শিলচৰ, 3 আগষ্ট : অসমৰ সৈতে সংঘটিত হোৱা সীমা-বিবাদ(Assam Mizoram Border Dispute)ৰ ঘটনাৰ পিছত বিমানৰে নিজ ৰাজ্যলৈ খাদ্য কঢ়িয়াইছে মিজোৰামে ৷ কলিকতা, শিলচৰ বিমান বন্দৰৰ পৰা বিমানেৰে খাদ্য সামগ্ৰী ভৰাই দুয়োটা বিমান বন্দৰৰ পৰা বিমান যোগে নিছে খাদ্য সামগ্ৰী কঢ়িয়াইছে মিজোৰাম চৰকাৰে ৷ ৩৮,৭১১ কেজি সামগ্ৰী লৈ প্ৰথমখন বিমান মঙলবাৰে আইজালৰ লেংপুই বিমানবন্দৰত অৱতৰণ কৰিছে ৷ ইতিমধ্যে, আন কেইবাখনো বিমানৰে খাদ্য নিয়াৰ পৰিকল্পনা কৰিছে মিজো চৰকাৰে ৷
শিলচৰ বিমান বন্দৰ (Silchar Airport) কৰ্তৃপক্ষই টুইট(Tweet) যোগে প্ৰদান কৰিছে এই খবৰ ৷ ইফালে, মিজোৰামত খাদ্য-সামগ্ৰীৰ লগতে পেট্ৰ’ল-ডিজেলক লৈও হাহাকাৰ সৃষ্টি হৈছে ৷ ৰাজ্যখনৰ প্ৰায়ভাগ পেট্ৰ’ল পাম্পতে সম্প্ৰতি Diesel Nil, Petrol Nil বেনাৰ লাগিছে ৷ অসমৰে সংঘাতৰ পিছতেই মিজোৰামত এইদৰে অত্যাৱশ্যকীয় সামগ্ৰীৰ তীব্ৰ নাটনিয়ে দেখা দিছে ৷ চুবুৰীয়া অসমত ঠাইয়ে ঠাইয়ে হোৱা অৱৰোধ কাৰ্যসূচীৰ বাবে ৰাষ্ট্ৰীয় ঘাইপথ বন্ধ কৰি ৰখাত অত্যাৱশ্যকীয় সামগ্ৰীৰ নাটনি হৈছে মিজোৰামত ৷
সীমান্তৰ লাইলাপুৰত যোৱা ২৬ জুলাইত অসমৰ ছয়গৰাকীকৈ জোৱানক গুলীয়াই নিহত কৰাৰ পিছৰে পৰা অসমৰ নাগৰিকে মিজোৰাম অভিমুখী পথ বন্ধ কৰি ৰখাত তীব্ৰ খাদ্য, ইন্ধনজাত সামগ্ৰীৰ নাটনি হৈছে মিজোৰামত ৷ সোমবাৰে পুৱা ৮:১৫ বজাত শিলচৰ বিমানবন্দৰত অৱতৰণ কৰা স্পাইচ এক্সপ্ৰেছ বিমান এখন অৱতৰণ কৰে ৷ বিমানখনে শিলচৰৰ পৰা খাদ্যসামগ্ৰী লৈ পুৱা ১০ বজাত আইজললৈ ৰাওনা হয় ৷
একেদৰে কলিকতাৰ পৰাও খাদ্য-সামগ্ৰী লোড কৰি মিজোৰামলৈ প্ৰেৰণ কৰা হৈছে । সম্প্ৰতি, মিজোৰামৰ চৰকাৰে অসম চৰকাৰৰ বিৰুদ্ধে ৰাজপথৰ অৰ্থনৈতিক অৱৰোধক (economic blockade) সমৰ্থন কৰাৰো অভিযোগ উত্থাপন কৰিছে ৷ অৱশ্যে, বিভিন্ন সংগঠনে ৰাজ্যখনৰ বিৰুদ্ধে পথ অৱৰোধ কৰাৰ সময়তে বৰাক উপত্যকাৰ প্ৰশাসনে প্ৰকাশ কৰিছে যে এনেধৰণৰ অৱৰোধ উঠাই লোৱা হৈছে ৷ ট্ৰাকচালক বা আন বাহনৰ চলাচলৰ বাবে অসমৰ ৰাজপথত কোনো বাধা নাই ৷
লগতে পঢ়ক : অৰুণাচলক লৈ চীনে দৃষ্টিভংগী সলনি কৰক : নিনং এৰিং
