চিটাৰা ডেস্ক, 8 মে’: হিন্দী ছবি জগতত নিজৰ উৎকৃষ্ট অভিনয়ৰ বাবেই অনুৰাগীৰ হৃদয়ত এক সুকীয়া স্থান বনাবলৈ সক্ষম হৈছে অভিনেতা মনোজ বাজপেয়ীয়ে (Sirf Ek Bandaa Kaafi Hai Trailer OUT) । অভিনেতাগৰাকীয়ে কৰা বিভিন্ন চৰিত্ৰৰে দৰ্শকক মন্ত্ৰমুগ্ধ কৰি আহিছে ৷
মনোজ বাজপেয়ীৰ পৰৱৰ্তী ছবি ‘ছিৰ্ফ এক বান্দা কাফি হে’ অতি সোনকালে মুক্তি পাব ZEE5 ত । শেহতীয়াকৈ অভিনেতাগৰাকীৰ জন্মদিন উপলক্ষে ছবিখনৰ পোষ্টাৰ মুকলি কৰিছিল । ইয়াৰ পিচতে ছবিখনৰ ট্ৰেইলাৰলৈ অপেক্ষা কৰি আছিল অনুৰাগীসকল ৷ অৱশেষত অন্ত পৰিল অনুৰাগীৰ অপেক্ষা ৷ কিয়নো নিৰ্মাতাই মুকলি কৰিছে ছবিখনৰ ট্ৰেইলাৰ ।
- " class="align-text-top noRightClick twitterSection" data="">
‘ছিৰ্ফ এক বান্দা কাফি হে’ ট্ৰেইলাৰ মুকলি
‘ছিৰ্ফ এক বান্দা কাফি হে’ শিৰোনামেৰে নিৰ্মিত এই ছবিখনৰ ট্ৰেইলাৰে দৰ্শকৰ মাজত যথেষ্ট চৰ্চা লাভ কৰিবলৈ সক্ষম হৈছে । ট্ৰেইলাৰত মনোজক দেখা গৈছে সকলো অসুবিধাৰ মাজত সত্য আৰু ন্যায়ৰ বাবে যুঁজ দিয়া অধিবক্তাৰ চৰিত্ৰত । কেতিয়াও হাৰ নমনা এজন অধিবক্তাৰ কাহিনী এয়া । ট্ৰেইলাৰত স্পষ্টকৈ দেখা গৈছে যে, মনোজক এগৰাকী ছোৱালীৰ ন্যায় পাবলৈ সকলো সম্ভৱ কৰি থকা দেখা গৈছে ।
যুঁজাৰু অধিবক্তাৰ চৰিত্ৰত মনোজ
উল্লেখ্য যে, ছবিখন এক সঁচা ঘটনাৰ আধাৰত নিৰ্মিত, য’ত অভিনেতাজনে অধিবক্তা পুনম চান্দ সোলংকীৰ চৰিত্ৰত অভিনয় কৰিছে । ‘ছিৰ্ফ এক বান্দা কাফি হে’ এখন সম্পূৰ্ণ আদালতৰ নাটক । ট্ৰেইলাৰত দেখা যায় যে, এই ছবিখনত অভিনেতাগৰাকীয়ে এজন সাধাৰণ অধিবক্তা হোৱাৰ বাবে এক অসাধাৰণ গোচৰৰ যুঁজ দিয়ে, য’ত তেওঁ এজন বাবাৰ আচল প্ৰতিচ্ছবি ৰাইজৰ আগত উদঙাই দিয়ে ৷ বেয়াৰ বিৰুদ্ধে যুঁজি ছোৱালীজনীক ন্যায় দিবলৈ চেষ্টা কৰে অভিনেতাগৰাকীয়ে ৷
কেতিয়া মুক্তি পাব ছবিখন ?
উল্লেখ্য যে, মনোজ বাজপেয়ীৰ অভিনীত এই নতুন ছবিখন অহা ২৩ মে’ত OTT প্লেটফৰ্ম G5 ত প্ৰচাৰ কৰা হ’ব । দীপক কিংৰাণীৰ ৰচনা কৰা এই ছবিখন পৰিচালনা কৰিছে অপূৰ্ব সিং কাৰ্কীয়ে ।
লগতে পঢ়ক: Shabana Azmi: দ্য কেৰালা ষ্ট’ৰী সন্দৰ্ভত শ্বাবানা আজমীৰ মন্তব্য; কোনে কৰিছে ভুল ?
