চিটাৰা ডেস্ক, 24 জানুৱাৰী : আগন্তুক 95 তম অস্কাৰ সমাৰোহৰ মনোনয়নৰ সম্পূৰ্ণ তালিকা আজি সন্ধিয়া এক অনুষ্ঠানত প্ৰকাশ কৰা হ'ব । অস্কাৰ 2023 ৰ মনোনয়নসমূহ এলিচন উইলিয়ামছ আৰু ৰিজ আহমেদে আয়োজন কৰিব বুলি একাডেমীয়ে জানিবলৈ দিয়ে । মনোনয়নসমূহ ভাৰতীয় সময় মতে সন্ধিয়া 6.50 বজাত লাইভ হ'ব ।
2022 চনত আহমেদে দ্য লং গুডবাইৰ সহ-লেখক, প্ৰযোজক আৰু তাৰকা হিচাপে শ্ৰেষ্ঠ লাইভ এক্সন শ্বৰ্ট ফিল্মৰ অস্কাৰ লাভ কৰে । ইয়াৰ আগতে, তেওঁ 2021 চনত চাউণ্ড অফ মেটালত তেওঁৰ অভিনয়ৰ বাবে শ্ৰেষ্ঠ অভিনেতাৰ অস্কাৰ মনোনয়ন লাভ কৰিছিল । অস্কাৰ মনোনীত থ্ৰিলাৰ নাইটক্ৰ'লাৰত অভিনয় কৰাৰ পিছত আহমেদে এইচবিঅ'ৰ চিৰিজ দ্য নাইট অফত অভিনয় কৰে, যাৰ বাবে তেওঁ সীমিত শৃংখলা বা চলচ্চিত্ৰত অসামান্য মুখ্য অভিনেতাৰ বাবে এমী জয় কৰে । তেওঁ sci-fi ড্ৰামা ফিংগাৰনেইলছত অস্কাৰ মনোনীত জেছি বাকলিৰ বিপৰীতে অভিনয় কৰিব আৰু শ্বেক্সপীয়েৰৰ হেমলেটৰ আধুনিক বৈশিষ্ট্যপূৰ্ণ অভিযোজনৰ বাবে দ্য লং গুডবাইৰ পৰিচালক এনেইল কাৰিয়াৰ সৈতে পুনৰ একেলগ হ’ব ।
উইলিয়ামছে এমী বিজয়ী এইচবিঅ' চিৰিজ গাৰ্লছ আৰু অস্কাৰ বিজয়ী জৰ্ডান পিলেৰ ভৌতিক চলচ্চিত্ৰ গেট আউটত ছয়টা চিজনৰ বাবে মাৰ্নি (Marnie) হিচাপে অভিনয় কৰিছিল । তেওঁ শেহতীয়াকৈ মুক্তি প্ৰাপ্ত sci-fi ভৌতিক থ্ৰিলাৰ M3GAN ত অভিনয় কৰিছিল । থমাছ মেলনৰ উপন্যাসৰ আধাৰত নিৰ্মিত শ্ব’টাইমৰ ফেলো ট্ৰেভেলাৰ্ছত মেট ব’মাৰৰ সৈতে উইলিয়ামছে অভিনয় কৰিব ।
ক'ত চাব ? মনোনয়ন সমূহ 24 জানুৱাৰী, মঙলবাৰে ঘোষণা কৰা হ'ব । মনোনয়ন অনুষ্ঠানটি Oscar.com, Oscars.org, বা একাডেমীৰ টুইটাৰ, ফেচবুক, টিকটক বা ইউটিউবৰ জৰিয়তে সন্ধিয়া 6:50 বজাৰ পৰা আৰম্ভ হ'ব, একাডেমীয়ে এইদৰে কয় ।
95 সংখ্যক অস্কাৰ অনুষ্ঠান কেতিয়া আৰু ক’ত ? দেওবাৰ, 12 মাৰ্চ, 2023 অভেচন হলীউডৰ ডলবি® থিয়েটাৰৰ পৰা লাইভ হ’ব । এই অনুষ্ঠানটো এবিচি আৰু বিশ্বৰ 200ৰো অধিক টেৰিটৰীত লাইভ টেলিভিছনত প্ৰচাৰ কৰা হ’ব ।
কোনে আয়োজন কৰিছে অনুষ্ঠানটো ? তৃতীয়বাৰৰ বাবে ঘূৰি আহিব জিমি কিমেল । ক্ৰেমাৰ আৰু একাডেমীৰ সভানেত্ৰী জেনেট ইয়াঙৰ উদ্ধৃতিৰে এ.ফ্ৰেমে কয় যে, “তেওঁৰ চিনেমাৰ প্ৰতি থকা প্ৰেম, লাইভ টিভিৰ বিশেষজ্ঞতা আৰু আমাৰ বিশ্বব্যাপী দৰ্শকৰ সৈতে সংযোগ স্থাপনৰ ক্ষমতাই বিশ্বজুৰি আমাৰ লাখ লাখ দৰ্শকৰ বাবে এক অবিস্মৰণীয় অভিজ্ঞতাৰ সৃষ্টি কৰিব” ৷
কোনে প্ৰযোজনা কৰিছে শ্ব’টো ? এইবাৰৰ অনুষ্ঠানটোৰ কাৰ্যবাহী প্ৰযোজক আৰু শ্ব’ৰানাৰ হিচাপে কাম কৰিব হোৱাইট চেৰী এণ্টাৰটেইনমেণ্টৰ গ্লেন ৱেইছ আৰু ৰিকি কিৰ্ছনাৰে । একেৰাহে অষ্টম বছৰৰ বাবে এই অনুষ্ঠানটো পৰিচালনা কৰিব ৱেইছে ।
ৱেইছে 2017 আৰু 2018 দুয়োটা বছৰতে ভেৰাইটি বিশেষৰ অসাধাৰণ পৰিচালনাৰ বাবে এমী বঁটা লাভ কৰিছিল ৷ লগতে 2019 চনত ভেৰাইটি বিশেষ আৰু অসাধাৰণ ভেৰাইটি বিশেষ (লাইভ)ৰ অসাধাৰণ পৰিচালনাৰ বাবে অতিৰিক্ত মনোনয়ন লাভ কৰিছিল বুলি এ.ফ্ৰেমে প্ৰকাশ কৰিছে ৷
লগতে পঢ়ক : Ae Watan Mere Watan teaser:অখ্যাত নায়িকা উষা মেহতাৰ ৰূপত ছাৰা আলী খান
