চিটাৰা ডেস্ক, 24 জুন: ১৯৮৮ চনৰ ২৪ জুনত লক্ষ্ণৌত জন্মগ্ৰহণ কৰা সুমনা চক্ৰৱৰ্তী আজি কোনো পৰিচয়ৰ ওপৰত নিৰ্ভৰশীল নহয় । অতি কম বয়সতে অভিনয় জগতত প্ৰৱেশ কৰিছিল সুমনা । হয়, আমিৰ খানৰ ছবি ‘মন’ ছবিৰ পৰা আৰম্ভ কৰিছিল অভিনয় । কিন্তু সেই সময়ত সুমনাৰ বয়স আছিল মাত্ৰ ১১ বছৰ । কিন্তু পৰবৰ্তী সময়ত পঢ়া-শুনাৰ বাবে এই ছবিখনৰ পিচত অভিনয়ৰ জগতখনৰ পৰা নিজকে আঁতৰাই ৰাখে সুমনাই । কিন্তু পুনৰ যেতিয়া অভিনেত্ৰীগৰাকীয়ে এই উদ্যোগটোত প্ৰৱেশ কৰে, তেতিয়া সৰু পৰ্দাৰ পৰা কেৰিয়াৰ আৰম্ভ কৰি লাভ কৰে সফলতা ৷
এই শ্ব’টোৰ পৰা লাভ কৰিছে খ্যাতি
কমেডী কিং কপিলৰ কমেডী শ্ব’ কমেডী নাইটছৰ পৰাই সুমনাই জনপ্ৰিয়তা লাভ কৰে ৷ শ্ব’টোত কপিল শৰ্মাৰ পত্নী মঞ্জু শৰ্মাৰ চৰিত্ৰত অভিনয় কৰিছিল সুমনাই । আনহাতে শ্ব’টোত কেতিয়াবা ভূৰী আৰু কেতিয়াবা সৰলাৰ চৰিত্ৰত অভিনয় কৰি অনুৰাগীৰ মন জয় কৰিছিল ।
কপিল শৰ্মাৰ এটা শ্ব’ৰ বাবে কিমান লয় সুমনাই ?
আপুনি জানি আচৰিত হ’ব যে ‘দ্য কপিল শৰ্মা শ্ব’ৰ এটা খণ্ডৰ বাবে সুমনাই সাত লাখ টকা লয় ।
বহু ছবিতো কাম কৰিছে সুমনাই
ছলমান খানৰ ‘কিক’ ছবিত কাম কৰিছিল সুমনাই । এই ছবিখনত অভিনেত্ৰীগৰাকীয়ে ছলমানৰ বন্ধুৰ পত্নীৰ চৰিত্ৰত অভিনয় কৰিছিল । ইয়াৰ উপৰিও ৰণবীৰ কাপুৰ, ইলিয়ানা ডি ক্ৰুজ আৰু প্ৰিয়ংকা চোপ্ৰাৰ ছবি বৰফীতো অভিনয় কৰিছে । ‘কমছ ছে’, ‘ডিটেক্টিভ ডল’, ‘কস্তুৰী’, ‘হ’ৰ’ৰ নাইটছ’, ‘বাড়ে আচ্ছে লগটে হে’কে ধৰি বহু টিভি শ্ব’তো অভিনয় কৰিছে সুমনাই ৷
ধূমপানৰ বাবে ব্যাপক সমালোচনাৰ সন্মুখীন হৈছিল সুমনা
কিছুবছৰ পূৰ্বে সুমনাৰ এটা ভিডিঅ’ ভাইৰেল হৈছিল, য’ত দ্য কপিল শৰ্মা শ্ব’ৰ শ্বুটিংৰ সময়ত তেওঁক ধূমপান কৰা দেখা গৈছিল । ইয়াৰ পিচতে ছ’চিয়েল মিডিয়াত ব্যাপক সমালোচনাৰ সন্মুখীন হৈছিল অভিনেত্ৰীগৰাকী ৷ অৱশ্যে ইয়াৰ পিচত অভিনেত্ৰীগৰাকীয়ে ধূমপান ত্যাগ কৰাৰ সিদ্ধান্ত লয় । এই তথ্য খোদ অভিনেত্ৰীগৰাকীয়ে ২০১৯ চনত এটা ইনষ্টাগ্ৰাম পোষ্টৰ জৰিয়তে দিছিল । সুমনাই কৈছিল যে দুবছৰ আগতে মই ধূমপান ত্যাগ কৰিছো আৰু এতিয়া মই ধূমপানৰ ধোঁৱাও সহ্য কৰিব নোৱাৰো ।
বিবাহ সম্পৰ্কে কি ভাৱে সুমনাই ?
সৰু পৰ্দাত কপিল শৰ্মাৰ পত্নীৰ চৰিত্ৰত অভিনয় কৰি খ্যাতি অৰ্জন কৰা সুমনাই বাস্তৱ জীৱনত বিয়া হ’ব নিবিচাৰে । সমাজৰ এই নিয়মবোৰ মানি ল’ব নিবিচাৰে ৷
লগতে পঢ়ক: Hema Malini: বিবাহিত ধৰ্মেন্দ্ৰৰ সৈতে সম্পৰ্ক ৰখাৰ বাবে হেমা মালিনীৰ ওপৰত ক্ষুব্ধ হৈ পৰিছিল পিতৃ
