চিটাৰা ডেস্ক, 16 আগষ্ট: বক্স অফিচত আলোড়নৰ সৃষ্টি কৰিছে ছানী দেওল অভিনীত গদৰ 2 ছবিখনে ৷ ছবিখনে প্ৰতিদিনে নতুন নতুন অভিলেখ গঢ়িবলৈ সক্ষম হৈছে। গদৰ 2 ৰ সমান্তৰালকৈ অক্ষয় কুমাৰৰ OMG 2 ছবিখনো ছবিগৃহত মুক্তি লাভ কৰিছে । এই ছবিখনেও বক্স অফিচত ভাল ফলাফল দেখুৱাইছে ৷ কিন্তু মনকৰিবলগীয়া বিষয় যে 15 আগষ্টত অৰ্থাৎ স্বাধীনতা দিৱসৰ দিনটোত দুয়োখন ছবিয়ে বক্স অফিচত অভিলেখ ভংগ কৰিছে ৷ 15 আগষ্টৰ দিনটোত গদৰ 2 আৰু OMG 2 য়ে কিমান উপাৰ্জন কৰিছে জানো আহক ৷
বক্স অফিচত গদৰ ২ য়ে ৪ দিনত 173.৫৮ কোটি টকা সংগ্ৰহ কৰিছিল । ছবিখনে প্ৰথম দিনাই 41 কোটি টকা, দ্বিতীয় দিনা 43.08 কোটি টকা, তৃতীয় দিনা 51.70 কোটি টকা আৰু চতুৰ্থ দিনা 38.70 কোটি টকা সংগ্ৰহ কৰে । এতিয়া পঞ্চম দিনাৰ সংগ্ৰহো চৰ্চালৈ আহিছে ।
15 আগষ্টত কিমান উপাৰ্জন কৰিলে ছবিখনে ?
খবৰ অনুসৰি গদৰ 2 য়ে 15 আগষ্টৰ দিনটোত 55.40 কোটি টকা সংগ্ৰহ কৰিছে । ইয়াৰ পিচত ছবিখনৰ মুঠ সংগ্ৰহ প্ৰায় 228 কোটি হৈছে গৈ । পাঁচ দিনৰ ভিতৰতে 200 কোটিৰ ক্লাবত অন্তৰ্ভুক্ত গদৰ 2, ইয়াৰ লগে লগে ক’ব পাৰি যে 300 কোটিৰ সীমা অতিক্ৰম কৰিবলৈ বেছি সময় হয়তো নালাগিব পাৰে ।
OMG 2 ৰ বক্স অফিচ সংগ্ৰহ
অক্ষয় কুমাৰৰ OMG 2 ৰ কথা ক’বলৈ গ’লে, Gadar 2 ৰ ক্ষেত্ৰত এই ছবিখন বহু পিছ পৰি আছে যদিও ছবিখনে বহুতৰে প্ৰশংসা লাভ কৰিছে ৷ ছবিখনে ৰাইজৰ ইতিবাচক সঁহাৰি লাভ কৰিছে । খবৰ অনুসৰি 15 আগষ্টৰ দিনটোত OMG 2 য়ে প্ৰায় 17.10 কোটি টকা সংগ্ৰহ কৰিছে । ইয়াৰ পিচত ছবিখনৰ সংগ্ৰহ প্ৰায় 75 কোটি হোৱাৰ দিশত । OMG 2 এতিয়া 75 কোটিৰ ক্লাবত যোগদান কৰিছে আৰু এই উইকেণ্ডৰ ভিতৰত ছবিখনে 100 কোটিৰ ক্লাবত যোগদান কৰাৰো সম্ভাৱনা আছে ।
লগতে পঢ়ক: Gadar 2: কেতিয়া আৰু কোনটো অটিটি প্লেটফৰ্মত মুকলি হ’ব গদৰ ২ সম্পূৰ্ণ তথ্য জানি লওক
