চিটাৰা ডেস্ক, 2 মে’ : বিশ্বৰ আটাইতকৈ চৰ্চিত আৰু প্ৰিয় ফেশ্বন ইভেণ্ট হৈছে মেট গালা ৷ প্ৰত্যেক বছৰৰ দৰেই এইবাৰো অনুষ্ঠিত হৈছে মেট গালা ৷ এইবাৰৰ মেট গালাত বহু তাৰকাই বিভিন্ন আৰু অনন্য শৈলীত প্ৰদৰ্শন কৰিছে নিজৰ লুক । এনে পৰিস্থিতিত এই ফেশ্বন ইভেণ্টত অংশ লোৱা নাটাছা পুনাৱালাই নিজৰ লুকৰ বাবে লাভ কৰিছে ব্যাপক চৰ্চা ৷ পোহৰলৈ আহিছে নাটাছাৰ মেট গালা লুকৰ ছবি, এই ছবিবোৰ চাই কেনেধৰণৰ লুক বাছি লৈছে নাটাছাই সেই বিষয়ে হয়তো কল্পনাও কৰিব নোৱাৰিব আপুনি ।
উল্লেখ্য যে, আলিয়া, প্ৰিয়ংকা আৰু ইছা আম্বানীৰ পিচত এই বছৰ মেট গালাত অংশগ্ৰহণ কৰা দেশী ছোৱালীবোৰৰ ভিতৰত এগৰাকী আছিল নাটাছা পুনাৱালা ৷ মেট গালাত আইনাযুক্ত শ্বিয়াপাৰেলি গাউন পৰিধান কৰি সকলোকে নিজৰ লুকটোৰ বিষয়ে ভাবিবলৈ বাধ্য কৰাইছে নাটাছাই (Natasha Ponawalla)।
নাটাছা পুনাৱালাৰ লুক আলোচনাৰ বিষয় হৈ পৰাটো এয়াই প্ৰথম নহয়, ইয়াৰ পূৰ্বেও কেইবাৰো নাটাছাই মেট গালাত অংশগ্ৰহণ কৰিছিল আৰু তেতিয়াও নাটাছাৰ লুক লাইমলাইটলৈ আহিছিল ৷ যিয়ে নহওক এইবাৰো মেট গালা ২০২৩ ত নিজৰ ষ্টাইলিছ লুকৰ বাবেই নাটাছা পুনাৱালাৰ ছবি সামাজিক মাধ্যমত দ্ৰুতগতিত ভাইৰেল হৈ পৰিছে ।
নাটাছা পুনাৱালাই চতুৰ্থবাৰৰ বাবে অংশগ্ৰহণ কৰিছে মেট গালাত । যোৱা বছৰ সব্যসাচিৰ শাৰী পৰিধান কৰি মেট গালাত উপস্থিত হৈছিল নাটাছা ৷ সোণৰ ব্ৰেষ্টপ্লেটৰ দৰে কৰ্চেট পৰিধান কৰিছিল নাটাছাই । সকলোতে নাটাছাৰ লুকটো চৰ্চা হৈছিল, অনুৰাগীৰ পৰা আৰম্ভ কৰি চেলিব্ৰিটিলৈকে সকলোৱে তেওঁৰ লুকক প্ৰশংসা কৰিছিল ।
নাটাছা পুনাৱালা কোন ?
নাটাছা পুনাৱালা এগৰাকী ভাৰতীয় ব্যৱসায়ী তথা ভিল্লু পুনাৱালা ফাউণ্ডেশ্যনৰ অধ্যক্ষ ৷ উৎপাদিত মাত্ৰাৰ হিচাপত বিশ্বৰ অন্যতম বৃহৎ ভেকচিন নিৰ্মাণ কোম্পানী ভাৰতীয় ছিৰাম ইনষ্টিটিউটৰ কাৰ্যবাহী সঞ্চালক, নেদাৰলেণ্ডৰ পুনাৱালা বিজ্ঞান উদ্যানৰ পৰিচালক আৰু ভিল্লু পুনাৱালা ৰেচিং এণ্ড ব্ৰীডিং প্ৰাইভেট লিমিটেডৰ পৰিচালক । তেখেত এগৰাকী ফেশ্বন অনুৰাগীও ।
নিউয়ৰ্কৰ মেট্ৰ’পলিটান মিউজিয়াম অৱ আৰ্টত অনুষ্ঠিত হোৱা ফেশ্বন ইভেণ্ট মেট গালাৰ কথা ক’বলৈ গ’লে মেট গালা হৈছে বিশ্বৰ আটাইতকৈ চৰ্চিত ইভেণ্ট । ইয়াত বহু চেলিব্ৰিটিয়ে অংশগ্ৰহণ কৰে, য’ত বলীউডৰ চেলিব্ৰিটি সকলো জড়িত হৈ থাকে । ফেশ্বন ইভেন্ট মেট গালা ২০২৩ ৰ থিম - কাৰ্ল লেগাৰফেল্ড: এ লাইন অৱ বিউটি - প্ৰয়াত ফেশ্বন কিংবদন্তিগৰাকীৰ সন্মানত ৰখা হৈছে ।
লগতে পঢ়ক : Met Gala 2023 : বগা সাজেৰে মেট গালাত আত্মপ্ৰকাশ কৰিছে আলিয়া ভাটে, মেট গালাত আলিয়াৰ প্ৰথম লুকৰ ছবি চাওক
