বিহপুৰীয়া, ১৪ নৱেম্বৰ : লখিমপুৰ জিলাৰ বান্দৰদেৱাত দুই ড্ৰাগছ সৰবৰাহকাৰীক গ্ৰেপ্তাৰ কৰিবলৈ সক্ষম হয় আৰক্ষী ৷ জিলাখনৰ বিহপুৰীয়া আৰু বান্দৰদেৱাৰ আৰক্ষী বাহিনীৰ যুটীয়া অভিযানত যোৱা নিশা অসম অৰুণাচল সীমান্তৱৰ্তী বান্দৰদেৱাৰ পৰা দুই ড্ৰাগছ সৰবৰাহকাৰী আটক কৰে ৷ ধৃত ড্ৰাগছ সৰবৰাহকাৰী দুটা বঙালমৰাৰ পাভ ভেকেলিৰ ৰঞ্জিত দলে আৰু নগাঁৱৰ আবুবক্কৰ ছিদ্দিক বুলি জানিব পৰা গৈছে ৷
উল্লেখযোগ্য যে, লোক দুজনে দীৰ্ঘদিনৰ পৰা বান্দৰদেৱাত বাহৰ পাতি চলাই আহিছিল ড্ৰাগছৰ ৰমৰমীয়া ব্যৱসায় ৷ ধৃত ড্ৰাগছ সৰবৰাহকাৰী দুটাৰ পৰা আৰক্ষীয়ে ৩.৯৩ গ্ৰাম সন্দেহযুক্ত হেৰ’ইন আৰু ২৬ টা কন্টেনাৰ লগতে দুটা ম’বাইল ফোন জব্দ কৰিবলৈ সক্ষম হয় ৷ বৰ্তমান বিহপুৰীয়া আৰক্ষীয়ে অধিক তথ্যৰ বাবে জেৰা অব্যাহত ৰাখিছে ৷
লগতে পঢ়ক : Drinking Water Problem : দীনদয়াল উপাধ্যায় মহাবিদ্যালয়ত নলেৰে ওলাইছে মামৰ লগা খোৱাপানী
