চিটাৰা ডেস্ক, 15 জুন : ৰূপালী পৰ্দাত প্ৰথমবাৰৰ বাবে একেলগে দেখা পোৱা যাব ৰণবীৰ কাপুৰ আৰু আলিয়া ভাটক ৷ এই ছবিখনৰ শ্বুটিঙৰ সময়তে দুয়োৰে মাজত প্ৰেম হৈছিল ৷ মুকলি হ’ল বহুপ্ৰতীক্ষিত ছবিখনৰ ট্ৰেইলাৰ ৷ ছবিখনৰ মুক্তিৰ বাবে অপেক্ষা কৰি থকা দুয়োৰে অনুৰাগীয়ে ট্ৰেইলাৰটো চোৱাৰ পিছত প্ৰশংসাৰে উপচাই পেলাইছে ছ’চিয়েল মিডিয়া (Brahmastra Trailer) ৷
আলিয়া ভাট আৰু ৰণবীৰ কাপুৰৰ অনুৰাগীসকলৰ উৎকণ্ঠা আৰু অধিক বৃদ্ধি পালে ট্ৰেইলাৰটো চোৱাৰ পিছত (Alia Bhatt latest insta post) । 'ব্ৰহ্মাস্ত্ৰ' শীৰ্ষক এই ছবিখন দুয়োগৰাকী তাৰকাৰে প্ৰথম পৌৰাণিক ছবি । পূৰ্বে চলচ্চিত্ৰখনৰ সকলো চৰিত্ৰৰ ম’চন পোষ্টাৰবোৰ একেৰাহে মুকলি কৰা হৈছিল । এই ছবিখন অয়ন মুখাৰ্জীয়ে পৰিচালনা কৰিছে আৰু কৰণ জোহৰৰ ধৰ্ম প্ৰডাকচনৰ বেনাৰত নিৰ্মাণ কৰা হৈছে ।
ইয়াৰ পূৰ্বে আলিয়া ভাটে ছবিখনৰ এটা টিজাৰ শ্বেয়াৰ কৰিছিল, য'ত অমিতাভ বচ্চন, নাগাৰ্জুন, ৰণবীৰ কাপুৰ আৰু মৌনী ৰয়কে ধৰি সকলোৰে চৰিত্ৰ দেখা পোৱা গৈছিল (Brahmastra movie cast) । টিজাৰটোত সকলো তাৰকাৰে প্ৰকৃত চৰিত্ৰ প্ৰকাশ হৈছিল ।
- " class="align-text-top noRightClick twitterSection" data="
">
চলচ্চিত্ৰখনৰ লগত জড়িত সকলোৱে দৃশ্যগ্ৰহণ সমাপ্ত কৰি কাশী মন্দিৰ দৰ্শন কৰিছিল । যেতিয়া আলিয়া আৰু ৰণবীৰে বাৰাণসীত 'ব্ৰহ্মাস্ত্ৰ' চলচ্চিত্ৰখনৰ দৃশ্যগ্ৰহণ কৰি আছিল তেতিয়া বহুতো ভিডিঅ' ছ’চিয়েল মিডিয়াত ভাইৰেল হৈছিল । আলিয়া-ৰণবীৰক বাৰাণসীৰ বহু ঠাইত দৃশ্যগ্ৰহণ কৰা দেখা গৈছিল । বাৰাণসীৰ ৰাস্তা আৰু নদীৰ পাৰত ছবিখনৰ দৃশ্যগ্ৰহণ কৰা হৈছে ।
প্ৰায় পাঁচ বছৰৰ পিছত ছবিখনৰ দৃশ্যগ্ৰহণ সম্পূৰ্ণ হৈছে (Brahmastra movie budget) ৷ ছবিখনে এই বছৰৰ ৯ ছেপ্টেম্বৰত মুক্তি লাভ কৰিব (Brahmastra release date)।
লগতে পঢ়ক: Alia Bhatt role in Brahmastra : ব্ৰহ্মাস্ত্ৰ সম্পৰ্কত কি ক’লে অভিনেত্ৰী আলিয়াই ?
