চিটাৰা ডেস্ক, 27 ছেপ্টেম্বৰ: প্ৰতিবছৰে দেশজুৰি অতি ধুমধামেৰে উদযাপন কৰা হয় গণেশ চতুৰ্থী ৷ এইবাৰো ইয়াৰ ব্যতিক্ৰম নহয়, এই বৰ্ষৰ গণেশ পূজা 19 ছেপ্টেম্বৰত উদযাপন কৰা হৈছে । পূজাৰ পিচত 20 ছেপ্টেম্বৰত গণপতি বিসৰ্জন কৰা হয় । অৱশ্যে মহাৰাষ্ট্ৰ, হায়দৰাবাদৰ লগতে বহু ঠাইত দহদিনীয়াকৈ উদযাপন কৰা হৈছে এই উৎসৱ ৷ বলীউডৰ বহু তাৰকাই এই উৎসৱ অতি ধুমধামেৰে পালন কৰা দেখা গৈছে ৷ ইফালে প্ৰতিগৰাকী তাৰকাই ইজনে সিজনৰ বাসগৃহলৈ গৈ গণেশ উৎসৱত অংশগ্ৰহণ কৰা দেখা পোৱা গৈছিল ৷
শেহতীয়াকৈ বলীউৰ ভাইজান ছলমান খান আৰু বলীউডৰ কিং খানকো দেখা গৈছিল মহাৰাষ্ট্ৰৰ মুখ্যমন্ত্ৰী একনাথ সিন্দেৰ ঘৰত গণেশ পূজাত ৷ এতিয়া এই ক্ষেত্ৰত পিচ পৰি থকা নাই বলীউডৰ মিষ্টাৰ পাৰফেক্টশ্যনিষ্ট আমিৰ খান ৷ 26 ছেপ্টেম্বৰত অভিনেতাগৰাকীক গণপতি দৰ্শনৰ বাবে বিজেপি নেতা আশিস শ্বেলাৰৰ বাসগৃহত উপস্থিত হোৱা দেখা গৈছিল ।
-
#WATCH Mumbai: Actor Aamir Khan arrives at Mumbai BJP President Ashish Shelar's Ganpati program. (26.09)#GaneshChaturthi pic.twitter.com/lXxFWFTSXZ
— ANI (@ANI) September 27, 2023 " class="align-text-top noRightClick twitterSection" data="
">#WATCH Mumbai: Actor Aamir Khan arrives at Mumbai BJP President Ashish Shelar's Ganpati program. (26.09)#GaneshChaturthi pic.twitter.com/lXxFWFTSXZ
— ANI (@ANI) September 27, 2023#WATCH Mumbai: Actor Aamir Khan arrives at Mumbai BJP President Ashish Shelar's Ganpati program. (26.09)#GaneshChaturthi pic.twitter.com/lXxFWFTSXZ
— ANI (@ANI) September 27, 2023
গণপতি দৰ্শনৰ বাবে বিজেপি নেতা আশিস শ্বেলাৰৰ বাসগৃহত উপস্থিত আমিৰ খান
26 ছেপ্টেম্বৰত গণপতি দৰ্শনৰ বাবে ভাৰতীয় জনতা পাৰ্টিৰ নেতা তথা ক্ৰিকেট প্ৰশাসক আশিস শ্বেলাৰৰ বাসগৃহলৈ যোৱা দেখা গৈছিল আমিৰ খানক । শেহতীয়াকৈ ANI য়ে এক্স (পূৰ্বৰ টুইটাৰ) একাউন্টত আমিৰ খানৰ এটা ভিডিঅ’ পোষ্ট কৰিছে ৷ পোষ্টটোত অভিনেতাগৰাকীক আশিস শ্বেলাৰৰ বাসগৃহত প্ৰৱেশ কৰা দেখা যায় ৷ এই সময়চোৱাত অভিনেতাগৰাকীয়ে পৰিধান কৰিছিল বগা কুৰ্তা আৰু হালধীয়া পেণ্ট ৷ ইফালে অভিনেতাগৰাকীয়ে আশিস শ্বেলাৰৰ বাসগৃহত প্ৰথমে গণেশ বাবাৰ পূজা কৰে আৰু ইয়াৰ পাচত আশিস শ্বেলাৰৰ সৈতে পাপাৰাজীৰ সন্মুখত ছবিৰ বাবে পোজ দিয়ে ৷
আমিৰ খানৰ ৱৰ্কফ্ৰন্ট
আমিৰৰ আগন্তুক প্ৰজেক্টৰ কথা ক’বলৈ সংবাদ মাধ্যমৰ বাতৰি অনুসৰি অভিনেতাগৰাকীয়ে পৰিচালক ৰাজকুমাৰ সন্তোষীৰ সৈতে দুখন ছবিৰ বাবে চুক্তিবদ্ধ হৈছে । দুয়োখন ছবিৰ ভিতৰত এখনত আমিৰ খান মুখ্য চৰিত্ৰত থাকিব আৰু আনখন ছবিত তেওঁক প্ৰযোজক হিচাপে জনপ্ৰিয় চলচ্চিত্ৰ নিৰ্মাতাগৰাকীৰ সৈতে কাম কৰা দেখা যাব ।
উল্লেখ্য যে 2022 চনত মুকলি হৈছিল অভিনেতাগৰাকীৰ ছবি লাল সিং চাড্ডা ৷ কিন্তু ছবিখনৰ বিৰুদ্ধে ছ’চিয়েল মিডিয়াত আৰম্ভ হৈছিল বয়কট ট্ৰেণ্ড ৷ যাৰ বাবে বক্স অফিচত বিফল হৈছিল ছবিখন ৷ এই ছবিখন ফ্লপ হোৱাৰ পিচতে ছবিজগতৰ পৰা বিৰতি লৈছিল অভিনেতাগৰাকীয়ে আৰু পৰিয়ালৰ লগত সময় অতিবাহিত কৰা দেখা গৈছিল অভিনেতাগৰাকীক। এতিয়া পুনৰ ছবিজগতলৈ উভতি অহাৰ যো-জা চলাইছে ৷
লগতে পঢ়ক: Ganesh Chaturthi 2023: একাষে ভাইজান আনফালে কিংখানক লৈ কেমেৰাৰ সমুখত প’জ একনাথ সিন্দেৰ
