শিৱসাগৰ, 11 জানুৱাৰীঃ শিৱসাগৰত উদ্ধোধন কৰা হয় এটা কেঁচুসাৰ প্ৰকল্প ৷ শিৱসাগৰ পৌৰ সভাৰ অন্তৰ্গত 'Day-Nulam' আৰু' Swachh Bharat' অভিযানৰ অধীনত জিলাখনৰ শান্তিধাম আশ্ৰমত প্ৰকল্পটো উদ্ধোধন কৰে শিৱসাগৰ জিলাৰ উপায়ুক্ত ডাঃ এম.এছ. লক্ষ্মীপ্ৰিয়াই ৷
উল্লেখ্য যে, মূলাগাভৰু এ.এল.এফ গোটৰ ১০ গৰাকী মহিলাই সৃষ্টি-স্বচ্ছতা সমিতিৰ নামত কেঁচুসাৰ উৎপাদন প্ৰকল্পটো আৰম্ভ কৰে ৷ গোটটোৰ মহিলাসকলে ১০ নং ৱাৰ্ডৰ কৰদাতাৰ প্ৰতি ঘৰে-ঘৰে গৈ আৱৰ্জনা সংগ্ৰহ কৰে আৰু সেই আৱৰ্জনাসমূহ বিজ্ঞানসন্মত পদ্ধতিৰে পৃথক কৰি জৈৱিক জাৱৰসমূহ কেঁচুসাৰ উৎপাদনৰ কেঁচামাল ৰূপে ব্যৱহাৰ কৰে ৷ মহিলাসকলে কৃষিৰ বাবে উপযোগী উৎপাদিত কেঁচুসাৰসমূহ কৃষকসকলক যোগান ধৰি স্বাৱলম্বী হোৱাৰ পথ বাছি লৈছে ৷ মহিলাসকলৰ এনে প্ৰয়াস এতিয়া বহু মহিলাৰ বাবে আদৰ্শ হৈ পৰিছে বুলি মন্তব্য কৰে উদ্বোধনী অনুষ্ঠানত উপস্থিত থকা উপায়ুক্ত লক্ষ্মীপ্ৰিয়াই ৷
অন্য এক খবৰৰ বাবে : হাফলং-শিলচৰ ঘাইপথ নিৰ্মাণৰ বাবে 54 কোটি 27 লাখ টকা মুকলি
