্ৰামত ছবিখনৰ সৈতে জড়িত এখন পোষ্টাৰ শ্বেয়াৰ কৰি এটা সুন্দৰ কেপছন দি লিখিছে, ‘পাপা আৰু মই 7 অক্টোবৰত আপোনাৰ পৰিয়ালক লগ কৰিবলৈ আহি আছো’ । 7 অক্টোবৰত মুক্তি পাব গুডবাই ছবিখনে (Rashmika Mandanna bollywood debut GoodBye) ।
- " class="align-text-top noRightClick twitterSection" data="
">
গুডবাইৰ লগতে টাইগাৰ শ্ৰফৰ সৈতে ‘স্ক্ৰু ঢিলা’ আৰু সিদ্ধাৰ্থ মলহোত্ৰাৰ সৈতে ‘মিছন মজনু’কে ধৰি ৰশ্মিকা মান্দনাৰ হাতত তিনিখনকৈ বলীউড ছবি আছে । গুডবাইৰ মুক্তিৰ তাৰিখ ঘোষণা কৰা হৈছে যদিও বাকী দুখন ছবিৰ মুক্তিৰ তাৰিখ এতিয়াও অহা নাই (Rashmika Mandanna upcoming movies) ।
যদিহে গুডবাই ছবিখন প্ৰথমে মুক্তি পায়, তেন্তে এইখন হ’ব ৰশ্মিকাৰ বলীউড ডেবিউট ছবি । ৰশ্মিকা দক্ষিণৰ এগৰাকী চুপাৰহিট অভিনেত্ৰী । চাউথ চুপাৰষ্টাৰ আল্লু অৰ্জুনৰ অভিনীত ‘পুষ্পা - দ্য ৰাইজ’, যিখন ছবি বিশ্বব্যাপী হিট বুলি প্ৰমাণিত হৈছিল, তাত ৰশ্মিকাৰ চৰিত্ৰটো পছন্দ কৰিছিল সকলোৱে । এতিয়া বলীউডত কিমান সফল হয় ৰশ্মিকা সেইয়াহে লক্ষণীয় হ’ব ।
‘গুডবাই’ৰ বিষয়ে উৎফুল্লিত হৈ প্ৰযোজক একতা কাপুৰে শ্বেয়াৰ কৰিছিল, ‘গুডবাই এটা অতি বিশেষ কাহিনী, য’ত সমানে আৱেগ আৰু মনোৰঞ্জন আছে । ই এনে এক কাহিনী যাৰ লগত প্ৰতিটো পৰিয়ালেই নিজকে সংযুক্ত অনুভৱ কৰিব পাৰিব । সন্মানীয় বচ্চন জীৰ সৈতে কাম কৰাৰ বাবে মই আগ্ৰহী আৰু এই ছবিখনত ৰশ্মিকাক উপস্থাপন কৰি ৰোমাঞ্চিত হৈছো' ৷
লগতে পঢ়ক : Music Composer Pyarelal Birthday: সংগীতকাৰ প্যাৰেলালৰ জন্মৰ দিনটোত জানো আহক তেওঁৰ বিষয়ে কিছু কথা
