নগাঁও, 15 ডিচেম্বৰ : কংগ্ৰেছে যিমানেই প্ৰশিক্ষণ নলওক একো লাভ নাই । কাৰণ কংগ্ৰেছত প্ৰশিক্ষণ(Congress training Programmes) দিয়া মানুহৰে অৱস্থা বেয়া । কংগ্ৰেছ এতিয়া শেষ । সমগ্ৰ দেশতে এতিয়া কংগ্ৰেছৰ অৱস্থা তথৈবচ । দুই তিনিবাৰকৈ পৰাজিত হোৱা লোকেহে কংগ্ৰেছত পায় পদবী । আনকি কংগ্ৰেছত এতিয়া দুই তিনিবাৰকৈ পৰাজিত হোৱা লোকেহে দিয়ে প্ৰশিক্ষণ । ৰাজ্য চৰকাৰৰ জনসংযোগ, জলসম্পদ বিভাগৰ মন্ত্ৰী পীয়ুষ হাজৰিকা(Pijush Hazarika visit Nagaon)ই বুধবাৰে নগাঁৱত উপস্থিত হৈ কংগ্ৰেছ দলক এনেদৰে তীব্ৰ ভাষাৰে সমালোচনা কৰে ৷
উল্লেখ্য যে, নগাঁও জিলাৰ অন্তৰ্গত বিধানসভা সমষ্টিৰ বিধায়ক সকলক লগত লৈ বুধবাৰে নগাঁও জিলা উপায়ুক্ত কাৰ্যালয়ৰ সভাকক্ষত জিলা উপায়ুক্ত, আৰক্ষী অধীক্ষকৰ সৈতে এক গুৰুত্বপূৰ্ণ বৈঠকত মিলিত হয় মন্ত্ৰী পীয়ুষ হাজৰিকা ৷ বৈঠকৰ পাছত সংবাদ মাধ্যমৰ সন্মুখত বহুকেইটা বিস্ফোৰক মন্তব্য কৰে মন্ত্ৰী পীয়ুষ হাজৰিকাই । বিৰোধী কংগ্ৰেছক কটাক্ষ কৰি মন্ত্ৰী হাজৰিকাই অসমত আৰু বহু যুগলৈ কংগ্ৰেছে চৰকাৰ কৰিব নোৱাৰে বুলি কটাক্ষ কৰে ।
মন্ত্ৰীগৰাকীয়ে লগতে কয় যে, কংগ্ৰেছত নাই এতিয়া এজনো যোগ্য নেতা নাই । যি দুই এজন যোগ্য নেতা আছে তেওঁলোকক কোনো সুবিধা দিয়া নহয় । ঠেলি-হেচি আঁতৰাই ৰখা হয় কংগ্ৰেছৰ যোগ্য নেতাসকলক । গৰুখুটিৰ উচ্ছেদৰ প্ৰসংগ উল্লেখক কৰি তেওঁ অসম প্ৰদেশ কংগ্ৰেছৰ সভাপতি ভূপেন বৰাকো কঠোৰ ভাষাৰে কটাক্ষ কৰে ৷ আনহাতে বিধায়ক শ্বেৰমান আলী সন্দৰ্ভতো মন্তব্য কৰে মন্ত্ৰী হাজৰিকাই । মন্ত্ৰীগৰাকীয়ে শ্বেৰমান আলীক বিজেপিয়ে জেললৈ পঠিয়াইছে বুলিও মন্তব্য কৰে ।
তেওঁ লগতে কয় যে, শ্বেৰমান আলীৰ দৰে নেতাক বিজেপিয়ে কোনো দিনেই গ্ৰহণ নকৰে । ইপিনে ৱেব পৰ্টেলৰ প্ৰসংগও উল্লেখ কৰি মন্ত্ৰী পীয়ুষ হাজৰিকাই কয় যে, পৰ্টেলে মানুহক আৰু ব্লেকমেইলিং কৰিব নোৱাৰিব । ৱেব পৰ্টেলক লৈ অতি শীঘ্ৰেই আইন অনা হ'ব । পৰ্টেল বন্ধ কৰা নহয় । কিন্তু সকলো নীতি নিয়মৰ মাজেৰেহে চলিব পৰিব ৱেব পৰ্টেলসমূহ । ৱেবপৰ্টেলৰ ক্ষেত্ৰত কি কৰিব, কি নিয়ম থাকিব সেয়াও উল্লেখ কৰিলে জনসংযোগ বিভাগৰ মন্ত্ৰী পিয়ুষ হাজৰিকাই ।
লগতে পঢ়ক : মমতা বেনাৰ্জীয়ে বি জে পিৰ বি টীম হিচাপে কাম কৰি আছে : জীতেন্দ্ৰ সিং
