চিটাৰা ডেস্ক, 4 ছেপ্টেম্বৰ: পিতৃ ধৰ্মেন্দ্ৰৰ পদাংক অনুসৰণ কৰি ছানী দেওলে ছবিজগতত প্ৰৱেশ কৰিছিল । ছানী দেওলৰ দৰেই তেওঁৰ পুত্ৰ কৰণ দেওলেও অভিনয়ক কেৰিয়াৰ হিচাপে বাছি লৈছিল । এতিয়া তেওঁৰ কনিষ্ঠ পুত্ৰ ৰাজবীৰ দেওলেও পিতৃৰ পদাংক অনুসৰণ কৰি হিন্দী চিনেমাত ভৰি দিছে ।
ৰাজশ্ৰী প্ৰডাকচনৰ বেনাৰত নিৰ্মিত ‘ডোনো’ ছবিৰে বলীউডত আত্মপ্ৰকাশ কৰিছে ৰাজবীৰ দেওলে । কেৱল এই ছবিখনৰক দ্বাৰা ৰাজবীৰে অকলেই আত্মপ্ৰকাশ কৰা নাই, অভিনেত্ৰী পুনম ধিলোনৰ কন্যা পালোমাইও এই ছবিখনৰ জৰিয়তে বলীউডত আত্মপ্ৰকাশ কৰিছে ৷ অৱশ্যে আজি মুক্তি লাভ কৰিলে ছবিখনৰ ট্ৰেইলাৰ ৷
সোমবাৰে অনুষ্ঠিত হোৱা ছবিখনৰ গ্ৰেণ্ড ট্ৰেইলাৰ লঞ্চ ইভেণ্টত মুকলি কৰা হয় ট্ৰেইলাৰ । শেহতীয়াকৈ ছবিখনৰ নতুন পোষ্টাৰ শ্বেয়াৰ কৰি এই সন্দৰ্ভত তথ্য দিছিল ৰাজবীৰ দেওলে । পোষ্টাৰখনৰ লগতে ৰাজবীৰে কেপচনত লিখিছিল, "৪ ছেপ্টেম্বৰ সোমবাৰে গ্ৰেণ্ড ট্ৰেইলাৰ লঞ্চ ইভেণ্টত দুয়োকে লগ কৰিবলৈ সাজু হওক ।"
- " class="align-text-top noRightClick twitterSection" data="">
ডোনো ছবিখন কেতিয়া মুক্তি পাব ?
ৰাজবীৰ আৰু পালোমাৰ অভিনীত ছবি ‘ডোনো’ৰ টিজাৰ মুক্তি পোৱাৰ পিছৰে পৰা ছবিখনৰ মুক্তিৰ তাৰিখ ঘোষণাৰ বাবে ৰাইজে আগ্ৰহেৰে অপেক্ষা কৰি আছিল । মাত্ৰ কেইদিনমান পূৰ্বে নিৰ্মাতাসকলে চিনেমাখনৰ মুক্তিৰ তাৰিখ ঘোষণা কৰিছিল । অহা ৫ অক্টোবৰত ছবিগৃহত মুক্তি পাব ছবিখন ।
ছবিখনৰ প্ৰযোজনা কৰিছে সূৰাজ বৰজাত্যই আনহাতে পৰিচালনা কৰিছে সূৰাজৰ পুত্ৰ অবিনাশ এছ. বৰজাত্যই । পৰিচালক হিচাপে অবিনাশৰ এইখন প্ৰথম ছবি।
ৰাজবীৰ দেওলে পিতৃৰ দৰে নিজৰ কেৰিয়াৰ বনাব পাৰিব নে বলীউডত ?
ছানী দেওলৰ জ্যেষ্ঠ পুত্ৰ কৰণ দেউলে ২০১৯ চনত ‘পাল পাল দিল কে পাছ’ ছবিৰে অভিনেতা হিচাপে আত্মপ্ৰকাশ কৰিছিল যদিও তেওঁৰ ছবিখনে বক্স অফিচত বৰবিশেষ ফলাফল দেখুৱাব নোৱাৰিলে । এতিয়া সকলোৰে চকু ছানীৰ কনিষ্ঠ পুত্ৰ ৰাজবীৰৰ ওপৰত । অৱশ্যে ৰাজবীৰ প্ৰায়ে লাইমলাইটৰ পৰা আঁতৰি থাকে । এতিয়া ডাঙৰ পৰ্দাত অনুৰাগীক আপ্লুত কৰিব পাৰিব নে নোৱাৰিব সেয়া হ’ব লক্ষণীয় বিষয় ৷
