চিটাৰা ডেস্ক, 2 অক্টোবৰ: আজি বলীউডৰ কিং শ্বাহৰুখ খানৰ ৫৮ সংখ্যক জন্মদিন ৷ শ্বাহৰুখ খানৰ জন্মদিন অনুৰাগীৰ বাবে কোনো উৎসৱতকৈ কম নহয় ৷ ছ’চিয়েল মিডিয়াত অনুৰাগীৰ পৰা বলীউডৰ চেলিব্ৰিটিলৈকে সকলোৱে কিং খানক জন্মদিনৰ শুভেচ্ছা জ্ঞাপন কৰিছে ৷ আনকি হাজাৰ হাজাৰ অনুৰাগীয়ে মন্নতৰ সন্মুখত নিশা অভিনেতাগৰাকীক শুভেচ্ছা জনাবলৈ উপস্থিত হৈছিল ৷ ইয়াৰ মাজতে এতিয়া ‘জৱান’ ছবিখনৰ পৰিচালক এটলীয়ে শ্বাহৰুখ খানক জন্মদিনৰ শুভেচ্ছা জ্ঞাপন কৰিছে ৷ এটলীয়ে তেওঁৰ ‘জৱান’ ছুপাৰষ্টাৰক জন্মদিনৰ শুভেচ্ছা জনায় আৰু তেওঁৰ সৈতে ‘জৱান’ৰ চেটৰ পৰা এখন ফটো শ্বেয়াৰ কৰে ।
লাভ ইউ এছ আৰ কে ছাৰ- এটলী
'বিক্ৰম ৰাঠোৰ' (শ্বাহৰুখ খানৰ চৰিত্ৰ)ৰ সৈতে নিজৰ এখন সুন্দৰ ছবি শ্বেয়াৰ কৰি এটলীয়ে কিং খান জন্মদিনৰ শুভেচ্ছা জনাইছে । এটলীয়ে লিখিছে, ‘‘মোৰ প্ৰিয় শ্বাহৰুখ ছাৰলৈ জন্মদিনৰ শুভেচ্ছা থাকিল, লাভ ইউ ছাৰ।’’ এই ছবিখন জৱানৰ চেটৰ, য’ত শ্বাহৰুখ আৰু এটলীক ডেছিং লুকত দেখা গৈছে ।
উল্লেখ্য যে, এটলীয়ে প্ৰথমবাৰৰ বাবে ‘জৱান’ ছবিখনৰ জৰিয়তে শ্বাহৰুখ খানৰ সৈতে কাম কৰিছে । ৩০০ কোটি টকাৰ বাজেটেৰে নিৰ্মাণ কৰা হৈছিল এই ছবিখন । শ্বাহৰুখ খানৰ পত্নী গৌৰী খানে এই ছবিখনত ধন বিনিয়োগ কৰিছিল । এটলীৰ পৰিচালনাত নিৰ্মিত এই ছবিখনে বিশ্বজুৰি সংগ্ৰহ কৰে ১১০০ কোটিৰো অধিক ধন।
অ’টিটিত মুক্তি জৱান
শ্বাহৰুখ খানৰ জন্মদিনত মাজনিশা অ’টিটি প্লেটফৰ্ম নেটফ্লিক্সত মুক্তি দিয়া হৈছে ‘জৱান’। একে সময়তে জন্মদিনত শ্বাহৰুখ খানে তেওঁৰ পৰৱৰ্তী বহু প্ৰত্যাশিত ছবি ডাংকিৰ টিজাৰো মুকলি কৰিছে । তলত দিয়া লিংকটোত চাওক ডাংকিৰ টিজাৰ....
লগতে পঢ়ক: Dunki teaser out: শ্বাহৰুখৰ জন্মদিনত মুকলি বহু প্ৰত্যাশিত ছবি ডাংকিৰ টিজাৰ
