চিটাৰা ডেস্ক, 18 মে’: বলীউডৰ মেগাষ্টাৰ অমিতাভ বচ্চন অতি সক্ৰিয় ছ’চিয়েল মিডিয়াত ৷ প্ৰায়ে অনুৰাগীৰ সৈতে বিভিন্ন ফটো আৰু ভিডিঅ’ শ্বেয়াৰ কৰি থাকে অভিনেতাগৰাকীয়ে । সেয়া লাগিলে ফেচবুক হওক, টুইটাৰ হওক অথবা ইনষ্টাগ্ৰাম হওক, সকলোতে নিজৰ সক্ৰিয়তা বজাই ৰাখিছে বিগ বিয়ে ।
শেহতীয়াকৈ বিগ বিয়ে নিজৰ ইনষ্টাগ্ৰাম একাউণ্টত এটা ভিডিঅ’ শ্বেয়াৰ কৰিছে, যিটো ভিডিঅ’ সম্প্ৰতি ভাইৰেল হৈ পৰিছে ছ’চিয়েল মিডিয়াত (Amitabh Bachchan Shared Viral Video) ৷ অনুৰাগীসকলে অতিকৈ পছন্দ কৰিছে ভিডিঅ’টো ৷ লগতে শিশুসকলৰ বাবেও অতি প্ৰেৰণাদায়ক এই ভিডিঅ’ । আচলতে বিগ বিয়ে এটি শিশুৱে ঘৰতে ক্ৰিকেট খেলি থকাৰ এটা ভিডিঅ’ শ্বেয়াৰ কৰিছে ।
অভিনেতাগৰাকীয়ে শ্বেয়াৰ কৰা ভিডিঅ’টোত ৪-৫ বছৰীয়া এটি শিশুৱে হাতত প্লাষ্টিকৰ বেট লৈ সন্মুখৰ পৰা অহা বল এটাৰ পিচত এটাকৈ শ্বট মাৰি থকা দেখা পোৱা গৈছে (Big B shared viral video of child)। বিশেষ কথাটো হ’ল শিশুটিৰ শ্বটৰ ষ্টাইলটো হুবহু অভিজ্ঞ বেটছমেনৰ দৰেই । কেৱল ইমানেই নহয়, ধোনিৰ দৰে হেলিকপ্টাৰ শ্বটো মাৰিছিল শিশুটিয়ে আৰু বিৰাট কোহলীৰ দৰে ডাঙৰ ডাঙৰ কভাৰ ড্ৰাইভ মৰাও পৰিলক্ষিত হৈছে (Child playing cricket like finest batman) । এই ভিডিঅ’টো শ্বেয়াৰ কৰি বিগ বিয়ে কেপচনত লিখিছে, ‘ভাৰতীয় ক্ৰিকেটৰ ভৱিষ্যত অতি নিৰাপদ হাতত আছে ।’
- " class="align-text-top noRightClick twitterSection" data="
">
ইয়াৰ পূৰ্বে এটা হাস্যকৰ ভিডিঅ’ শ্বেয়াৰ কৰিছিল বিগ বিয়ে
উল্লেখ্য যে, শেহতীয়াকৈ অমিতাভ বচ্চনে আন এটা ধেমেলীয়া ভিডিঅ’ শ্বেয়াৰ কৰিছিল ৷ য’ত এজন আৰক্ষীয়ে ফেনৰ দৰে চুলি ঘূৰাই ঘূৰাই ৰাস্তাত খোজ কাঢ়ি থকা দেখা পোৱা গৈছিল । এই ভিডিঅ’টোৰ সৈতে অমিতাভে কেপচনত লিখিছিল, এই গ্ৰীষ্মকালীন দিনটোত তেওঁ নিজৰ ফেনখন লগত লৈ গৈ আছে । ইফালে ইয়াৰ পূৰ্বে এজন অচিনাকি ব্যক্তিৰ পৰা লিফ্ট লোৱা ফটো শ্বেয়াৰ কৰিছিল অভিনেতাগৰাকীয়ে ।
- " class="align-text-top noRightClick twitterSection" data="
">
ফটোখন শ্বেয়াৰ কৰি ব্যক্তিজনক ধন্যবাদ জ্ঞাপন কৰি বিগ বিয়ে । কিন্তু ছবিখনত বিগ বিত হেলমেট নোহোৱাকৈ বাইকত দেখা দিছিল, ইয়াৰ পিচতে ছ’চিয়েল মিডিয়া ব্যৱহাৰকাৰীয়ে তেওঁক ট্ৰ’ল কৰি মুম্বাই আৰক্ষীৰ পৰা ব্যৱস্থা গ্ৰহণৰ দাবী জনাইছিল । ইফালে অমিতাভ বচ্চনক আগন্তুক সময়ত টাইগাৰ শ্ৰফৰ অভিনীত ‘গণপট’, ছবি ‘ঘূমাৰ’, ‘প্ৰজেক্ট কে’ আৰু ‘বাটাৰফ্লাই’ৰ দৰে ছবিত দেখা পোৱা যাব ।
লগতে পঢ়ক: Urvashi Rautela: এইবাৰ কিহৰ বাবে সমালোচনাৰ পাত্ৰ হ’ল উৰ্বশী ৰাউটেলা ? জানিবলৈ পঢ়ক এই প্ৰতিবেদন
