চিটাৰা ডেস্ক, 13 আগষ্ট: বলীউডৰ কিং শ্বাহৰুখ খানৰ বহু প্ৰত্যাশিত ছবি হৈছে জৱান ৷ এই ছবিখনৰ বাবে অনুৰাগীয়ে অতি আগ্ৰহেৰে অপেক্ষা কৰি আছে ৷ অহা মাহত অৰ্থাৎ ছেপ্টেবৰত ছবিগৃহত মুকলি হ’ব ছবিখন ৷ সেয়েহে, কিছুদিনৰ পৰা এই ছবিখনক লৈ যথেষ্ট চৰ্চা চলি আছে । বিশেষকৈ ছ’চিয়েল মিডিয়াত এই ছবিখনক লৈ চৰ্চা চলিছে। ছবিখনক লৈ চলি থকা চৰ্চাৰ মাজতে শেহতীয়াকৈ ছবিখনৰ সৈতে জড়িত এটা ক্লিপ ছ’চিয়েল মিডিয়াত ভাইৰেল পৰিছিল ৷ ইয়াৰ পিচতে শ্বাহৰুখৰ প্ৰডাকচন কোম্পানী ৰেড চিলিজ এণ্টাৰটেইনমেণ্টে মুম্বাইৰ ছান্টাক্ৰুজ থানাত এফআইআৰ দাখিল কৰিছিল ।
এই এফআইআৰ দাখিল কৰিছে ৰেড চিলিজ এণ্টাৰটেইনমেণ্টৰ বিত্ত বিষয়াই । এফআইআৰৰ মতে, ছবিখনৰ চেটত মোবাইল ব্যৱহাৰতো নিষেধাজ্ঞা আৰোপ কৰা হৈছে। এনে পৰিস্থিতিত কোনোবাই ভিডিঅ’টো চুৰি কৰি ভাইৰেল কৰাৰ অভিযোগ, যাৰ বাবে কোনো অচিনাকি ব্যক্তিৰ বিৰুদ্ধে এফআইআৰ দাখিল কৰা হৈছে । ভিডিঅ’ ক্লিপটো চুৰি কৰি ভাইৰেল কৰাৰ অভিযোগত আই টিৰ ধাৰাসমূহৰ অধীনত গোচৰ ৰুজু কৰা হৈছে ।
তদন্তত নিয়োজিত হৈছে আৰক্ষী বিষয়া
এফআইআৰ পঞ্জীয়নৰ সমান্তৰালকৈ আৰক্ষীক কেইবাটাও ছ’চিয়েল চাইট আৰু টুইটাৰ একাউণ্টৰ বিষয়েও অৱগত কৰা হৈছে । ১০ আগষ্টত এই গোচৰ ৰুজু হৈছিল । এতিয়া ছান্টাক্ৰুজ আৰক্ষীয়ে তদন্তত নিয়োজিত হৈ পৰিছে ।
উল্লেখ্য যে, জৱান ছবিখন ২০২৩ চনৰ বহু প্ৰত্যাশিত ছবি, যাৰ বাবে অনুৰাগীসকলে আগ্ৰহেৰে অপেক্ষা কৰি আছে, লগতে সেই ছবিখনৰ পৰা শ্বাহৰুখৰো বহু আশা আছে । কাৰণ পাঠানৰ জৰিয়তে কামবেক কৰাৰ পিচত এইখন হ’ব কিং খানৰ দ্বিতীয়খন ছবি ।
ইয়াৰ পূৰ্বে ছবিখন জুন মাহত মুক্তি দিয়াৰ কথা আছিল কিন্তু পিচত মুক্তিৰ তাৰিখ বৃদ্ধি কৰা হয় । অহা ৭ ছেপ্টেম্বৰত ছবিগৃহত মুক্তি পাব জৱান । ইয়াৰ পৰিচালনা কৰিছে চাউথ চিনেমাৰ জনপ্ৰিয় পৰিচালক এটলী কুমাৰে । ছবিখনৰ টিজাৰ আৰু প্ৰিভিউ ভিডিঅ’ ইতিমধ্যেই মুকলি কৰা হৈছে । ইয়াৰ পিচত জিন্দা বান্দা শীৰ্ষক প্ৰথমটি গীত মুক্তি দিছে মেকাৰে । একে সময়তে মেকাৰে অতি সোনকালে ছবিখনৰ আন এটা গীত 14 আগষ্টত মুকলি দিয়াৰ কথা ঘোষণা কৰিছে ।
লগতে পঢ়ক: Jawan Song Chaleya Teaser: জৱানৰ নতুন গীতৰ টিজাৰ মুকলি; নয়ন্তৰাৰ সৈতে ৰোমাঞ্চ কৰা দেখা গ’ল কিং খানক
