চিটাৰা ডেস্ক, 29 আগষ্ট : কফি উইথ কৰণ 7ৰ পৰৱৰ্তী খণ্ডৰ অতিথি হ’ব কৃতি সেনন আৰু টাইগাৰ শ্ৰফ (Koffee With Karan 7) ৷ সোমবাৰে খণ্ডটিৰ প্ৰমো আপলোড কৰে নিৰ্মাতাসকলে ৷ কৰণ, কৃতি আৰু টাইগাৰে যথেষ্ট হাঁহি মাতি সময় উপভোগ কৰা দেখিবলৈ পোৱা গৈছে ৷ তাতেই কৃতিয়ে খোলাখুলিকৈ প্ৰকাশ কৰিলে তেওঁ কিয় আজিলৈকে নিজৰ প্ৰথমজন সহ তাৰকাক ডেট কৰা নাই(Kriti Sanon says she cannot date Tiger Shroff) !
2014 চনত কৃতি আৰু টাইগাৰে Heropanti ছবিখনেৰে বলীউডত আত্মপ্ৰকাশ কৰিছিল ৷ কফি উইথ কৰণ 7ত কৰণে দুয়োকে ৰসাল প্ৰশ্ন সুধি অনুষ্ঠানটো অধিক মধুৰ কৰি তোলা দেখা গৈছে ৷ কৰণে সোধা এটা প্ৰশ্নৰ প্ৰত্যুত্তৰত কৃতিয়ে কয় যে কৰণ জোহৰে Student Of The Year 1 ৰ বাবে কৃতিৰ অডিচন নাকচ কৰিছিল ৷ আচৰিত হৈ পৰে কফি উইথ কৰণৰ ঘোষকজন ৷
- " class="align-text-top noRightClick twitterSection" data="
">
কৃতিয়ে তাৰ পিছত খোলাখুলিকৈ কয় যে টাইগাৰ শ্ৰফে মাত্ৰাধিক ফ্লীপ কৰে বাবে আজিলৈকে ডেট কৰা নাই তেওঁ টাইগাৰক ৷ কৃতিৰ এই মন্তব্যত এটা আচৰিত মুখৰ ভংগীমা দিয়ে অভিনেতাজনে ৷ আনহাতে টাইগাৰে দ্বীধাহীনভাৱে কয় যে দীপিকা পাডুকনৰ দৰে সুন্দৰী আৰু প্ৰতিভাসম্পন্ন এগৰাকী পত্নী থকাৰ বাবে তেওঁৰ ৰণবীৰ সিঙৰ প্ৰতি ঈৰ্ষা হয় তেওঁৰ ৷
KWK7 ৰ বাবে কৃতিয়ে ওৱান শ্বল্ডাৰ গোলাপী ৰঙৰ এটা মিনি ড্ৰেছ পৰিধান কৰিছিল ৷ আনহাতে টাইগাৰে পিন্ধিছিল পেষ্টেল ৰঙৰ পেণ্টচুট ৷ Ganapath ছবিখনত পুনৰ একেলগে দেখা যাব টাইগাৰ আৰু কৃতিক ৷ বিকাশ বাহলে পৰিচালনা কৰিছে ছবিখন ৷ বাসু ভাগননী, বিকাশ বাহল, দীপশিখা দেশমুখ আৰু জেকী ভাগনানীৰ দ্বাৰা নিৰ্মিত এই ছবিখন এখন মেগা বাজেট থ্ৰীলাৰ ছবি ৷ ২০২২ চনৰ ডিচেম্বৰ মাহত ছবিখন ছবিগৃহত মুক্তি পোৱাৰ কথা ৷
লগতে পঢ়ক : Alia Bhatt Hollywood debut আলিয়াই ক’লে কেনেকৈ লাভ কৰিছিল হলীউডৰ প্ৰথমটো প্ৰজেক্ট
