চিটাৰা ডেস্ক, 27 আগষ্ট: বলীউডৰ কিং খানে দীৰ্ঘ সময় বিৰতিৰ অন্ততঃ পুনৰ ডাঙৰ পৰ্দালৈ ঘূৰি আহিছিল পাঠান ছবিখনৰ জৰিয়তে ৷ ছবিখন মুক্তি পোৱাৰ লগে লগে বক্স অফিচত বছৰটোৰ সবাতোকৈ ব্লকবাষ্টাৰ ছবি হিচাপে পৰিগণিত হৈছিল ৷ এই ছবিখনৰ পিচতে কিং খানক লৈ অনুৰাগীৰ মাজত আৰু অধিক বৃদ্ধি পাইছে উন্মাদনা ৷ এতিয়া কিং খানৰ আন এখন মেগা বাজেটৰ ছবি মুক্তিৰ পথত ৷
এতিয়া শ্বাহৰুখ খানৰ ছবি ‘জৱান’ক লৈ অনুৰাগীৰ উন্মাদনা তুংগত উঠিছে । অহা ৭ ছেপ্টেম্বৰত ছবিগৃহত মুক্তি পাব এই ছবিখন । ইফালে কিছুমান ছবিগৃহত ছবিখনৰ আগতীয়া বুকিং আৰম্ভ হৈছে, যিয়ে প্ৰচণ্ড সঁহাৰি লাভ কৰে । হয়, কেইমিনিটমানৰ ভিতৰতে ‘জৱান’ৰ এডভান্স বুকিং টিকট বিক্ৰী হৈ গ’ল ।
ইতিমধ্যে আমেৰিকা, সংযুক্ত আৰব আমিৰাত (ইউ এ ই), অষ্ট্ৰেলিয়া, চৌদি আৰব আৰু জাৰ্মানী আদি আন্তঃৰাষ্ট্ৰীয় কেন্দ্ৰত ‘জৱান’ৰ অগ্ৰিম বুকিং মুকলি কৰা হৈছে । ভাৰতত মুম্বাইৰ কেইটামান চেণ্টাৰতহে এডভান্স বুকিং আৰম্ভ হৈছে । অনুৰাগীয়ে টিকট ক্ৰয় কৰিবলৈ এক মুহূৰ্তও অপেক্ষা নকৰিলে । আপুনি জানি আচৰিত হ’ব যে থানেত দৰ্শকে ১১০০ টকা পৰ্যন্ত মূল্যৰ টিকট ক্ৰয় কৰিছে । ১৫ মিনিটৰ ভিতৰত আগতীয়াকৈ বুকিং কৰি ‘জৱান’ৰ টিকট সকলো বিক্ৰী হৈ গ’ল ।
উল্লেখ্য যে, ২০২৩ চনৰ ৭ ছেপ্টেম্বৰত তিনিটা ভাষা হিন্দী, তামিল আৰু তেলেগুত সমগ্ৰ বিশ্বৰ চিনেমা হলত মুক্তি পাব ‘জৱান’। কিং খানৰ উপৰিও টলীউডৰ তাৰকা বিজয় ছেঠুপতি, অভিনেত্ৰী নয়ন্তৰা, সন্যা মালহোত্ৰা আৰু প্ৰিয়মণিক দেখা যাব ছবিখনত । ছবিখনত দীপিকা পাডুকনক কেমিঅ’ৰ’লতো দেখা যাব।
এই ছবিখনক বাণিজ্যিক মনোৰঞ্জনমূলক ছবি হিচাপে বিবেচনা কৰা হৈছে । মন কৰিবলগীয়া বিষয় যে ছবিখনত কিং খানক দুটা বা তিনিটা নহয় পাঁচটা ৰূপত অভিনয় কৰা দেখা যায় ৷ ছবিখনৰ শ্বুটিঙৰ কথা ক’বলৈ গ’লে মুম্বাই, পুনে, হায়দৰাবাদ, চেন্নাই, ৰাজস্থান আৰু ঔৰংগাবাদত শ্বুটিং কৰা হৈছে।
