চিটাৰা ডেস্ক, 4 এপ্ৰিল: চলচ্চিত্ৰ নিৰ্মাতা অয়ান মুখাৰ্জীয়ে তেওঁৰ সপোনৰ প্ৰজেক্ট ‘ব্ৰহ্মাস্ত্ৰ পাৰ্ট ১’ৰ জৰিয়তে বক্স অফিচত এক আলোড়নৰ সৃষ্টি কৰিবলৈ সক্ষম হৈছিল । এই ছবিখন যোৱা বছৰ অৰ্থাৎ ২০২২ চনৰ ৯ ছেপ্টেম্বৰত ছবিগৃহত মুক্তি লাভ কৰিছিল (BRAHMASTRA 2 and 3)। এই ছবিখনৰ জৰিয়তে অয়ানে প্ৰথমবাৰৰ বাবে দৰ্শকৰ সন্মুখত বলিউডৰ ৰিল লাইফৰ নহয় ৰিয়েল লাইফৰ যুটি ৰণবীৰ কাপুৰ আৰু আলিয়া ভাটৰ চিনাকি কৰাই দিছিল । এই যুটিটোক দৰ্শকে যথেষ্ট মৰম দিছিল আৰু ছবিখনে বক্স অফিচত ব্যাপক ৰাজহ সংগ্ৰহ কৰিবলৈ সক্ষম হয় ৷
তেতিয়াৰ পৰাই দৰ্শকে ছবিখনৰ পৰৱৰ্তী খণ্ডৰ বাবে অতি আগ্ৰহেৰে অপেক্ষা কৰি আছে ৷ এইখিনিতে উল্লেখ কৰিব লাগিব যে, অনুৰাগীৰ অপেক্ষাৰ অন্ত পৰিব ৷ কিয়নো অনুৰাগীৰ আগ্ৰহৰ প্ৰতি লক্ষ্য ৰাখি অয়ান মুখাৰ্জীয়ে ছবিখনৰ দ্বিতীয় আৰু তৃতীয় খণ্ডৰ মুক্তিৰ তাৰিখ ঘোষণা কৰিছে ৷ ছবিখনৰ দ্বিতীয় খণ্ড ২০২৬ চনত আৰু তৃতীয় খণ্ড ২০২৭ চনত মুক্তি পাব (Ayan Mukerji announces Brahmastra)।
কেতিয়া মুক্তি পাব ‘ব্ৰহ্মাস্ত্ৰ ২ আৰু ৩’ ছবিখন ?
উল্লেখ্য যে, অয়ান মুখাৰ্জীয়ে শ্বেয়াৰ কৰা পোষ্টাৰ অনুসৰি ২০২৬ চনৰ ডিচেম্বৰ মাহত ব্ৰহ্মাস্ত্ৰ পাৰ্ট ২ আৰু ২০২৭ চনৰ ডিচেম্বৰত ব্ৰহ্মাস্ত্ৰ পাৰ্ট ৩ মুক্তি পাব, কিন্তু এই দুয়োটা পাৰ্টৰ শ্বুটিং একেলগে সম্পূৰ্ণ হ’ব । অয়ান মুখাৰ্জীয়ে এই খবৰ ছ’চিয়েল মিডিয়াযোগে শ্বেয়াৰ কৰাৰ লগে লগে উৎফুল্লিত পৰে ৰণবীৰ আৰু আলিয়াৰ অনুৰাগীসকল (Ayan Mukerji) ৷
ব্ৰহ্মাস্ত্ৰ ১ম খণ্ডৰ বক্স অফিচ সংগ্ৰহ ?
২০২২ চনৰ ৯ ছেপ্টেম্বৰত মুক্তি পোৱা ব্ৰহ্মাস্ত্ৰ পাৰ্ট ১ ছবিখনে বিশ্বব্যাপী বক্স অফিচত ৪০০ কোটিতকৈও অধিক টকাৰ ব্যৱসায় কৰিছিল । একে সময়তে ঘৰুৱা বক্স অফিচত এই ছবিখনে ২৫৭ কোটি টকাৰ নেট সংগ্ৰহ কৰিছিল । ছবিখনৰ মুঠ সংগ্ৰহ আছিল ৪১৮ কোটি টকা । ছবিখনত ৰণবীৰ কাপুৰ আৰু আলিয়া ভাটৰ লগতে অমিতাভ বচ্চন, শ্বাহৰুখ খান, দক্ষিণ অভিনেতা নাগাৰ্জুন, মৌনি ৰায়কে ধৰি বহু তাৰকাই অভিনয় কৰিছিল আছিল ।
লগতে পঢ়ক: KKBKKJ song Yentamma out: কিচি কা ভাই কিছি কি জানৰ নতুন গীত মুকলি
